Haʻu, ʻo Muimui ʻIate Au

ʻIsikeli 37:15–28

ʻI he Ngutu ʻo e Fakamoʻoni ʻe Toko Ua pe Toko Tolu

Tā valivali ʻa Lyle Beddes

Naʻe tomuʻa mamata ʻa ʻIsikeli ʻe hoko ʻa e Tohi Tapú (vaʻakau ʻa Sutá) mo e Tohi ʻa Molomoná (vaʻakau ʻa Siosefá) ʻo “taha pē ʻi ho nimá” ( ʻIsikeli 37:17). Naʻe toe fakapapauʻi mai ʻe he kau palōfita ʻi he Tohi ʻa Molomoná ʻa e kikite ko ʻení (vakai, 1 Nīfai 13:40–41; 2 Nīfai 29:14; Molomona 7:8). ʻOku ʻikai ngata pē ʻi he femahiliaki ʻa e taimi ʻo e Tohi ʻa Molomoná mo e Tohi Tapú ka ʻokú na toe fakamoʻoni foki ki he hāʻele mai ʻa Sīsū Kalaisí, ʻEne ngāue fakafaifekaú, pea mo ʻEne feilaulau fakalelei maʻatautolu kotoá.

Tokāteline ʻo e Toluʻi ʻOtuá	Fuakava Motuʻá	Tohi ʻa Molomoná
Tamai Hēvaní	Sēnesi 1:1 Nōmipa 16:22 Malakai 2:10	Ko e Fakamoʻoni ʻa e Kau Fakamoʻoni ʻe Toko Tolú 2 Nīfai 32:9 Mōsaia 2:34 3 Nīfai 13:14
Sīsū Kalaisi	Saame 83:18 ʻĪsaia 12:2; 26:4; 43:3	1 Nīfai 10:4; 19:9 2 Nīfai 6:9, 18 Mōsaia 3:8, 12, 20
Laumālie Māʻoniʻoní	1 Samuela 10:10; 16:13–16 ʻĪsaia 61:1	2 Nīfai 31:12–14 Sēkope 4:13 Molonai 10:4–5

“Ko hono liunga tolu ʻeni ʻo ʻeku ʻalu atu kiate kimoutolu. ʻI he ngutu ʻo e fakamoʻoni ʻe toko ua pe toko tolu ʻe fakamoʻoni ʻa e lea kotoa pē.”

2 Kolinitō 13:1

“ʻI he ngutu ʻo e fakamoʻoni ʻe toko ua pe toko tolu ʻe fakamoʻoniʻi ʻa e lea kotoa pē.”

Tokāteline mo e Ngaahi Fuakava 6:28

Fealēleaʻaki

Kuo fakamālohia fēfē nai ʻe he Tohi Tapú mo e Tohi ʻa Molomoná hoʻo fakamoʻoní?