O sa Kidavaki Mai ki na iLavelave Oqo

Na Rarama kei Vuravura

Matailalai mai na Raimatua ki na Reki, mai vei Michael T. Malm

Ni da lakova na bula ni vuravura oqo, eda sotava na veivakatovolei, oka kina na ituvaki dredre ni matavuvale. Na veibolebole oqo e rawa ni vakavuna noda vakila ni da sa biutani, nuiqawaqawa, se yalobibi. Kevaka eda gole ki na ivurevure dina ni rarama, na iVakabula o Jisu Karisito, eda na rawa ni sokota vakavinaka cake na noda ituvaki dredre.

Ena ilavelave oqo, sa vola kina o Peresitedi M. Russell Ballard na sala eso eda rawa ni kunea kina na noda sala e loma ni leqa. E kaya o koya “Na rarama i [Karisito] e vagalalataka na veika ni vuravura ena keda maliwa kei na noda vakasama” (tabana e 4).

Niu dua na daunivakasala eliu ni vakamau kei na matavuvale, au a qarava e vuqa na matavuvale era sotava na dredre bibi. Na matavuvale era dau taura na gauna e veisiga me vakatara na Karisito ki na nodra bula era kunea na veitokani ni Nona rarama kei na loloma ni ra sotava na nodra dredre. Au wasea eso na italanoa oqori ena noqu itukutuku ena tabana e 8.

Au vakavinavinaka ena madigi tabu e donumaki au, ena noqu cakacaka, meu raici ira na matavuvale kei na tamata yadua ni ra duavata kei na iVakabula ena salatu me yaco me ra tamata vaka-Saioni (raica na Mosese 7:18). Au raica vakalailai na lomalagi ena veigauna kece au raica kina na liga ni Turaga ena nona bula e dua.

Ena vakavinavinaka,

Christy Monson