“Na Cava na iLesilesi kei na Cakacaka Vakalotu i Karisito?,” Liaona, Janu. 2023.
Lako Mai, Mo Muri Au
Na Cava na iLesilesi kei na Cakacaka Vakalotu i Karisito?
Na Vunau ena Ulunivanua, mai vei James Tissot © Brooklyn Museum of Art / Bridgeman Images
A veiyalayalati o Jisu Karisito ena bula taumada me lako mai ki Vuravura ka me mai noda iVakabula (raica na Mosese 4:2; Eparama 3:27). Me vaka ni noda iVakabula, a rawata ruarua o Koya na Nona ilesilesi kei na Nona cakacaka vakalotu.
A vakamacalataka o Peresitedi Russell M. Nelson: “Na ilesilesi ni Turaga ena bula oqo o ya me vakataucokotaka na Veisorovaki [ka] vakayacora na bula tawamudu me rawa kina vua e dua e rawata. Na nona cakacaka vakalotu sa ka kecega a cakava—Nona cakamana, Nona ivakavuvuli, Nona loloma, Nona vakanamata ki na cakacaka vakalotu, na Nona vakavulici keda ena ivakarau ni masu.“1
Na ivakarau ni ilesilesi kei na cakacaka vakalotu i Karisito e vakamacalataki ena vuqa na vanua ena ivolanikalou. Raica mada na ivakamacala nei Tinana, o Meri, ena Luke 1:46–55. O Ana, e dua talega na ivakaraitaki ni talairawarawa, a cabora e dua na masu vata vaqori me baleta na veiqaravi ni Turaga ena 1 Samuela 2:1–10.
Me vaka na Lako Mai, Mo Muri Au , e vakaturi ena ivolavakarau, e rawa ni o vakatauvatana oqo vata kei na iVunau i Jisu ena Maciu 5:3–12.2
Sa rawa mo vola eso na ivakarau ni cakacaka vakalotu i Karisito e vakamacalataka na ivolanikalou oqo; e dua na kena ivakarau sa volai tu me ivakaraitaki:
-
A lako mai na Karisito me vukea na vakamamautaki ni noda viakana vakayalo (raica na 1 Samuela 2:5; Luke 1:53; Maciu 5:6).