“Eda sa Vakalougatataki Vakacava ena Rarama kei Vuravura?,” Liaona, Janu. 2023.
Lako Mai, Mo Muri Au
Eda sa vakalougatataki vakacava mai na Rarama kei Vuravura?
Na iKarua ni Lako Mai, mai vei Grant Romney Clawson, ka yavutaki ena dua na imatai mai vei Harry Anderson
A lako mai o Joni “me vakadinadinataka na Rarama,” “na Rarama dina, ka vakararamataka na tamata kecega sa lako mai ki vuravura” (Joni 1:7, 9). “Sa cila mai na rarama mai na mata ni Kalou [ka] solia na bula ki na ka kecega” (Vunau kei na Veiyalayalati 88:12–13).
E vakalougatataki keda vakacava na rarama? Raica talega na Alama 19:6; 36:20; Vunau kei na Veiyalayalati 88:67.
Na cava e semati ki na rarama? Raica na Vunau kei na Veiyalayalati 84:45
Eda tubu cake vakacava ena rarama? Raica na Vunau kei na Veiyalayalati 93:28.
O cei na Rarama kei Vuravura? Raica na Joni 8:12; 3 Nifai 18:16–24.
E vakavulica o Peresitedi Lorenzo Snow (1814–1901), “Keimami vakabauta ni yalo e vakararamataka na matavuvale ni kawatamata a lako mai na nona iserau na Kalou Cecere, ka robota yani na veivanua kecega, ni sai koya na rarama kei na bula ni veika kecega, ka na taukena na yalo dina yadua me veiganiti kei na nona ivalavala dodonu, buladokai, kei na nona gagadre me kila na dina ka caka vinaka vei ira na wekana” (Na iVakavuvuli nei Lorenzo Snow, ed. Clyde J. Williams [1996], 107).