Lako Mai, Mo Muri Au

Maciu 3; Marika 1; Luke 3

E Vakaraitaka Vakacava na Talairawarawa na Papitaiso?

Na noda iVakabula sa ivakaraitaki uasivi ni talairawarawa vua na Tamada Vakalomalagi, ka tukuna tiko, “Niu sa sega ni muria na lomaqu, a lomai Tamaqu ga ko koya sa talai au mai” (Joni 5:30).

A papitaiso na iVakabula me vakaraitaka na Nona talairawarawa vua na Tamada Vakalomalagi. Sa vakakina, ni da vakaraitaka na noda talairawarawa ena noda papitaiso, eda sa veiyalayalati kei na Kalou me da tisaipeli yalodina ka talairawarawa vei Jisu Karisito. Raica na 2 Nifai 31:5–13.)

E dua na ivakaraitaki ni nona talairawarawa na iVakabula e kunei ena itukutuku ni Nona papitaiso:

“Sa qai lako mai ko Jisu mai Kalili ki Joritani vei Joni, me papitaisotaki mai vua.

“A sa via tarova ko Joni, ka kaya, Sa yaga vei au mo ni papitaisotaki au, ia koi kemuni o ni sa lako li mai vei au?

“A sa vosa ko Jisu, ka kaya vua, Mo vosota mada edaidai; ni sa kilikili kei keda meda vakabauta vakaoqo na ivalavala dodonu kecega” (Maciu 3:13–15).

Papitaisotaki Jisu tiko o Joni, mai vei Harry Anderson

Vakalewena na vanua lala

O na vakacavara vakacava na itukutuku oqo? Na papitaiso sa __________. Me baleta na vakasama eso, raica na 2 Nifai 31:17–18; raica talega na J. Devn Cornish,“Na Matamata ka Vakatokai na Papitaiso,” Liahona, Fepe. 2015, 17.

Veivosaki

Vakamatavuvale se vakaiko, railesuva na veiyalayalati o a cakava ena papitaiso (raica na Mosaia 18:8–10; Vunau kei na Veiyalayalati 20:37). Na cava soti o rawa ni cakava mo maroroya tiko kina na veiyalayalati oqo ena nomu bula ni veisiga?