Kam Butimwaeaki Nakon te Beeba ni Kaongora Aei

Ootan te Aonaaba

Kabwarabwara man Boboto iaon te Kimwareirei, iroun Michael T. Malm

Ngkai ngaira ti borau rinanon te maiu n te aonaaba aei, ti kaitara ma taian kataaki, ni ikotaki ma te kangaanga n te utu. Kakaewenako aikai a kona ni karika namakinan ae te katinanikuaki, te nakonano, ke te bwaranano. Ngkana ti rairaki nakon boton te oota, te Tia Kamaiu Iesu Kristo, ti na kona raoi ni babairei aron ara kangaanga.

Inanon te rongorongo aei, e kabwarabwarai Beretitenti M. Russell Ballard kawai aika ti kona ni kunei n rinanon kangaanga. E taku, “Ootan [Kristo] … e kanakoi roon te aonaaba mai ibuakora ao n ara iango” (iteraniba 4).

Ngkai te tia rabakau ngai iaon te mare ao te utu, I mwakuri ma utu aika mwaiti ake a kaitarai kataaki aika a korakora. Te utu are e anaa te tai ni katoa bong ni kariaia Kristo inanon maiuia a kunea raonakiia n Otana ao ana tangira ngkai a kaitarai kakaewenako. I tibwai tabeua karaki akanne inanon au rongorongo iaon iteraniba 8.

I kakaitau ibukin te tai ae tabu are I karekea, rinanon au mwakuri, n noriia utu ao aomata n tatabemaniia n reitaki ma te Tia Kamaiu iaon te kawai n riki bwa aomata i Tion (taraa Mote 7:18). I nora teutana karawa ni katoa tai ngkana I noora bain te Uea inanon maiun temanna.

Ma te kakaitau,

Christy Monson