“E Kanga te Bwabetito ni Kaota te Ongeaba?,” Riaona, Tianuare 2023.
Nakomai, Iriirai
E Kanga te Bwabetito ni Kaota te Ongeaba?
Ara Tia Kamaiu bon te banna ni katooto ae tamaroa n te ongotaeka nakon Tamara are i Karawa, ngke e taku, “I aki ukoukora tauan au taeka, ma I ukoukora tauan ana taeka Teuare e kanakomaiai” (Ioane 5:30).
E bwabetitoaki te Tia Kamaiu ni kaota Ana ongotaeka nakon Tamara are i Karawa. N arona naba, ngkana ti kaota ara ongotaeka man bwabetitoakira, ti rin inanon te berita ma te Atua bwa ti na kabanea nanora, bwa taan iriira Iesu Kristo aika a ongotaeka. (Taraa 2 Nibwaai 31:5–13.)
Teuana kaotan kabwarabwaraan Ana ongotaeka te Tia Kamaiu e kuneaki n rongorongon t taekan Ana bwabetito:
“Ao E nako Iesu mai Kariraia nako Ioretan nakon Ioane, bwa E na bwabetitoaki irouna.
“Ma e tukia Ioane, ao e taku, E riai bwa N na bwabetitoaki i Roum, ao Ko nako iu?
“Ao Iesu E kaeka ni kangai, Kariaia ngkai: bwa e riai bwa ti na karaoa te raoiroi ni kabanea n te aro aei” (Mataio 3:13–15).
Ioane E Bwabetitoa Iesu,, iroun Harry Anderson