Ana Taetae te Tamnei

Iroun Alison Wood, Ana Maekatiin te Ekaretia

I reiakinna bwa te Tamnei e kona ni buokiira n reitira ma ana tangira Tamara are i Karawa, e ngae ngke ti namakina ae ti aki tau.

I aki toki ni kabanea tain te tiamwa ni mwamwananga rinanon Eurobe ma te tiim ni mwaie. Taan mataku, taan kamataku, ao tein aron te korakora e kakaokoro, ma iai teuana kateira ae e aki toki n tiku n arona: ti kainiin ni katoaa banen te kamataku n anenea “Raomi Iesu Ni Kaboira”¹ n taetaen te aba are ti kawaria. Ibukina bwa angiia kaain te tiim ni mwaie bon kaain ana Ekaretia Iesu Kristo ibukiia Aika Itiaki ni Boong aika Kaitira, ti tatangira te katei aei. Bon te kawai ae tamaroa n reitiira ma ara taan mataku ao n tibwaua ana tangira Tamara are i Karawa.

Ni uakaan ma banen teuana te mwananga ae aekan aei, ti a tibwa rinanon te tia nako Tiaman ao ti kataneiaira n te anene n Tiaman ibukin ara kamataku are imwaiira. Ma n rokora ikekei, ti kunea bwa te mwakoro aei iaon Tiaman a taetae n Sorbian, te taetae ae e rangi ni uarereke titebo taetaena ma te anene are ti kabanea korakorara ni kamatea.

N te mwananga n te bati nakon ara kamataku, I a bon rangi ni kua ao n tangira te matu n tain mwanangara. Ma ara tarekita iai ana iango tabeua. A tia n tuangiia naake a kairiiriira bwa a na raira te kuna nakon te taetae n Sorbian. Ngkai a tangiriia kaain te bati ni kabane ake taan kamataku aika a nimatutu n reiakina te anene n tii tabeua te aoa imwaain ara kamataku.

Ti kata ae ti kona. N tokin te kamataku, ti bane n tei imoan te tabo ni kamataku ao ni moanna n anene. I uringa te namakin ae kakuba bwa taeka ake ti aki mataata iai are I korakai ma ngaai tabeua te aoa mai imwaaina a roko n rangi ni bebete n au iango. I namakina raraomau mai imwaina iaon tauraoira n anene e a bua ngkai I a katan iaon te Tamnei ni kauringai taian taeka.

a mwaie taanga — Ngke e a bane ara mwaie ao tia moana anenera, te Tamnei e uotii taekan te anene nakon au iango.

Koraki ake taan mataku a taraa ni kubanako ao imwiina a rangi ni kukurei. Ngke e a moti te anene, e roko te mabu iaoia aomata. Imwiina a teirake ao a moanna n anenea te anene nakoira, ike a kabwarabwaraa imwiina nakoira bwa te anene ni kakaitau ae a aki toki ni kakawakinna ibukin te bobotaki aika onoti.

I namakina te Tamnei bwa e rangi ni korakora n te tai anne, e ngae ngke I aki mataata nakon te bwai are ti aneneia. I rangi ni kakaitau bwa te Uea e a tia ni buokai ni kaota Ana tangira e ngae ngke I namakina ae I aki tau. I kauringaki bwa ana tangira Tamara are i Karawa bon te rongorongo ae tabangaki. N aki tabe bwa tera nako te kakaokoro are iai iroura, ngaira ni kabane ti kona ni mataata nakon ana taetae te Tamnei.