Utu ao Ootan te Aonaaba

Nakoia Kaaro aika a Tangiraki,

Te utu bon kanoan ana babaire ae kakawaki ao ni kakukurei Tamara are i Karawa ibukiia Natina. Te rongorongo n te namwakaina aio e kona ni buokiko ni katamaroa am reitaki ma am utu ao ni buokiko n rinanon kangaanga n te reitaki n te utu. Ko kona naba ni kabongana te rongorongo aei bwa e na buokiko n reiakiniia natim aika a uarereke tabeua reirei aika a kakawaaki man te Nu Tetemanti.

Marooro iaon te Euangkerio

Iesu Kristo bon Ootara ni Koaua

Tibwauaia ma am utu tabeua reirei mairoun Beretitenti Ballard n te rongorongo are n te iteraniba 4 ibukin aron Iesu Kristo ae ngaia Ootan te Aonaaba. N te utu, koroi rinanin bwaai ake a kona ni karekea te oota inanon mwengam ao marooroakina kakaokoron bwaai ae uotia nakoira te oota. N te aro raa ae Iesu Kristo, boni ngaia raoi ni koaua te oota n tamnei, ni buokira?

Te Reitaki ae Tabwanin Raoi inanon te Utu

E kakawaki te tatauraoi n te maiu n taamnei ni kaitarai kangangan te maiu n te aonaba. N iteraniba 12, warekii tabeua kairiiri mairoun te kauntira ni marurungin te iango ni karekean ae kakawaki ibukin, katamaroaan te marooro ma natim. E ngaa man reirei ao iango aikai ae ko na kabonganaa nakon am utu?

Katauraoi Nanora ibukin Ana Taeka

Wareka ana rongorongo te Tari Camargo n iteraniba 38 n rongorongon te taetae ni kaikonaki ibukin te tia ununiki. Marooroakinna ma am utu bwa tera ae e tei ibukin taano aika a kakaokoro n te taetae ni kaikonaki. Ataei ake a uarereke riki a kona ni korei tamnein bwaai man te taetae ni kaikonaki ao ni marooro iaoia, ao ataei ake a ikawai riki a na wareka te taetae ni kaikonaki ni Mareko 4:3–20 ao n tibwauaa aia iango ke aia titiraki.

Nakomai, Iriirai Kaunga ibukin te Utu

Karaoan Bwaai aika A Kangaanga man Ana Ibuobuoki te Atua

N ai aron Maria ma ai tarina are Eritabeta n te Nu Tetemanti (taraa Ruka 1:5–55), n tabetai ti tuangaki bwa ti na karaoi bwaai aika a matoa karaoaia ao ti kona n titiraki i nanora ngkana ti konaa.

Katauraoa te bwai teuana ae akea kanoana, n aron te bwaketi ke te bwaoki, n iteran te ruu.
Anganiia am utu n tatabemaniia te buraeniman.
Ni kaitaraan te bwai are akea kanoana arei n iteran te ruu anne, tuangiia kaain am auti bwa ana kataia ni karokoa aia buraeniman inanon te bwaketi ke te bwaoki man ukakina bwa e na tiku n beti n te eea.
Ni karaoia bwa e na kangaanga riki, anganiia ti 30 te teekan, ao anganiia bwain tooman te mooi bwa ana uka iai te buraeniman n te eea. Reitinako ao ni kakerikaaka riki aia tai ni karokoa e aaki kona n reitakinako te waaki ni kakukurei anne.

Te Marooro: Kateia n am iango bwa tabeua kangaanga tao a na aki kona ni katokaki n te maiu aei, tibwaa teuana te taneiai are e kakorakoraa am koaua bwa “baike a aki konaki irouia aomata ao a boni konaki iroun te Atua” (Ruka 18:27) Tera rangata aika a uarereke ni katoabong ae ko kona ni karaoia bwa a na tia tabem ni maium aika a taraa ni kangaanga karaoaia?