Mwakuri ni Ibuobuoki ma te Atatai ae Korakora

Tiakii nanona bwa ana iai ni kabane iroum kaeka, ma karekean Kinakina riki e na buokiira ni karaoa ara mwakuri n ibuobuoki n aron are e karaoia te tia Kamaiu.

te ataeinimwaane ae Iesu ngke e mena inanon te tembora

E Kaota Nakoira Iesu te Banna ni Katooto

Ngke e ikawai rake te Tia Kamaiu, E “rikirake ni korakora, kaonaki n te rabakau: ao E mena irouna ana akoi te Atua” (Ruka 2:40). Te taeka ae rikirake nanona karaurau n rikirake, n aron namwakaina ae tabe n rikirake ni bubura inanon teuana te namwakaina. E reitia riki Ruka bwa “E riki rake Iesu n rabakau ma n ikawai, ma n akoaki iroun te Atua ma aomata” (Luke 2:52). E aki karekea bwanin te ataibwai Iesu n te tai ae tawe—E karekea inanon te tai ae maan (taraa Reirei ao Berita Aika Tabu 93:12–14).

Ngke 12 ana ririki Iesu, A kunea ana karo n te tembora—te tabo ae kakawaki n taromauri i Ierutarem —“tekateka i buakoia taan rabakau, ao a ongora irouna, ao a titirakinna taian titiraki” (Ana Rairairi Iotebwa Timiti, Ruka 2:46 [inanon Ruka 2:46, taraia mai i nano c]). Ibukina bwa te reirei te bwai ae rangi ni kakawaki inanon Rikirakena, ngke e reke te tai n reiakiniia aomata n te tembora, E e a kaman tauraoi. Ana reirei ikekei e karika imwiina ae moan te kamiimi are e a rootia ake n te tembora ao Ana karo.

Kabonganaan te Atatai inanon te Mwakuri n ibuobuoki

Aikai teniua kawai ake a karikirakea te atatai n anuan maiun Kristo ake a kona ni buokiira inanon ara mwakuri n ibuobuoki:

Ngkai ti ataa te Tia Kamaiu ao n reiakina taekan Anuan maiuna, ti na ataa riki ae tamaroa bwa tera ae E na kona ni karaoia n te mwakuri n ibuobuoki ngke arona bwa e riki bwa ngaira.
Ngkai ti karikirakei ara atatai ao ootara n te euangkerio, e na mwakuri raoi te Tamnei ae raoiroi iroura ni kauringiira baika ti kainanoi n te tai are ti kainnanoia iai, (taraa Ioane 14:26). E kona ni buokiira aei ni kaota kainanoia ake ti mwakuri n ibuobuoki nakoia ao ni kaekai aia titiraki nako ke raraomaia nako.
Ngkai ti karikirakei ara kona n kamatebwai, ti na kona riki n reitaki ma ke are ti beku ibukiia. Tao ti kona ni reiakin taekan bwaai riki ake ti na reitaki ma te rao are e kukurei nanona iai. Ke tao ti kona n reiakinii rabakau aika a onoti are e na kona ni buoka ana kainnano.

Karekean te ataibwai e kona ni buokira n ibuobuoki ni kawai aika a bati. N reitaki ma anne, “tera karinanin te rabakau are ti karekea n te maiu aei, e na iri ma ngaira n te mangauti” (Reirei ao Berita aika Tabu 130:18).

Karikirakean te Atatai

Ti na kanga n karikirakea anuan maiun Iesu n ataibwai? Aikai tabeua iango:

Uringnga bwa Iesu e kamatebwai teutana imwiin teutana n te tai ae maan. Bwaina te kakaonimaki, ma bwaina te taotaonaki n nano. Te kamatebwai e riki “teutana imwiin teutana, te reirei teuana imwiin teuana” (2 Nibwaai 28:30).
Reiakinana bwa ko na karekea onimakinan bwaai ni ibuobuoki ibukin rongorongo. (Taraa “Kunean te Koaua inanon te Tai ae Korakora iai Mangaon ao Kairuan Rongorongo ” are e katangaki inanon Okitobwa 2022 Riaona.)
Karekea te nano ni kan ataibwai. Reiakinna bwa tera ae riki irarikim ni katoa bong. Anga titiraki. Wareki booki aika moan te raoiroi ao ongongora. (Taraa Reirei ao Berita aika Tabu 88:79, 118; 90:15.)
Reiakinna man te kamatebwai ao man te onimaki (taraa Reirei ao Berita aika Tabu 88:118). Am atatai n oota ni koauan bwaai nako e na nakoraoi man kaboraoan am kabanea n tamaroa ni konabwai n te rabakau ma kabanean tamaroan am konabwai n tamnei. Maiuakinna bwa ko aonga ni kona ni karekea ana ibuobuoki te Tamnei ae Raoiroi.