“Teraa Raoi Ana Mition ao Ana Mwakuri Kristo?” Riaona, Tianuare 2023.
Nakomai, Iriirai
Teraa Raoi Ana Mition ao Ana Mwakuri Kristo?
Te Kabwarabwara iaon te Maunga, iroun James Tissot © Brooklyn Museum of Art / Bridgeman Images
Iesu Kristo e beritanaki n te maiu i mwain te maiu aei bwa e na roko nakon te Aonaaba ao n riki bwa ara Tia Kamaiu (taraa Mote 4:2; Aberaam 3:27). Ngkai ara Tia Kamaiu, E kakoroa nanon are Ana mition ao Ana mwakuri.
E kabwarabwaraa Beretitenti Russell M. Nelson: “Ana mition te Uea n te maiu ae mamate aei bon kakoroan nanon te Mwakuri n Kamaiu … [ao] ni karika te maiu ae akea tokina bwa e na reke nakon are e tau ni karekea. … Ana mwakuri bon bwaai ni kabane ake E karaoi—Ana kakai, Ana reirei, Ana tangira, Ana tararua iaon taian otenanti, Arona n reireiniira bwa ti na kanga n tataro.”1
Waakin nako ana mition ao ana mwakuri Kristo a kabwarabwaraaki n taabo aika a bati ni koroboki aika tabu. Nora te kabwarabwara are e anga Tinana, Maria, n Ruka 1:46–55. Anna, bon te banna ni katooto naba n te taotaonakinnano, n anga te tataro ae aekan anne iaon ana mwakuri te Uea n 1 Tamura 2:1–10.
N aron are e kaotaki n te bokinreirei n Nakomai, Iriirai ko na bae n katiteboi aikai ma ana Reirei Iesu n te Maunga ni Mataio 5:3–12.2
Iangoia n karinanii tabeua aron waakin ana mwakuri Kristo ake a kabwarabwaraaki ni kiibu aikai; teuana aron waakina e a tia ni koreaki ikai bwa te katooto:
-
E roko Kristo ni buokiira bwa a na karauaki takan tamneira (taraa 1 Tamuera 2:5; Ruka 1:53; Mataio 5:6).