Dali, Sunod Kanako

Lucas 10

Unsaon Nako Paggamit ang Akong Panahon?

Mary And Martha [Si Maria Ug Si Marta], ni Harold Copping © Providence Collection / licensed from GoodSalt.com

Si Marta usa ka maunongon nga disipulo ni Kristo (tan-awa sa Juan 11:27). Sa dihang mibisita si Jesukristo sa iyang panimalay, naningkamot gayod si Marta sa pagseguro nga naatiman ang iyang mga bisita. Ang iyang igsoon nga si Maria “milingkod sa tiilan sa Ginoo ug namati sa iyang gitudlo” (Lucas 10:39). Human nga nabug-atan si Marta sa mga buluhaton, si Kristo mihatag kaniya og malumo nga pahinumdom nga motutok pag-usab sa unsay labing importante nianang panahona. Naghimo si Marta og maayo nga buhat, “nga usa ra man unta ang gikinahanglan. Gipili ni Maria ang labing maayo” (bersikulo 42).

Sama sa gisugyot sa manwal sa Dali, Sunod Kanako, kini nga asoy makadasig kanato sa pagtimbang-timbang kon unsaon nato paggamit ang atong panahon. Aniay pipila ka posible nga mga pangutana aron makasugod kamo.

1. Naugtas ba ako sa pagpaningkamot sa pagbuhat og daghan ra kaayo nga maayo nga mga butang?

2. Kini ba nga maayo nga mga butang nagpadaplin sa mas maayo, mas balaan nga mga butang?

3. Unsa nga makapaugtas nga mga butang ang mahimo nakong tangtangon sa akong kinabuhi?

4. Unsa nga makaayo nga mga butang ang mahimong madugang pa nako sa akong kinabuhi?

5. Unsaon nako sa paggahin og panahon sa pagpaminaw sa Manluluwas?

“Tungod lamang kay ang usa ka butang maayo kini dili igo nga rason sa pagbuhat niini. Ang gidaghanon sa maayong mga butang nga atong mahimo misobra kaayo sa panahon nga magamit sa pagbuhat niini. Pipila sa mga butang mas maayo kay sa maayo, og kini mao ang mga butang nga nagkinahanglan nga unang hatagan og pagtagad sa atong kinabuhi.”

Presidente Dallin H. Oaks, Unang Magtatambag sa Unang Kapangulohan, “Maayo, Mas Maayo, Labing Maayo,” Liahona, Nob. 2007, 104.