“ʻE Lava Fēfē ʻe he Laumālié ʻo Tokoniʻi Au Ke U Hoko ko ha Ākonga Lelei Ange?” Liahona, Sune 2023.
Haʻu, ʻo Muimui ʻIate Au
ʻE Lava Fēfē ʻe he Laumālié ʻo Tokoniʻi Au Ke U Hoko ko ha Ākonga Lelei Ange?
ʻAho ʻo e Penitekosí, tā fakatātā ʻe Sidney E. King
ʻI he Sione 14–16, naʻe toutou folofla ʻe Sīsū Kalaisi ki Heʻene kau ʻAposetoló te nau maʻu ʻa e Fakafiemālié hili ʻEne mavahé. ʻOku tau faʻa fakakaukau ko e Fakafiemālié ko e tokotaha ia ʻokú ne ʻomi ʻa e nongá he taimi ʻoku tau mafasia pe ilifia aí. Ka ʻoku fai ʻe he meʻafoaki ʻo e Laumālie Māʻoniʻoní ha meʻa lahi ange maʻatautolu, ʻo kau ai hono tokoniʻi kitautolu ke fakahoko ʻetau taumuʻa ko e kau ākonga ʻa Sīsū Kalaisí.
Ko ‘Etau Taumuʻá? Ke hoko ʻo hangē ko hotau ʻEikí
“Ko e ākongá ko ha taha ia kuo ʻosi papitaiso pea loto-fiemālie ke toʻo kiate ia ʻa e huafa ʻo e Fakamoʻuí mo muimui kiate Ia. Ko e ākongá ʻoku feinga ke hoko ʻo hangē ko Iá ʻaki ʻene tauhi ʻEne ngaahi fekaú ʻi he moʻui fakamatelié, ʻo tatau tofu pē mo ha taha akoako ʻoku feinga ke hangē ko hono ʻeikí” (Robert D. Hales, “Ko e Hoko ko ha Ākonga Hotau ʻEiki ko Sīsū Kalaisí,” Liahona, Mē 2017, 46).
Hili e pekia ʻa e Fakamoʻuí, naʻe fakaʻaongaʻi ʻe Heʻene kau ākongá ʻa e meʻafoaki ʻo e Fakafiemālié ke hokohoko atu ʻenau feinga ke hangē ko honau ʻEikí. ʻOku tokoniʻi fēfē kinautolu ʻe he Fakafiemālié, ʻi he ngaahi potufolofola ko ʻení?
|
ʻOku tokoniʻi fēfē ʻe he Laumālié ʻa e kau ākongá ke malanga ʻaki ʻa e ongoongoleleí? | |
|
ʻOku tokoniʻi fēfē ʻe he Laumālié ʻa Pita mo Sione ke na tuʻu ko ha ongo fakamoʻoni ʻo Kalaisí? | |
|
ʻOku tokoniʻi fēfē ʻe he Laumālié ʻa Sitīveni ke ne fai ha ngaahi maná? | |
|
ʻOku tokoniʻi fēfē ʻe he Laumālié ʻa Filipe, Pita, mo Sione ke nau ʻofa mo feilaulau maʻa honau kaungāʻapí? | |
|
ʻOku tokoniʻi fēfē ʻe he Laumālié ʻa e kau taki ʻo e Siasí ke nau ʻiloʻi mo ngāue ʻo fakatatau ki he finangalo ʻo e ʻOtuá? |