“ʻE Lava Fēfē ke Tau Fakatupulaki ha ʻIlo ʻOku Taʻengatá?,” Liahona, Sune 2023.
Haʻu, ʻo Muimui ʻIate Au
ʻE Lava Fēfē ke Tau Fakatupulaki ha ʻIlo ʻOku Taʻengatá?
ʻI he taimi ne mamahi ai ʻa Sīsū Kalaisi maʻatautolu kotoa ʻi he Ngoue ko Ketisemaní, naʻá Ne lotu ʻo pehē, “ ʻE Tamai, kapau ko ho finangaló, ʻave ʻa e ipú ni ʻiate au: kae ʻoua naʻa fai hoku lotó, ka ko e finangalo ʻoʻoú” (Luke 22:42). Naʻe ʻikai ʻave ʻa e ipú. Naʻá Ne tukulolo ki he finangalo ʻo e Tamaí pea “inu ai ʻo fakaʻosi ʻa [ʻEne] ngaahi teuteu ki he fānau ʻa e tangatá” (Tokāteline mo e Ngaahi Fuakava 19:19).
Naʻe maʻu fēfē ʻe Sīsū Kalaisi ʻa e mālohi ke kātekiná? Mahalo ko ha konga ʻo e tali ki aí naʻá Ne ʻafioʻi ko Hono puleʻangá naʻe ʻikai ʻo e māmani ia ko ʻení (vakai, Sione 18:36). Naʻe teuteuʻi ʻe Heʻene mamahí ʻa e hala ki ha meʻa naʻe taʻefakangatangata hono mahuʻingá—ko ha founga maʻatautolu ke tau hū ai ki Hono puleʻangá.
Ngaahi Founga ke Fakatupulaki ha ʻIlo ʻoku Taʻengatá
Te tau lava ʻo maʻu ha fakakaukau taʻengata ʻo hangē ko Kalaisí. “ʻOku hanga ʻe heʻetau vakai ki he ongoongoleleí, ʻo fakalahi ʻetau sio ki he anga e vakai mei lotó. ʻI hoʻomou tui e ngaahi matasioʻata ʻo e ongoongoleleí, ʻe toe fakalahi hoʻomou fakakaukaú, tokangá, mo e vīsone ʻi he meʻa ʻoku mou fakamuʻomuʻá, ngaahi palopalemá, ngaahi ʻahiʻahí, pea naʻa mo hoʻomou ngaahi fehalākí. Te mou vakai ai ki ha maama ngingila ange naʻe ʻikai ke mou mei lava ʻo sio ka ne taʻeʻoua ia” (Gary E. Stevenson, “Mate Fakalaumālié,” Liahona, Nōvema 2017, 45).
Ko ha ngaahi founga ʻeni ʻe fā te tau lava ai ʻo muimui ki he sīpinga ʻa Sīsū Kalaisí mo fakatupulaki ha fakakaukau ʻoku taʻengatá. Te tau lava foki ʻo maʻu e mālohi, ʻo hangē ko Iá, ke pehē, “Kae ʻoua naʻa fai hoku lotó, ka ko e finangalo ʻoʻoú.”
-
Lotu fakamātoato (vakai, Luke 22:41–42).
-
Fakatupulaki ha vā fetuʻutaki ʻo e ʻofa mo e uouangataha mo e ʻOtuá (vakai, Sione 17:20–26).
-
Falala ki he tokoni fakalangí (vakai, Luke 22:43).
-
Fakakaukau ʻo ope atu ʻi he tuʻunga lolotongá (vakai, Sione 18:36–37).