Welkam long Namba Ia

Invitesen we I Kam long Sevya blong Serem Laet blong Hem

Long Rod i go long Emeas, i kam Wendy B. Keller, Havenlight i glad blong givim foto

Bifo Hem i gobak antap long heven, Kraes ia we i laef bakegen long ded i invaetem Ol Aposol blong Hem long Niu Testeman blong stap witnes blong Hem i “go finisim olgeta ples long wol” (Ol Wok 1:8). Insperesen we i kam tru long responsabiliti ia, Ol Aposol “oli stap tijim ol man, mo oli stap talemaot gud nius ya blong Jisas,” (Ol Wok 5:42).

Long stori blong hem insaed long magasin ia, wan Aposol long taem blong tedei, Elda Quentin L. Cook i eksplenem olsem wanem yumi save serem gospel blong Sevya nomata ol situesen blong yumi. Hem i raetem, “Taem yumi laef folem gospel, lavem mo givim seves long ol narafala man, stanap strong agensem temtesen mo ol raorao, mo serem testemoni tru long toktok mo aksen, bae yumi tekem ol narafala man i kam long Jisas Kraes” (pej 4).

Taem yumi stap kam kolosap long Sevya yumiwan, yumi prij tru long testemoni mo eksampol. Hem bae i stap long medel blong yumi, olsem we mi bin eksplenem insaed long stori blong mi long magasin ia, sapos yumi respektem ol kavenan blong yumi mo lukaotem kaonsel blong Hem tru long ol toktok blong ol profet (luk long pej 40).

Long stadi blong yumi abaot ol wok blong Ol Aposol insaed long Kam Folem Mi long manis ia, bae yumi luklukbak long responsabiliti blong yumiwan mo singaot we i kam long yumi blong serem laet blong Sevya wetem olgeta we oli stap raon long yumi. Kraes i go antap long heven longtaem finis, be taem yumi krae blong Hem “i stap wetem yumi” (Luke 24:29) tedei, Hem bae i wokbaot wetem yumi long evri wokbaot blong yumi.

Elda Patricio M. Giuffra

Blong Olgeta Seventi