“?Olsem Wanem Nao Yu Save Laef Folem Doktrin blong Kraes?,” Liahona, Julae 2023.
Kam Folem Mi
?Olsem Wanem Nao Yu Save Laef Folem Doktrin blong Kraes?
Ol foto i kam long Vicky Scott
Afta long taem we Spirit i kam fulap long dei blong Pentekos, Pita mo ol narafala Aposol oli testifae abaot Kraes mo tijim doktrin blong Hem. Ol pipol oli harem we “stikim gud hat blong olgeta” mo oli askem, “?Bambae mifala i mekem olsem wanem?” Ol Wok 2:37 Pita i invaetem olgeta blong sakem sin, kasem baptaes mo kasem presen ia we i Tabu Spirit (luk long Ol Wok 2:38). I gat 3,000 pipol we oli bin “kasem toktok blong Hem wetem glad [mo] oli bin kasem baptaes” (Ol Wok 2:41).
Blong stap yusum doktrin blong Kraes, i save tekem yumi kam moa kolosap long Hem. Tingting blong lukluk i gobak long olsem wanem yumi yusum ol faef eria blong doktrin:
-
Fet long Lod Jisas Kraes: ?Wanem ol evri dei fasin mo aktiviti we i save helpem blong putum besin long fet blong yu long Jisas Kraes?
-
Fasin blong sakem sin: ?Long wanem wei nao yu save mekem fasin blong sakem sin i wan rod we i givim glad?
-
Baptaes: ?Wanem nao yu stap mekem blong laef folem ol baptaes kavenan blong yu?
-
Presen Ia we I tabu Spirit: ?Wanem ples raon long yu mo aktiviti we i givim nambawan ples we yu save kasem insperesen tru long Spirit?
-
Stanap strong kasem en: ?Taem yu stap kipim ol kavenan blong yu, gat hop long Kraes mo stap holem taet aean rod ia, i bin helpem yu blong stanap strong nomata ol hadtaem? Luk long Jeremaea 17:7; 2 Nifae 31:20; Ita 12:4.