“Misin blong Mi we I Stap Gohed,” Liahona, Juae 2023.
Ol Voes blong Ol Lata–dei Sent
Misin blong Mi we I Stap Gohed
Las leta blong papa blong mi i givhan long fiuja blong mi, we i givim ol toktok we gat bigfala mining long mi.
Mi stap glad long fultaem misin blong mi long o naesfala maonten blong Kajamaka, Peru, taem we kwiktaem, we papa blong mi i safa long wan strok. Wan sot taem afta, hem i go.
Taem mi mitim misin presiden blong mi, mi krae taem mi tingbaot se papa blong i bin tijim mi wanem i minim blong stap wan misinari mo stap wan ones man. Hem i bin stap raetem leta long mi evri wik, blong stap serem testemoni blong hem, stap tijim mi ol niufala tingting long saed blong gospel we oli gat paoa long olgeta, mo stap leftemap tingting blong mi blong mekem bes blong mi long wok ia.
Afta long miting blong mifala, misin presiden i givim mi wan leta—las leta we i kam long papa blong mi. Las leta ia bae i givhan long fiuja blong mi, i givim long mi ol toktok we i gat ansa blong evri samting long wol ia.
“Yu gat wan narafala misin we i stap kam long sam manis we i stap kam—wan misin we i had tumas long mi, long ples bae oli dipen long yu blong givim ful laef blong yu long ol prinsipol we yu bin tijim, blong mekem ol samting we, kasem long poen ia, yu bin tij nomo ia. Bae hem i stap olsem wan misin wetem gudfala risal. Yu yu olsem insaed long bred. …
Mifala i lavem yufala mo prea from yufala evri dei. Wok had mo mekem ol raet samting.”
Taem mi ridim ol toktok ia, mi krae—from bigfala harem nogud, blong save se oli ol las toktok blong hem we i kam long mi long laef ia, mo blong glad, blong save paoa mo stamba tingting blong olgeta. Mi save se nekis misin blong mi—hem i blong ful laef blong mi—i minim evri samting long mi. Bae hem i wan taem blong tru tes blong laef, mo bae i nidim evri samting we mi lanem mo kasem eksperiens long olgeta, taem mi stap olsem wan misinari.
Mi save se Papa long Heven i gat wan dip stamba plan we i fulwan blong wanwan long yumi. Hem i save leftemap yumi long taem we yumi nidim help mo givim long yumi ol ae blong luk mo save trutok blong Hem. Mi bin luk hemia taem mi givim ful laef blong mi long Hem mo kasem eksperiens long ol blesing blong Hem. Mo mi bin luk hemia taem we naesfala waef blong mi mo mi i bin wok tugeta blong bildimap wan famli we i fulap wetem hop, ol pikinini, mo gospel.
Sevya i bin givim long yumi paoa taem yumi go daon long Nifae blong yumi, long ol skripja, long tempol mo long ol narafala man tru long seves. Mi bin luk han blong Lod we i wok long ol naesfala taem we mi gat long laef blong mi taem mi bin stap serem gospel wetem famli mo ol fren blong mi.
Misin blong Hem i blong “mekem man i nomo save ded mo i kasem laef we i no save finis” (Moses 1:39 I tru se misin ia stap gohed yet.