Kam Folem Mi

Ol Wok 26

?Wanem Nao I Minim blong Stap wan Kristin Man?

Jisas i stap tijim ol pipol

Kraes I Stap Tijim Ol Disaepol blong Hem, 19th-Century English School, © Look and Learn / Bridgeman Images

Insaed long buk blong Ol Wok, yumi lanem se ol disaepol blong Kraes we oli bin folem Hem long taem Jos i jes stat “oli singaotem olgeta ol kristin man” (Ol Wok 11:26). I semmak, olsem ol memba blong Jos Ia blong Jisas Kraes blong Ol Lata-dei Sent, oli traehad blong stap ol gudfala Kristin Man. ?Be wanem i minim blong stap olsem wan Kristin Man?

Hem i no wan simpol toktok nomo blong talem bilif. Blong stap wan Kristin Man i nidim moa fasin blong fetful bitim blong tekem nem ia nomo. Elda Robert D. Hales (1932–2017) blong Kworom blong Olgeta Twelef Aposol i askem se: “?Yumi, yumi wanem kaen Kristin Man? Long ol narafala toktok, wanem nao yumi stap mekem mo lukaotem blong folem Kraes?”¹

Fasin Olsem Hemia blong Kraes

Elda Hales i leftemap tingting blong yumi mo skelem progres blong yumi blong stap developem ol fasin Olsem Hemia blong Kraes tru ol kwaliti ia:²

• Lav

• Fet

• Sakrifaes

• Stap Lukaot

• Seves

• Fasin blong Save Wet Longtaem

• Pis

• Fogivnes

• Fasin blong Jenisim Laef

• Fasin blong stanap strong kasem en

Toktok Raon

Presiden Russell M. Nelson i bin tijim se, wan impoten aedentiti blong yumi we i bitim ol narawan i hemia “disaepol blong Jisas Kraes.”³ ?Long wanem wei nao bae ol pipol oli save se yu wan Kristin Man o wan disaepol blong Jisas Kraes?

Ol Not

1. Robert D. Hales, “Being a More Christian Christian,” Liahona, Novemba 2012, 90.

2. Luk long Robert D. Hales, “Being a More Christian Christian,” 91–92.

3. Russell M. Nelson, “Choices for Eternity” (raon wol devosen blong ol yang adalt, May 15, 2022), broadcasts.ChurchofJesusChrist.org.