Stap Givhan Wetem Bigfala Lav

Yumi save mekem wan bigfala jenis, taem yumi stap soem lav long ol nomol wei.

Pikja

placeholder altText

Olsem Nao Dokas I Helpem O Puaman, Classic Bible Art Collection / licensed from GoodSalt.com

Wan Eksampol blong Bigfala Lav

Tabitha (we oli save hem olsem Dokas) i wan disaepol blong Jisas Kraes we i stap laef long Jopa. Oli save long hem olsem wan woman we “oltaem hem i stap mekem ol gudfala wok, mo i stap givhan long ol puaman” (Ol Wok 9:36). Ol pipol oli lavem hem from hem i mekem plante samting blong helpem ol narafala man. Olsem Sevya, hem i spenem laef blong hem blong stap givim seves. Hem i gat ol skil mo talen we hem yusum blong mekem samting i defren.

Wan long ol skil ia i blong mekem ol kot mo ol kamen, we sam long olgeta i go long ol wido we oli stap nid. Long olgeta we oli kasem ol presen blong hem, hem i wan woman we God i sendem. Taem Pita i kam blong luk hem afta long ded, “ol wido oli kam stanap raon long hem, oli stap krae. Mo oli stap soem long Pita, ol klos we Dokas i somap taem hem i stap laef yet” (Ol Wok 9:39). Hemia i tajem hat blong hem from hem i mekem gel ia laef bakegen long ded, mo i mekem plante man oli biliv long Sevya (Ol Wok 9:40–42).

Stap Givhan Wetem Bigfala Lav

Bigfala lav i lav we Jisas i gat long yumi mo lav we Hem i wantem blong yumi gat long wanwan long yumi. Hem i blong lavem ol neba blong yumi semmak olsem yumiwan (luk long Matiu 22:37–39), tritim olgeta wetem semmak lav mo sore, gat longfala tingting mo fasin blong fogiv we hem i wanem we hat blong yumi i mas wantem blong gat (luk long Matiu 7:12). I blong stap givim seves long olgeta, olsem Tabita, blong stap yusum ol presen mo ol talen we oli bin givim long yumi.

Yumi save mekem wan bigfala jenis taem yumi stap soem lav blong yumi long ol nomol wei blong yumi—nomata sapos wanem we yumi mekem i simpol. Sapos yu gat talen blong somap, hemia i save kam wan wei blong stap givim seves, be yu save kam moa gud long pusum wan masin blong katem gras bitim wan masin blong somap. O ating talen blong yu i blong stap save olsem wanem blong lisin tru mo stap olsem wan tru fren.

Developem Bigfala Lav

?Olsem wanem nao yumi save developem bigfala lav olsem hemia blong Kraes ?

Bigfala Lav i wan presen we Papa long Heven i putum antap long hed blong olgeta we oli ol tru man blong folem Jisas Kraes. “Prea long Papa wetem evri paoa blong hat, blong [yu] save fulap wetem lav ia” (Moronae 7:48).
Momon i tijim wanem nao hem i bigfala lav: “Mo bigfala lav i save wet longtaem, mo i kaen, mo i no jalus, mo i no kam bigwan, i no lukaotem samting blong hem nomo, i no save kros kwiktaem, i no tingting long eni nogud samting, mo i no glad long rabis fasin, be i glad long trutok, i stanap strong long evri samting, i bilivim evri samting, i gat hop long evri samting, i stap strong long evri samting” (Moronae 7:45). Hemia i no ol wei blong talem taem yu fulap long lav, oli ol fasin we oli wok tugeta we bae oli help blong mekem i kam antap paoa blong lav taem yumi developem olgeta.
Fasin blong Gat lav mo Sore i wok wetem fasin blong andastanem situesen blong ol narafala man.¹ Taem yumi lukaotem blong andastanem ol narafala man, yumi givim janis long bigfala lav blong i gro. Praktis blong stap askem kwestin long wan wei we i save help mo wei blong lav, mo afta lisin fasin blong stap wet longtaem mo andastaning.
Praktisim bigfala lav Givim taem blong yu mo ol narafala risos, we i tekem tu fasin blong fogiv, long olgeta we oli nidim. Presiden Thomas S. Monson (1927–2018) i tijim: “Fasin blong fogiv i mas wok tugeta wetem lav. … Blong poenem fingga long ol narawan bae i no save hilim wan problem. Fasin blong fogiv nomo i save hilim man.”²