Mai, pe’e mai

Ioane 20

Nāhea vau e nehenehe ai e ti’aturi ma te ’ite ’ore ?

Tuha’a nō roto mai Christ Appears to the Twelve after the Resurrection [Tō te Mesia fāra’a i te Tino ’Ahuru Ma Piti i muri a’e i te ti’afa’ahoura’a], nā Scott Snow

’Aita hō’ē o te mau ’āpōsetolo a Iesu Mesia, ’o Toma, i ti’aturi ’ua ti’afa’ahou mai te Mesia ē tae roa i te taime ’ua ’ite ’oia iāna i roto i te tino (hi’o Ioane 20:25)). I te ’itera’a Toma i te Fa’aora tei ti’afa’ahou, ’ua parau te Fa’aora iāna : « Nō te mea tē hi’o mai nei ’oe iā’u, e Toma, i fa’aro’o ai ’oe : E ao tō te feiā ’aore i ’ite iā’u ’a fa’aro’o mai ai » (Ioane 20:29).

Nāhea tātou i te pe’e i te anira’a a Iesu Mesia « ’eiaha e fa’aro’o tai’atā, e fa’aro’o rā » ? (Ioane 20:27).

Mau rāve’a nō te ha’apūai i te fa’aro’o ’e te ’itera’a pāpū

Tuatāpapa i te mau pāpa’ira’a mo’a. « Nā te ’ite maori e noa’a ai te fa’aro’o, ’e nā te parau a te Atua i parauhia mai ra te ’ite » (Roma 10:17).

Ora i te ’evanelia. « ’O tei hina’aro māite i te ha’apa’o i tōna ra hina’aro, e ’ite ïa i tā’u e ha’api’i nei e nā te Atua, e nā’u iho » (Ioane 7:17).

’Imi i te heheura’a nā roto i te Vārua Maita’i. « Nā te heheura’a ana’e nō ’ō mai i te Atua ra e ha’apāpū i te parau mau. E’ita e nava’i noa i tā tātou hi’ora’a ta’ata nei, ’e i te fa’a’ohipara’a i tō tātou mau ’ite pae tino » (Henry B. Eyring, « Te Vārua Maita’i ’ei hoa nō ’outou », Liahona, Novema 2015, 104).

’Āparaura’a

E aha te parau tumu o te ’evanelia tā ’outou e hina’aro e fāri’i i te hō’ē ’itera’a pāpū pūai a’e ? E aha tā ’outou e nehenehe e rave nō te tītau rahi atu ā i te heheura’a nō ni’a i teie parau tumu ?