Mai, pe’e mai

Te ’Ohipa 9

Nāhea te Atua i te arata’i iā’u ’ia rave i tāna ’ohipa ?

On the Road to Damascus [I ni’a i te purūmu nō Damaseko], Lifeway Collection / parau fa’ati’a nā Goodsalt.com

’Ia tai’o ana’e tātou i te ’ā’amu o te fa’afāriura’a o Saulo, e fa’auruhia tātou e tāna pāhonora’a i te Fa’aora : « E te Fatu, e aha vau, e aha tō ’oe hina’aro ? » (Te ’Ohipa 9:6). ’Ei pipi nā Iesu Mesia, pinepine tātou i te ui i te hō’ē uira’a mai te reira, ’a ’imi ai tātou i te ’āmui i roto i te ’ohipa a te Fatu.

E aha rā tē tupu i muri a’e i tō tātou uira’a i te uira’a ? Nāhea tātou i te fāri’i i te arata’ira’a nō te ’ite i te hina’aro o te Atua nō tā tātou mau ’ohipa ?

Ineine nō te rave

’Ei pāhonora’a i te uira’a a Saulo nō ni’a i te mea tāna e ti’a e rave, ’ua pāhono ’oi’oi mai te Fatu ma te mau arata’ira’a nōna, ’ia haere i Damaseko. I te tahi taime tē ti’aturi nei tātou ē, e hōro’a mai te Fatu i te hō’ē ā huru arata’ira’a ta’a ’ē. ’Eiaha rā tātou e tīa’i i te mau arata’ira’a te tahi i muri mai i te tahi, hou tātou e ’āmui atu ai i roto i te ’ohipa a te Atua.

’Ua ha’api’i Elder Dieter F. Uchtdorf nō te pupu nō te Tino ’Ahuru ma Piti ’āpōsetolo ē : « E mea pinepine, e’ita te pāhonora’a i tā tātou pure e tae mai ’a pure tūturi ai tātou, i te taime rā ’a ti’a ai tātou, ma te tāvini i te Fatu ’e te tāvinira’a i te feiā nā pīha’i iho ia tātou. » (« Tīa’ira’a i ni’a i te purūmu nō Damaseko », Liahona, Mē 2011, 76).

’A feruri, i nāhea te Fatu i te arata’ira’a i teie nā ta’ata to’opiti i te mau rāve’a nō te tāvinira’a, nō te mea ’ua ineine rāua i te rave i te ’ohipa :

• Saulo i roto Te ’Ohipa 9:20

• Petero i roto Te ’Ohipa 9:32–42

’Āparaura’a

E aha te mau ’ohipa tā’u e nehenehe e rave nō te fāri’i maita’i a’e i te arata’ira’a a te Fatu ?