Mai, pe’e mai

Te ’Ohipa 11

E aha te aura’a ’ia riro ’ei ta’ata keresetiano ?

Christ Teaching His Disciples [Te Mesia e ha’api’i ra i tāna mau pipi], 19th-Century English School, © Look and Learn / Bridgeman Images

I roto i te buka o Te ’Ohipa, tē ha’api’i mai nei tātou ē, te mau pipi tei pe’e i te Mesia i te ’Ēkālesia mātāmua, ’ua mā’irihia te « i’oa e keresetiano » (Te ’Ohipa 11:26). ’Oia ato’a, tē tūtava nei te mau melo nō Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia riro ’ei keresetiano maita’i. E aha mau ra te aura’a ’ia riro ’ei ta’ata keresetiano ?

E ’ere i te hō’ē fa’ahitira’a noa nō te ti’aturira’a. Te parau nō te ta’ata keresetiano, ’ua hau atu ïa i te pūpūra’a iāna i te hō’ē i’oa. ’Ua ui Elder Robert D. Hales (1932–2017) nō te pupu nō te Tino ’Ahuru ma Piti ’āpōsetolo : « E aha tō tātou huru ’ei keresetiano ? Te tahi atu paraura’a, tei hea tātou i roto i te tītaura’a ’ia pe’e i te Mesia ? »¹

Te mau ’aravihi huru Mesia

’Ua fa’aitoito mai Elder Hales ia tātou ’ia hi’opo’a i tō tātou haerera’a i mua nā roto i te fa’ananeara’a i te mau ’aravihi huru Mesia i muri nei :²

• Te here

• Te faʼaroʼo

• Te tusia

• Te utuutura’a

• Te tāvinira’a

• Te faʼaʼoroma’i

• Te hau

• Te fa’a’orera’a hapa

• Te fa’afāriura’a

• Te tāpe’ara’a ē tae noa atu i te hope’a

’Āparaura’a

’Ua ha’api’i te peresideni Russell M. Nelson ē, hō’ē o tō tātou hīro’a faufa’a roa a’e, ’o te hīro’a ïa « pipi nā Iesu Mesia ».³ Nāhea te ta’ata e ’ite ai e ta’ata keresetiano ’oe, ’aore rā e pipi nā Iesu Mesia ?

Fa’ata’ara’a

1. Robert D. Hales, « Riro mai ’ei ta’ata keresetiano a’e », Liahona, Novema 2012, 90.

2. Hi’o Robert D. Hales, « Riro mai ’ei ta’ata keresetiano a’e », 91–92.

3. Russell M. Nelson, « Choices for Eternity » (purera’a nō te feiā ’āpī pa’ari ’ati a’e te ao nei, 15 nō Mē 2022), broadcasts.ChurchofJesusChrist.org.