« Nāhea ’outou i te ora mai te au i te ha’api’ira’a tumu a te Mesia ? », Liahona, Tiurai 2023.
Mai, pe’e mai
Nāhea ’outou i te ora mai te au i te ha’api’ira’a tumu a te Mesia ?
Fa’ahōho’ara’a nā Vicky Scott
I muri a’e i te nīni’ira’a te Vārua i te mahana nō te Penetekose, ’ua fa’a’iteu pāpū Petero ’e te tahi atu mau ’āpōsetolo nō ni’a i te Mesia ’e ’ua ha’api’i i tāna ha’api’ira’a tumu. ’Ua « putapū atu ra tō rātou ’ā’au » ’e ’ua ui mai ra : « E aha mātou nei ? » (Te ’Ohipa 2:37). ’Ua ani Petero ia rātou ’ia tātarahapa, ’ia bāpetizohia, ’e ’ia fāri’i i te hōro’a o te Vārua Maita’i (hi’o Te ’Ohipa 2:38). Fātata e 3 000 ta’ata tei « fāri’i māite i tāna ra parau [’e ’ua] bāpetizohia ihora » (Te ’Ohipa 2:41).
E ha’afātata te fa’a’ohipara’a i te ha’api’ira’a tumu a te Mesia ia tātou iāna. ’A feruri e nāhea ’outou ’ia fa’a’ohipa i teie nā tuha’a ha’api’ira’a tumu e pae :
-
Te fa’aro’o i te Fatu ia Iesu Mesia : E aha te mau peu ’e te mau ’ohipa e tauturu i te fa’arahi i tō ’outou fa’aro’o ia Iesu Mesia ?
-
Te tātarahapara’a : Nāhea ’outou i te fa’ariro i te tātarahapara’a ’ei ’ohipa ’oa’oa ?
-
Te bāpetizora’a : E aha tā ’outou e rave ra nō te ora i tā ’outou fafaura’a nō te bāpetizora’a ?
-
Te hōro’a o te Vārua Maita’i : E aha te mau vāhi ’e te mau ’ohipa ’o tē ha’amatara rahi a’e mai i te mau muhumuhu a te Vārua ?
-
Te tāpe’a-māite-ra’a ē tae noa atu i te hope’a : Nāhea te ha’apa’ora’a i tā ’outou mau fafaura’a, te ti’aturira’a i te Mesia ’e te mau-māite-ra’a i te ’āuri tāpe’a i te tauturura’a ia ’outou ’ia fa’a’oroma’i i te mau tamatara’a teimaha ? Hi’o Ieremia 17:7 ; 2 Nephi 31:20 ; Etera 12:4.