“Meu Vakarawarawataka Vakacava na Noqu Bula meu Vakanamata Vei Karisito?,” Liaona, Sepi. 2023.
Lako mai, Mo Muri Au
Meu Vakarawarawataka Vakacava na Noqu Bula meu Vakanamata vei Karisito?
They Were All Filled [Era a Vakasinaiti Kece], mai vei Walter Rane; itaba ni iloilo ni vakalevutaki ka mai na Getty Images
E vakatavulici keda na iApositolo o Paula me da vakanamata kina “bula rawarawa i Karisito” (2 Korinica 11:3).
O sa bau liaci iko beka mo cakava na kosipeli i Jisu Karisito me vereverea cake mai na kena oqo? Ena so na gauna eda dau vakanamata vakalevu ena irairai e taudaku se veika e sega ni bibi ka da tekivu vakila kina ni da sa uabaleti.
Vakarawarawataka na Nomu Rai
O Elder Dieter F. Uchtdorf, ena Kuoramu ni iApositolo Le Tinikarua e vakatututaka: “Kevaka o nanuma ni sega tiko ni cakacaka vinaka vei iko na kosipeli, au sureti iko mo kalawa imuri, ka raica na nomu bula mai na dua na vanua cecere, ka vakarawarawataka na nomu raica na bula vakatisaipeli. Vakanamata kina ivunau, ivakavuvuli, kei na ivakavakayagataki taumada ni kosipeli. Au yalataka ni na tuberi iko ka vakalougatataki iko na Kalou ena nomu sala kina bula vakasinaiti, ka na yaga vakavinaka cake vei iko na kosipeli” (“E Yaga!,” Liaona, Nove. 2015, 22).
Na cava e dua na ivunau taumada, ivakavuvuli, se ivakavakayagataki ni kosipeli ka rawa nio vakanamata kina ena macawa oqo?