Yacadra na tu iValeniveivesu

Mai vei Jeffrey N. Redd, Peresitedi, tabana ni kaulotu na Mexico Aguascalientes Mission, 2019–2022

Ena loma ni vale ni veivesu, a sega vakadua ni guilecava o Sisita Llanos na nona inaki me matataki Jisu Karisito, ni vakavulici ira na lewe ni nona rumu me baleta na kedra ivakatakilakila vakalou kei na ivakarau ni masu.

iVakatakilakila

goneyalewa daukaulotu vata kei peresitedi ni kaulotu kei na watina

iTaba eso mai vei Amelia Lyon

O Sister Aketzaly Llanos e a dua na daukaulotu ivakaraitaki vinaka ka tiko vua edua na ivakadinadina dei. A lesi taumada ki na tabana ni kaulotu na Costa Rica San José East Mission, ia a veiqaravi vata kei watiqu, o Janeen, kei au ena tabana ni kaulotu na Mexico Aguascalientes Mission me dua na yabaki ni bera ni taura nona visa ki Costa Rica.

Ena Epereli ni 2022 keirau a yaloyalo vei Sisita Llanos ni vodo ena dua na waqavuka ki Mexico City, me lai vodo tale ena dua na waqavuka i Costa Rica. Ni bera ni oti e 24 na auwa mai na gauna keirau a vakamoce kina, eratou a qiri keirau mai na tabana ni ovisa mai na Korolevu o Mexico.

“Keitou sa vesuki Aketzaly Llanos ena rara ni waqavuka ni a kunei vua edua na gasau-bula ni mataivalu,” eratou a kaya mai. “Oqo e dua na cala vakamatanitu, ka na veilewaitaki.”

Ena gauna vata ga oya, au a veitaratara ki na valenivolavola vakalawa ni Lotu, ka ratou sauma edua na loya me cakacakataka na sereki nei Sisita Llanos. Na loya oya a sega ni lewe ni Lotu. A yalataka o Koya me vukei keirau ia a vakaraitaka na nona vakatitiqa. A vakamacalataka ni kena taukeni wale tikoga e dua na gasau bula ni mataivalu mai vua edua e sega ni lewe ni mataivalu e cala bibi dina, veitalia nona inaki vinaka edua na tamata.

E muri, a tukuna vei keirau o Sisita Llanos ni a tomika na gasau-bula ena dua na gaunisala ena iotioti ni vanua ni nona veiqaravi. A nanuma o koya me dua na ivakananumi. Na gasau, a tautauvata kei na ivakananumi itui ni ki ka volitaki tu e taudaku ni dua qara ni siliva makawa ena dua na vanua sa veiqaravi oti kina. O ira na dauveivakatarogi ni matanitu, era a okati koya me vaka edua na dauvakacaca. Ena loma ga ni vica na siga, a tokitaki o Sisita Llanos mai na valeniveivesu e rara ni waqavuka ki na dua na valeniveivesu taqomaki vakaukauwa ka ra tiko kina na marama daubasulawa ca duadua.

Masu ni Vakabauta

Na masu me baleta na sereki vakatotolo nei Sister Llanos e a tekivu sara ga ena gauna oya. O Janeen kei au keirau a sureti ira na 115 na daukaulotu ka veiqaravi tiko ena neirau tabana me cakacakataki na vakabauta me keirau rawa ni raica e dua na cakamana, ke sa lewa ni Turaga. Au a veitaratara kei na peresitedi ni kaulotu e Mexico City, na tabana ni kaulotu na Costa Rica San José East Mission, kei na Koronivuli ni Tabana ni Kaulotu e Mexico, ka rau sureti ira na nodratou daukaulotu me duavata kei keimami ena masu.

E loma ni vale ni veivesu, a sega ni guilecava o Sister Aketzaly Llanos na nona inaki me matataki Jisu Karisito.

Ena loma ni valeniveivesu, a sega ni guilecava o Sister Llanos na nona inaki me matataki Jisu Karisito. A vakavulica vei iratou e ciwa eratou rumu vata na cabori ni masu vakailawalawa ena mataka kei na yakavi e veisiga. A vakavulica talega vei ira na kedra ivakatakilakila vakalou.

A kaya kina e dua na nona lewenikalasi, “O au e dua na tamata ca dina ena veika au a cakava meu curu kina eke, ka sa cati au na Kalou.” A raica na matana o Sisita Llanos ka kaya, “Sega. O sega ni tamata ca. O iko e dua ka cakava e dua na ka ca. Ia o iko e dua na luvena yalewa na Kalou, ka lomani iko o Koya!”

E dua tale na lewe ni rumu a talanoataka na tadra a tadra ni vo e vica na macawa me vesu kina o Sisita Llanos. A tadra edua na lewe ni rumu ni a vuka yani e dua na manumanu vuka ki loma ni vale ni veivesu me vukei koya. Ni bera ni mai lewena na Lotu o Sisita Llanos, a tiko e dakuna e dua na samuqawe ni manumanu vuka tabu oqo. Ni raica o lewe ni rumu na samuqawe ni manumanu vuka vata ka tadra, a kila o koya ni dodonu me vakarorogo ki na itukutuku ni kaulotu nei Sisita Llanos.

A vakavulici koya o Sisita Llanos ena Vakalesuimai ni kosipeli i Jisu Karisito ka solia vua na ilavelave ni iVola i Momani a kauta vata mai kei koya ki vale ni veivesu—na ilavelave vata ga erau a solia vei Sisita Llanos na goneyalewa kaulotu ena lima na yabaki sa oti ni se vakadikeva tiko kina na Lotu.

A vakayacori vakatotolo e dua na veilewai taumada e Mexico City. Keirau a lako kei Janeen me keirau soli ivakadinadina e matanavotu. Ni keirau sota kei iratou na timi vakalawa e taudaku ni vale ni veilewai, e a laurai votu vua na loya na lomaleqa, ni taubale cake ka lako sobu e bati ni sala.

Au kauti koya vakatikitiki ka kaya: “Nikua o na vakila na maravu kei na vakacegu ni yalo o se bera ni bau sotava vakadua ena loma ni dua na vale ni veilewai. Me’u tukuna mada vei iko na vuna. E sivia na 500 na daukaulotu kei na nodra matavuvale era sa masulaki iko tiko mo na qaqa nikua. Era sa masulaka tale tikoga me vakamalumalumutaki na yalo i turaganilewa me sereki Sisita Llanos mai vale ni veivesu.”

E a tonawanawa na wai ni matana na loya, ka vakaraitaka na nona vakavinavinaka ena vuku ni nodra vakabauta kei na masu e vuqa na tamata ena vukuna.

E a tekivu na veilewai ena 10:00 ena mataka, ia a gadrevi vei au meu wawa tiko e tuba ni bera niu kacivi meu soli ivakadinadina. E a sivi yani e rua na auwa balavu. Sa qai lako mai na ivakatawa ni valeniveilewai ka kaya ni sega ni gadrevi me rogoca o turaganilewa na noqu ivakadinadina—ni sa vakatauca oti o koya na nona vakatulewa.

Ena lomaleqa, au a curu yani kina rumu ni veilewai, ka tekivu me vosa na turaganilewa. A vosa o koya me baleta na lawa a voroka o Sisita Llanos kei na itotogi bibi ka rawa ni tau vua.

“Kua ni kauwaitaka mada oya,” a tomana o koya, “Au vakabauta na ivakadinadina sa soli me baleta na itovo vinaka nei Sisita Llanos.” A qai cavuta e dua na tiki ni lawa tawakilai levu ka vakatarai vua me solia na veivosoti, ka sereki koya ena gauna vata ga oya.

iVakatakilakila

goneyalewa daukaulotu kei na watina na peresitedi ni kaulotu

O Sisita Llanos kei Sisita Janeen Redd, ka cibati koya kina e ligana o Sister Llanos ena nona sereki mai valeniveivesu.

“Na Kalou e Yasaqu”

Oqo na cakamana keirau a vakasaqara! Me isosomi ni totogitaki ki na va se sivia na yabaki e vale ni veivesu, a sereki o Sisita Llanos me galala. Ni oti na veilewai, a kaya na nona loya ni siga oya e dua vei ira na siga duatani duadua ni nona gauna vakacakacaka.

“Au a vakila dina na Kalou e yasaqu,” a kaya. “Au vinakata meu vulica eso tale na ka me baleta na nomuni vakabauta.”

Au a sureti koya ki na Vale ni Vulagi ena Valetabu e Mexico City Mexico. “O ni na raici ira eso tale na daukaulotu vinaka e kea me vakataki Sisita Llanos,” au a tukuna vua. “O na raica na ramase ni matadra, ka o na tarogi iko se cava na vuna.”

Ni oti e tinikarua na auwa, a sereki o Sisita Llanos, ka vakaisulu tu ga ena isulu ni valeniveivesu. A cibati koya e ligai Janeen. Ni sa mudu kece na tagi ka rawa me keitou vosa, a kailavaka mai o Sisita Llanos, “Peresitedi, au a ciqoma eso na yacasoli mai vale ni veivesu!”

Na veika ka sotavi oqo sa vakadeitaka ni “Se sega ni cava na nona Kalou ni cakacaka mana na Kalou” (Momani 9:15). Au sega ni vakatitiqataka ni nodra vakabauta kei na masu e vuqa na tamata vinaka a vukea e dua na loya me valataka na nona kisi ka vakamalumalumutaki na yalona na turaganilewa.

Baleta ni a vesu o Sisita Llanos, e vica na marama vesu era a ciqoma na inuinui mai na kosipeli i Jisu Karisito, a buroro e dua na sorenikau ni vakabauta vua e dua na loya, ka keimami a vaqaqacotaki ena neimami kila ni rawa vua na Kalou me vakayagataki keimami me tosoya na Nona cakacaka se vanua cava ga keimami tiko kina.