Lako Mai, Mo Muri Au

1 Korinica 10–12

E Rawa Vakacava Nida Cakava Mera Duavata Vakalevu Cake na Noda iVavakoso?

na ivalavala eso ka rawa ni vakavurea na duavata ena kedra maliwa na lewe ni Lotu

Droini mai vei Vicky Scott

A rogoca o Paula ni tiko na veisei ena kedra maliwa na lewe ni Lotu ena korolevu ko Korinica (raica na 1 Korinica 11:18). Ni sauma, a vakamasuti ira o koya ena dua na ivola “me kakua ni veisei [tatawasewase] na yago [na Lotu]; ka me veinanumi vakatautauvata na veitikina vakai ira” (1 Korinica 12:25).

Eda rawa ni vakaraitaka na “veinananumi vakatautauvata vaka oqo” ena ivalavala ni loloma sega ni nanumi koya ga kei na loloma cecere. E tukuna o Paula e vica na sala eda rawa ni cakava kina oqo me duavata vakalevu cake kina na noda veiwekani.

Reki ka tagi vata kei ira na tani.

“Ia kevaka sa rarawa e dua na tikina, sa rarawa vata na tikina kecega; se dua na tikina sa dokai, sa reki vata na tikina kecega” (1 Korinica 12:26).

Vakayacora na cakacaka ni veiqaravi sega ni nanumi koya ga vakai koya.

“Me kakua ni dua me qara na ka sa yaga duadua vei koya, a ka talega sa yaga vei ira na tani” 1 Korinica 10:24, footnote b]).

Vakaduavatataki na noda ivakadinadina me baleta na iVakabula.

“Ni sa duabau ga na madrai, sa qai yagona e duabau ga koi keda e lewe vuqa: ni sa noda nai votavota ni madrai [o Karisito] ko ya e dua bau ga” (1 Korinica 10:17).

Lomana na tamata kecega.

“Dou kakua ni vakacala e dua, vei ira na Jiu, se vei ira na lewe ni vei Matanitu Tani, se vei ira nai soqosoqo lewenilotu ni Kalou” (1 Korinica 10:32).

“Na iVakabula e sureti keda tiko me da bula ena ivakarau cecere, ka vakalou cake—Nona ivakarau ni loloma ka ra vakila kina na tamata kecega ni ra okati ka gadrevi dina kina.”

Sister J. Anette Dennis, iMatai ni Daunivakasala ena Mataveiliutaki Raraba ni iSoqosoqo ni Veivukei, “E Rawarawa na Nona iVua ka Mamada na Nona iColacola,” Liaona, Nove. 2022, 81.