2023
Mga Sulat ni Apostol Pablo
Oktubre 2023

“Mga Sulat ni Apostol Pablo, Bahin 3,” Liahona, Okt. 2023.

Mga Sulat ni Apostol Pablo

Part 3

pergamino [parchment] nga sudlanan sa tinta ug himan sa pagsulat

Paghulagway pinaagi ni Elspeth Young

1 Timoteo

  • Ngadto ni Timoteo, usa ka lider sa Simbahan didto sa Efeso (usa ka siyudad nga mao ang Turkey sa bag-ong panahon)

  • Lagmit gisulat gikan sa Macedonia sa mga AD 64–65

  • Katuyoan: Aron sa pagtabang ni Timoteo nga mas masabtan ang iyang mga katungdanan sa Simbahan

  • Importanteng mga pagtulon-an: Mga pasidaan mahitungod sa sayop nga doktrina, mga responsibilidad sa mga lider sa Simbahan, tambag kon unsaon sa pagpangalagad, ug pag-awhag sa pagbuhat sa maayo nga mga buhat

2 Timoteo

  • Ngadto ni Timoteo, usa ka lider sa Simbahan didto sa Efeso (usa ka siyudad nga mao ang Turkey sa bag-ong panahon)

  • Gisulat gikan sa Roma sa mga AD 64–65

  • Katuyoan: Sa pagtanyag og kalig-on latas sa mga pagsulay ug sa pag-awhag sa Simbahan aron magpadayon nga lig-on human sa kamatayon ni Pablo

  • Importanteng mga pagtulon-an: Apostasiya, pag-angkon og mahangtoron nga kinabuhi pinaagi ni Jesukristo, ug ang mga panalangin ug mga hagit sa pagkadisipulo

Tito

  • Ngadto ni Tito, usa ka Grego nga kinabig

  • Gisulat gikan sa Nicopolis (usa ka siyudad nga mao ang Greece sa bag-ong panahon) sa mga AD 64–65

  • Katuyoan: Sa pagpalig-on ni Tito samtang siya nangulo sa Simbahan didto sa Crete (usa ka isla sa Greece)

  • Importanteng mga pagtulon-an: Paglaom alang sa mahangtoron nga kinabuhi, mga kwalipikasyon sa mga bishop, pagpakabuhi sa pagkamatarong, ug pagbuhat og maayo nga mga buhat human sa bunyag

Filemon

  • Ngadto ni Filemon, usa ka kinabig didto sa Colossae (usa ka siyudad nga anaa sa Turkey sa bag-ong panahon)

  • Gisulat gikan sa Roma sa mga AD 60-–62

  • Katuyoan: Sa pag-aghat ni Felimon sa pagpasaylo sa iyang ulipon nga mikagiw, si Onesimus, kinsa mipasakop sa Simbahan

  • Importanteng mga pagtulon-an: Paghatag og kapasayloan ug pagkaplag og panaghiusa isip manag-igsoon diha sa ebanghelyo

Mga Hebreohanon

  • Ngadto sa Judeo nga mga miyembro sa Simbahan sa Jerusalem

  • Sinulat gikan sa Roma sa mga AD 60–62

  • Katuyoan: Sa pag-awhag sa mga Kristiyanong Judeo sa pagpabilin nga lig-on diha sa ilang pagtuo imbis mobalik ngadto sa balaod ni Moises

  • Importateng mga pagtulon-an: Ang kinaiyahan ug misyon ni Jesukristo, ang Melchizedek nga Pagkapari, pagsalig ni Kristo, ug usa ka diskurso kabahin sa hugot nga pagtuo