Jos I Anaonsem Apdeit blong Ol Hym

Jos Ia blong Jisas Kraes blong Ol Lata-dei Sent i stap mekem plan blong putumaot Hymns—for Home and Church long Inglis, Spanis, Potugis, mo Franis long en blong 2026, wetem ol nara lanwis we bae i kam afta.

Niufala hymbuk ia bae i gat 450 kasem 500 hym mo ol singsing blong ol pikinini. Bae i gat kasem 50 lanwis we bae oli pablisim long en blong 2030. Hemia i minim se ol kongregesen blong Ol Lata-dei Sent truaot long wol bae oli wosip wetem semmak hymbuk ia we oli joenem wan ples, we bae ol namba blong hem i semmak long ol lanwis we oli stap toktok plante long hem long Jos.

Long taem naoia, Jos bae i putumaot sam niu singsing long dijitol stat long fas haf blong 2024. Oli save yusum olgeta wetem ol hym mo singsing we i stap long hymbuk mo singsing buk blong Jos we i stap naoia. Hemia bae i tekem tu ol miusik blong Jos we oli lavem tumas, we oli komposem afta long 1985 (olsem “Faith in Every Footstep”), miusik we oli yusum long ol nara fet, mo sam long ol 17,000 niu singsing we ol memba blong Jos oli bin givim. Plante, be i no evriwan, blong ol niu singsing ia we bae oli putumaot eli long dijitol, bae oli jes putum i go insaed long Hymns—for Home and Church