Yu save Mekem Ol Tempol Apoenmen blong Ol Grup Onlaen

Naoia ol Lata-dei Sent oli save mekem ol tempol apoenmen blong ol grup blong evri proksi odinens tru long onlaen sistem blong ol tempol apoenmen. Fastaem, sistem i bin letem nomo ol grup apoenmen blong proksi baptaes mo ol siling odinens.

Niufala fija ia bae i letem blong ademap ol famli o fren we oli wantem blong go long tempol tugeta. Ol grup we oli moa bigwan olsem ol wod mo stek, oli askem olgeta blong gohed blong mekem apoenmen tru long imel o long fon.

Taem yu stap putum wan apoenmen, jekem se bokis we oli putum “additional guests” mo putum namba blong ol man mo woman memba we bae oli kam. Saes blong ol grup i defdefren folem ol tempol mo oli folem hamas spes we i gat i stap.

Olgeta we oli wok long tempol bae oli luk ol apoenmen taem ol ges oli jek in long tebol we oli sapos blong jek in long hem, mo bae oli daerektem olgeta taem oli kam.