Bwebwenato ko an Ijo Jokwe Ie
Jetōb Ej Tōl Ballerina Pukot Iaļ eo Jab Jeļā Kake
Juōn ballet (rituuj) in Australia kar tōl e n̄an kōm̧m̧an juōn oktak n̄an kakwojarjar Raan in Jabōt
“Iaar jino ballet (tuuj) ke ej jijlimjuōn aō iiō kōnke iaar kōņaan āinwōt juōn princess,” Bianca Carnovale eaar ba, jen Sydney, Australia. Ālkin an jino ekkatak, eaar jeļā bwe (tuuj) eo peļaakin laļin rejjab bōjrak n̄an kōjparok raan in Jabōt. Eaar aikuj kāālet ia eo ej pād ie.
Āinwōt juōn membōr ilo Kabun̄ eo an Jisōs Kraist im Armij ro Rekwojarjar ilo Raan Ko Aliktata, Bianca eaar kajjieon̄ n̄an kōjparok Raan in Jabōt jen jerbal im m̧akūtkūt ko jet im renaaj bōke jān an kabun̄jar. Emaron ilo iien ikkure ak tuuj ko, kāālet eo n̄an ro Rekwojarjar ilo Raan ko Aliktata ej n̄an likūt aolep m̧akūtkūt ko turājet ilo raan in Jabōt eaar juōn men elukkuun pen.
Ilo an jab kōņaan bwe ro jet ren inepata, ilo an jeļā bwe tuuj ko ilo raan in Jabot rejamin waanmaanļo̧k mae iien epād, ekar barāinwōt kōm̧m̧an menin an Bianca inepata. Rikaki eo an ekajoor ba, “Ejjeḷọk company enaaj kōņaan kwe; etke rejam kōņaan kwe jān ro jet im rej dance (tuuj) ilo raan in Jabōt?”
Bōtaab Bianca eaar keememej, jen ke eaar jijlimjuōn an iiō, an kōnono ippān jinen kōn dance (tuuj) ilo raan in Jabōt. Im ilo jet iien eaar aikuj joḷọk exam (teej) ko im ikkure ko, iien kōnono ko raar jipan̄ Bianca meļeļeļe ke kam̧ōṇōṇō Anij elapḷọk an aorōk.
Eaar ekkatak ilo jikuuļ eo ijo Marni’s School of Performing Arts m̧ae iien eo eaar 14 iiō dettan, im eaar wini juon Pre-Professional Program ilo National College of Dance ilo Newcastle, ijo im eaar ruo wōt awa jen ijo ej jokwe ie. Ilo iiō ko jilu tokālik, Bianca eaar jokwe ilo Newcastle ļalem raan ilowaan juōn wiik, im menin eaar kōpooj e n̄an em̧m̧akūt n̄an New York City, USA ippān make.
Men̄e ejjanin kar tuuj (dance) ilo raan in Jabōt, ke ej 17 iio dettan, kar bōk Bianca n̄an New York’s prestigious Ballet Academy East, ijo im eaar wōr an iien em̧m̧an n̄an ekkatak jōkjōk ko jet kōn Balanchine ballet (tuuj).
Ejjab aolep iien ej limo. “Ekar wōr iien ko ilo New York, ilo aō ettoļo̧k jen ro mōtta im baamle eo, ij en̄jake ke ejjeļo̧k ej pād ippa,” Bianca ej keememej. “Iaar jan̄ juōn bon̄. . . . Ij keememej iaar jar n̄an Jemedwōj Ilan̄ im kajjitōk Ippān kōn juon [atbakwoj]. Iban meḷọkḷọk en̄jake eo emāṇaan ilo ubō. Men̄e ekar kōm̧m̧an bwe in jan̄, dān in kemjalaal kein raar dennin m̧ōṇōṇō, im iaar jab bar en̄jake aō make iaō.”
Ālkin enan̄in ruo iiō, COVID-19 pandemic eaar kōm̧m̧an bwe New York en kilōk im raar karool Bianca n̄an ijo jikin, ijo im ej aikuj kappok jikin an jerbal, bōtaab eaar katak wōt ballet (tuuj). Tokālik, eaar jar bwe en etal im mijen, bōtaab kar kōketak e bwe en em̧m̧akūt n̄an Melbourne ijo im eaar kōjatdikdik bwe en deḷọn̄eḷọk Australian Ballet Company eo.
Innām eaar bar kilōk bukōn eo, im Bianca eaar būromōje iien ekkatak ko. Eaar jino an dance (tuuj) ilo paak ko, bwe en pād ijoko nabōj, innām jinen eaar ba en kajjieon̄ ballet busking (tuuj im al) n̄e enaaj jemḷọk an kilōk jikin eo. Ilo jinoin, Bianca ekar ḷōmṇak bwe enana pepe eo, bōtaab ke ro m̧ōttan ilo m̧ōn jar eo raar kōketak e, ekar kajjieon e.
Bianca ekar ekkatak dance (tuuj) ilo m̧weo im̧ōn, innām eaar deļo̧n̄eḷọk ial ko ilo jikin ko reļap n̄an ikkure n̄an er. “Jinoin, iaar ron̄jake wōt, bōtaab iaar jino dance (tuuj) ippānḷọk. Innām eaar wōr aō jipikōr. Jen ijen, iaar jino ekkatak kōn jekjek im kilen al: kōjerbal koun im to ko ilo jikin ko ijo . . . kōkm̧anm̧anḷọk . . . [lale] armej ro wōj. Busking (al) eaar juōn men ekāāl.”
Bianca ekar kōņaan wōt bwe en deļo̧n̄eļo̧k company in dance (tuuj) ko. Ilo an busking (al), eaar katak wōt im kaloojjoj. Juōn iaan company eo raar kōṇaan e im raar kajjitōkin, “Etke kwojjab . . . ikkure ilo raan in Jabōt, innām etal im jar?” Ilo an Bianca ba ke Jabōt eļapļok wōt jen etal wōt im jar, raar jab bōke.
“Iaar lukkuun kōṇaan dance (tuuj),” Bianca eaar ḷōmṇak. Ilo jar eo an eaar ba Jemedwōj Ilan̄ ewi jon̄an an naaj im̧we aolep ajri ro reddik rej dance (tuuj) n̄e enaaj deļo̧n̄e juon company ilo an jab jerbal in Jabōt. “Ilo aō reilikļo̧k, ij kiiō ettōn̄ kōn aō kar kajjieon̄ ba n̄an Jema Ilan ta eo em̧m̧an.”
Bianca eaar ekkatak jen katak eo jān Elder D. Todd Christofferson: “Jej kajjieon̄ jab ḷōmṇak kōn karōk eo an Anij āinwōt juōn cosmic vending machine eo jej (1) kāālet jeraam̧m̧an eo jekōṇaan, (2) kōdeļo̧n̄ jon̄an jerbal em̧m̧an aikuji, im (3) koṇaan eo ad ej itok.”
“Ijela Jemedwōj Ilan̄ eaar kōṇaan bwe in dance (tuuj),” eaar ba. “Ijeḷā Jemedwōj Ilan̄ eaar kōnaan bwe in kajjieon̄ delon̄eḷọk company in ballet ko, ak ilo an iiō ko wōnmaanļo̧k ekar lukkuun alikkar ke E ekar jab kallimur ippa ke inaaj kar delon̄e juon company.”
Wōnm̧aanļo̧k wōt kōn ettōņak eo an bwe en jerbal n̄an company ko eaar kōm̧m̧an bwe Bianca en juōn rituuj eo elukkuun m̧ōkade, bōtaab ilo Ṃaaj 2022, eaar leļo̧k aolepen an n̄an busking (al)—juon ial eo ekar boktok elōn̄ men ko kar jab kōtmeni.
Ke eaar dance (tuuj) juon raan, ej ba, “Ij loe an eppōl turin mejen juōn leddik 13 iiō dettan. . . . Iaar āinwōt leddik in, im ijeļā kōn en̄jake in. Imaron̄ kōm̧m̧an bwe armej ren m̧ōṇōṇō im jan̄; Iban ukōt menin kōn jabdewōt men…Iaar baj ikdeelel wōt in jipan̄ ro jet . . . kiiō Jema Ilan̄ emōj an letok juōn jekjek eo em̧m̧an bwe in jerbal ilo juōn wāween ejenolọk!”
“Deḷon̄eḷọk juon company emaron̄ menin im̧we,” eaar wōnm̧anļo̧k, “bōtaab ij ḷōmņak elapļo̧k an im̧we ilo aō kōjparok kien ko An.”
Būrejitōn Russell M. Nelson eaar ba, “Pokake ej bōktok jeraam̧m̧an. Lukkuun pokake ej bōktok menin kabwilōn̄lōn̄ ko.”
Ilo aō ba naan ko an, Bianca eaar ba: “Jema Ilan̄ eaar ba n̄an n̄a, ‘Eļaan̄e kwonaaj kōjparok kien ko aō, Inaaj kwaḷọk n̄an kwe menin kabwilōn̄lōn̄ ko’.
“Ij ke lōke E? Aet!”