Bwebwenato ko an Ijo Jokwe Ie
Iaļ eo an Juon Jiron̄ N̄an Tampeļ
Jejjo iiō remootḷọk, juon jiron̄ eaar jokwe ilo Vanuatu etan Marsela Tokalolo, eaar eoron̄ naan in kapiļo̧k eo an jemen ilo būrwōn: “Pād wōt ilo Gospel eo an Jisos Kraist im kaorōk jeḷāḷọkjeņ.”
Jeḷāḷọkijeņ eaar aorōk n̄an Jemen jon̄an eaar jilikinḷọk e ke ej 12 an iiō bwe en jikuuļ ilo Fiji, kōjekdo̧o̧n jāān im ettoļo̧k eo an jān leddik eo nejin. Ālkin an kadiwōjḷọk jen high school im kam̧ōj kūlaaj 13 ilo Fiji, Marsela eaar ro̧o̧l n̄an ijo jikin ilo Vanuatu.
Ilo Fiji, Marsela eaar loe meram in jetōb ilo turin mejen rikaki ro an, elōn̄ iaer raar diwōjḷọk jen BYU-Hawaii.
Ālkin an kar jerbal āinwōt juon mijinede ilo Kabun̄ in ilo Philippines, kōņaan eo an n̄an deḷon̄eḷọk BYU-Hawaii eaar kaeitoklimoun n̄an en̄taan im jerbal bwe en bukōt jeḷāḷọkjen āinwot an kar jemen jiron̄ e.
Mariella Kaun, juon iaan membōr ro an Kabun̄ in ilo Vanuatu, eaar tōle Marsela ilo an kōm̧m̧an jāān n̄an an jikuuļ. Marsela eaar kōmat pinana pie im wia kake, cusrard pie im laplap, juon iaan kōmat ko jen Vanuatu.
Marsela eaar ba, “Membōr ro [ilo Kabun̄ eo an Jisōs Kraist im Armij ro Rekwojarjar ilo Raan Ko Aliktata] im ro m̧ōttan raar m̧ōṇōṇō in jipan̄ n̄a ilo aer jeḷā ke enaaj lukkuun jipan̄ n̄a ilo jikin jikuuļ.”
Marsela eaar tōpar kōttōpar ko an. Eaar kadiwōjḷọk jen BYU-Hawii, eaar loe ļeo pāleen, im raar m̧are ilo Laie Hawaii Temple.
“M̧weo Ekwojarjar Im̧ōn Irooj ej [juon] em̧ ekwojarjar,” eaar ba. “Anij ej etetal ippād ilo ial in mour ko ad.”
Juon tampōḷ ej jino ekkaļ ilo Port Vila, Vanuatu.
Ikijeen tampeļ ko rekāāl, Marsela eaar ba, “Ej juon uwaak in jar n̄an n̄a. Menin kam̧ool in ej bwe Anij ej lukkuun ḷōmṇak kōn ro Nejin. Tampeļ eo enaaj juōn meram n̄an laḷin ad.”