“O Le Ekalesia E faatatau i le Fesoasoani i Fanau Uma a le Atua,” Liahona, Fep. 2024.
Faafeiloai atu mai i Lenei Lomiga
O Le Ekalesia E faatatau i le Fesoasoani i Fanau Uma a le Atua
Mai atumotu maugā o Vanuatu e oo atu i mauga o Peleseuma, o le 17 miliona tagata O Le Ekalesia a Iesu Keriso o le Au Paia o Aso e Gata Ai e mafai ona maua i le silia ma le 31,000 uarota ma paranesi i le salafa o le kelope.
O le lagolagoina o se ekalesia ua i le lalolagi atoa o se taumafaiga tele lea e aofia ai le puleaina o sefuluai ma taulaga anapogi, fausiaina ma le tausiaina o falelotu ma malumalu, ma le gaosiina ma le tufatufaina atu o punaoa o le talalelei e pei o tusitusiga paia ma tusipese.
O nisi nei o le tele o tiutetauave o le Au Epikopo Pulefaamalumalu, o e galulue i lalo o le taitaiga a le Au Peresitene Sili e pulea mataupu faaletino, po o vaega faaletino, o le Ekalesia.
Sa le tele ni mea na ou iloa e uiga i le Au Epikopo Pulefaamalumalu a o lei tusia se faasologa o mea e tutupu mo le Church News e uiga i mataupu faaletino a le Ekalesia. E le gata ina sa ou aoao e uiga i le matafaioi ma le faamoemoega o le Au Epikopo Pulefaamalumalu i le Ekalesia, ae sa ou iloaina le auala e mafai ai e a latou galuega ona fesoasoani ia i tatou i o tatou lava olaga ma valaauga (tagai i le itulau 12).
O se tasi o mataupu faavae na ou aoaoina e faapea, o le Ekalesia e faatatau i tagata—mai Vanuatu i Peleseuma ma soo se mea i le ogatotonu. E faatatau i le fesoasoani i fanau uma a le Atua ia filifili e toe foi atu i le aiga ia te Ia ma maua faamanuiaga o le Togiola a le Faaola. E pei ona aoao mai Elder D. Todd Christofferson i lenei lomiga, “O le olioli tumau e oo mai e ala i le tumau i le talalelei a Iesu Keriso ma fesoasoani i isi ia faia foi faapea” (itulau 4).
Ou te faamoemoe o lenei upumoni e mafai ona avea ma se mea moni mo i tatou taitoatasi.
Ma le faamaoni lava,
Sydney Walker
Talafou o le Ekalesia
“Ma sa latou fetaomi mai i luma i lo latou ala, ma piimau pea i le āi uʼamea, seia oo ina latou o mai i luma ma faapa’u’ū i lalo ma aai i le fua o le laau.”
O Le Alofa o le Atua, saunia e Sabrina Squires