Sau, Mulimuli Mai ia te A’u

2 Nifae 1–2

Aisea e Manaomia ai le Faafeagai i le Fuafuaga a le Atua?

laau ma se fasi fualaau aina lapoa

I le 2 Nifae 2, o loo aoao mai ai Liae e uiga i le faitalia ma lo tatou avanoa e filifili ai le olioli ma le ola e faavavau. Ae sa le mafai ona tatou faia lena filifiliga pe ana faapea e leai ni mea faafeagai. Ua faamalamalama mai e Liae e faapea a aunoa ma le faafeagai, “e le mafai ona faataunuuina le amiotonu” (fuaiupu 11).

Tagai i le 2 Nifae 2:11–13 e faatumu ai le siata lenei:

Afai tatou te lei mauaina …	Ona tatou le mauaina lea …
Maliu
Agasala
Pala
Amioleaga
Faasalaga
Faanoanoa

“Ua tatou oo uma i aafiaga o ituaiga eseese o mea faafeagai ia e tofotofoina ai i tatou. O nisi o nei tofotofoga o faaosoosoga ia agasala. O nisi o luitau faaletino e ese mai agasala faaletagata lava ia. O nisi e matua tetelē lava. O nisi e laiti. O nisi e faifai pea, ma o nisi ua na o ni mea e auauai mai. E leai ma se tasi o i tatou e tuusaunoaina. O le faafeagai e faatagaina i tatou ia tuputupu a’e e agai atu i le tagata e finagalo lo tatou Tama Faalelagi e avea ai i tatou.”

Peresitene Dallin H. Oaks, Fesoasoani Muamua i le Au Peresitene Sili, “Faafeagai i Mea Uma,” Liahona, Me 2016, 115–16.

Talanoaga

O le faafeagai o lona uiga o le a tatou feagai ma luitau, ae o lona uiga foi e mafai ona tatou maua ni mea lelei i o tatou tofotofoga. O le a se mea lelei e mafai ona e maua i le toilalo, leiloa, atuatuvale i mea tautupe, po o isi luitau?