Jos I Stap long Ples Ia

Naerobi, Kenia

map wetem sekol raon long Kenya

wan animol olsem dia long wan fil mo ol tol tolfala bilding biaen.

Tufala fasfala pipol we oli joenem Jos Ia blong Jisas Kraes blong Ol Lata-dei Sent long Kenya, oli bin baptaes mo kasem konfemesen long 1979. Long yia afta long 1979, tu misinari mo wan senia kapol oli kam long Kenya. Long 1981, tu branj i fom finis long Naerobi mo Kiboko. Tedei, Jos long Kenya i gat:

• (Kolosap) 17,430 memba

• 2 stek, 57 wod mo branj, 1 misin

• 1 tempol we oli anaonsem (Naerobi)

Stap Faenem Glad long Lod

Olsem wan niu memba blong Jos, Gladys Ondwari i faenem glad insaed long gospel iven taem hem i stap go tru long ol hadtaem: “!Mi glad tumas! Lod i bin openem ol ae blong mi long stret taem. Mi save se Jisas Kraes i sef ples blong mi taem ol samting oli had.”

woman we i werem wan epron i stap smael

Foto i kam long Lucy Stevenson Ewell

Moa abaot Jos long Kenya

• Wan yang man blong Kenya i givim seves long wan misin long notwes blong Yunaeted Stet, long ples we hem i bin save helpem ol rifuji blong Afrika.

• Wan sot stori mo testemoni we i kam long wan yang woman we i stap laef long Kenya.

• Wan yang man we i stap laef long Kenya i serem olsem wanem Kraes i bin mekem hem i kam moa strong blong mekem ol had samting.

• Taem oli stap laef folem gospel, ol memba long Kenya oli mekem ol sef ples aot long ol wari blong wol.

• Wan profesa blong Jos histri i storian long olsem wanem Jos i bin gro long Chyulu, Kenya.

lukluk blong siti blong Naerobi

Naerobi siti senta. Oli oganaesem fas stek blong Jos long Kenya long Naerobi long 9 Septemba 2001.

Elda Sitati mo wan wokman blong konstraksen long ples we bae oli bildim tempol long hem

Taem hem i stap givim seves olsem Presiden blong Afrika Sentrol Eria, Elda Joseph W. Sitati, wan man ples blong Kenya, i bin go raon long ples we bae oli bildim Naerobi Kenya Tempol long hem, wetem ol lida blong Jos long 21 Mei, 2022.

tu man oli stap sidaon tugeta

Blong stap pasem famli histri i go, hem i impoten. I gat faef FamilySearch senta long Kenya, mo ol pipol we oli stap blong oli go aot mo kolektem ol storian blong ol histri we oli save sevem gud i stap blong ol jeneresen long fiuja.

mama mo tu gel

Taem Jos i stat long Kenya, ol memba oli stap kam tugeta long ol hom blong olgeta. Tedei, i gat ova long 50 kongregesen blong Ol Sent we oli stap kam tugeta long Kenya.