Faafeiloai Atu mai i Lenei Lomiga

Fausiaina o le Faatuatua Mausali e ala i Sauniuniga Faaleagaga

I se vaitaimi ua faatumulia i luitau faaleagaga, ua aoao mai ai e perofeta ma aposetolo le ala e filimaoti tele ai e a tatou sauniuniga le taunuuga o na luitau i o tatou olaga.

I lenei lomiga, ua faasoa mai ai e Elder Dale G. Renlund o le Korama a Aposetolo e Toasefululua le ala na saunia ai e le faatuatua, atamai, ma faiga a Taitaiau Moronae lona nuu ina ia mafai ai e le Alii ona faamanuiaina i latou i taua e faasaga ia sa Lamana.

I se taitai o le fili ua faatoilaloina, na faapea atu ai Moronae, “O le Alii … ua tuuina mai outou i o matou lima. Ma o lenei ou te manao ia outou malamalama ua faia lenei mea … ona o la matou tapuaiga ma lo matou faatuatua ia Keriso” (Alema 44:3).

Na tusia e Elder Renlund: “Na faataitai mai e Moronae mataupu faavae e mafai ona tatou faaaogaina e fesoasoani ai ia i tatou e faafetaiaia luitau o o tatou olaga i ona po nei. A o tatou faatinoina le faatuatua ia Iesu Keriso, … O le a Ia faamanuiaina i tatou i Lona mana” (itulau 4).

O tusiga ma tala i lenei lomiga ua faaalia ai auala taua e mafai ona tatou faia ai lenei mea. I la’u tusiga, ua ou tusia ai, “Tau ina ia tatou toe timata—i le taimi nei ma o le taimi mulimuli lea—ia filifili le faatuatua ia Iesu Keriso, o se faatuatua ia lava mo vaitau uma o le olaga” (itulau 44). A o tatou faia lea mea, o le a sili atu ona tatou saunia e maua le fesoasoani faalelagi i le faafetaiaia o o tatou luitau faaleagaga.

Elder Mark D. Eddy

O Le Au Fitugafulu

O Taitaiau Moronae ma le tagavai o le saolotoga

O Moronae “sa ifo o ia lava i le eleele, ma ia tatalo faatauanau atu i lona Atua mo faamanuiaga o le saolotoga ia malolo ifo i luga o ona uso, pe afai e i ai pea se vaega o tagata Kerisiano e totoe e fai mo i latou le laueleele.”

Alema 46:13

Mo Faamanuiaga o le Saolotoga, saunia e Scott M. Snow, e le mafai ona kopiina