“Stap faenem Rilif long Jisas Kraes,” Liahona, Septemba 2024.
Welkam long Namba Ia
Stap Faenem Rilif long Jisas Kraes
Long manis ia long stadi blong Kam Folem Mi blong yumi, yumi ridim abaot wan spesel eksperiens: Kraes ia we i laef bakegen long ded i bin visitim olgeta long Amerika mo invaetem Ol Man blong Nifae blong “kam fored long mi, blong yufala i save putum han blong yufala insaed long saed blong mi, mo tu, blong yufala i save filim ol mak blong ol nil long ol han blong mi mo long ol leg blong mi, blong yufala i save gat save se mi mi God blong Isrel, mo God blong ful wol, mo oli bin kilimded mi from ol sin blong wol.” (3 Nifae 11:14).
Olsem we Hem i mekem wetem ol man blong Nifae, Jisas Kraes i invaetem wanwan long yumi blong kam mo gat wan eksperiens blong yuwan wetem Hem mo developem wan kavenan rilesensip wetem Hem. Mi talem tangkyu we Hem i lavem yumi long wei ia mo gat tingting blong wantem tumas blong stap wetem yumi. From Hem, !yumi neva stap yumiwan! Long stori blong mi, mi serem se “yumi minim blong patna wetem Lod long wan wei we i gat bigfala paoa tru long ol kavenan blong yumi” (pej 44). Taem yumi kam long Hem tru long ol joes blong yumi evri dei blong kipim ol tabu kavenan, yumi bildim wan rilesensip wetem Jisas Kraes we bae i karem lav mo rilif blong Hem long laef blong yumi mo laef blong ol famli blong yumi.
Toktok blong Presiden Jeffrey R. Holland long “Gamen blong Tabu Prishud” (pej 4) i eksplenem se yumi stap tingbaot Jisas Kraes taem yumi werem tempol gamen afta we yumi endao. Hem i serem promes blong Fas Presidensi se blong stap kipim ol kavenan blong yumi mo stap werem gamen bae i givim yumi bigfala janis blong save kasem proteksen mo paoa blong Sevya.
Mi testifae se Papa long Heven mo Sevya i lavem yufala mo se Jisas Kraes i kam from stamba tingting ia: blong givim yumi rilif we yumi stap lukaotem. Jisas Kraes Hem i rilif.
Wetem tru hat,
Kristin M. Yee
Seken Kaonsela long Jeneral Presidensi blong Rilif Sosaeti
“Taem we mi mi stap yet long wol ya, mi mi olsem laet blong ol man long wol.
“Taem Jisas i talem tok ya finis, hem i spet long graon, i mekem smol sofmad long hem, mo i tekem sofmad ya, i putum long ae blong man ya.
“Nao Jisas i talem long hem se, “Yu go long wota ya Saeloam, yu wasem ae blong yu. … Nao man ya i go, i wasem ae blong hem, mo taem hem i kambak, hem i save luk olgeta samting.”
Hem i Mekem Ae blong wan Blaenman i Save Lukluk, i kam long Walter Rane