3 Wei blong Go Tru long Laef mo Glad long Hem

I kam long Emma Hebertson

Ol Magasin blong Jos

Papa long Heven i wantem yumi blong faenem glad long laef ia we Hem i givim long yumi.

ol yang adalt long Jemani — Guido blong Jemani

?Wetaem nao i las taem we yu bin hapi bigwan?

?Kwestin ia i had blong ansarem?

Long ol taem blong hadtaem, yumi maet gat fasin ia blong luk jenis olsem wan had samting blong kasem long ol jalenj blong yumi, mekem se yumi no rili save tingbaot glad we yumi bin filim. Olsem Sista Reyna I. Aburto, Seken Kaonsela insaed long Rilif Sosaeti Jeneral Presidensi blong bifo i tokbaot: “I gat ol blak klaod we oli save kam long laef blong yumi, we oli save mekem yumi blaen mo no luk laet blong God, mo i save mekem yumi askem yumiwan sapos laet ia i stap yet blong yumi.”

Plante long yumi ol yang adalt, samtaem long laef yumi fil olsem wan samting we yumi go tru long hem nomo—wan samting we yumi strakel wetem kasem yumi risivim olgeta blesing we oli promesem long yumi.

Wanem we yumi fogetem samtaem i we, hem i wan samting blong gladfrom. Blesing blong hapines we i no save finis i save stat naoia.

Hemia samfala wei we yumi save laetem bak laet mo glad long laef blong yumi.

Tingbaot Ol Simpol Trutok

Be, trenem ol ae blong yumi blong lukluk long tudak, yumi save lukaotem ol laet blong gospel blong Jisas Kraes we i kam long laef blong yumi.

Presiden Russell M. Nelson i rimaenem yumi se “glad i kam tru mo from [Jisas Kraes]. Hem i stamba blong evri glad.” Taem yu strakel blong faenem laet long laef blong yumi, tanem i go long Jisas Kraes i sud fas step ia oltaem.

Yu save askem Papa long Heven blong helpem yu tingbaot impoten aedentiti blong yu we i tabu.

Elda Gary B. Sabin blong Olgeta Seventi hem i tijim, “Hem i impoten tumas long fasin blong stap glad blong yumi, blong yumi tingabaot se yumi ol pikinini boe mo gel blong wan Papa long Heven.” I tru blong save se God i save long yu, mo wantem bes long yu, i save mekem laef blong yu i fulap long glad.

Nomata long ol jalenj we yumi fesem, tingbaot ol besik prinsipol blong gospel ia we oli save helpem yu mo invaetem laet blong Sevya i kam insaed long laef blong yu.

Faenem Wanem i Tekem Hapines Blong Yu I Kam

Samtaem hem i had blong tingbaot se hapines blong yumi i no semak long ae blong evriwan. Trutok se, olsem ol yang adalt, hem i had blong komperen laef blong yumi wetem blong olgeta raonabaot long yumi. Tingbaot se yu gat kontrol long hapines blong yuwan .

Askem yuwan: ?wanem nao i mekem yu hapi?

?Wanem nao i mekem yu smael?

Olsem we Presiden Dieter F. Uchtdorf i bin givim taem hem i bin Seken Kaonsela insaed long Fas Presidensi, “Katemaot fasin blong hariap mo tekem moa taem blong save gud yuwan.” Lukaot naesfala samting long ol smolsmol samting: Go wokbaot. Visitim Tempol. Putum nem blong yumi blong pat long wan seves projek. Faenem wan niufala samting we yu laekem mo mekem o statem bakegen hemia we yu bin stap mekem be afta yu stopem.

Elda Richard G. Scott (1928–2015) blong Kworom blong Olgeta Twelef Aposol, i bin tokbaot olsem wantem fasin blong krietem samting i save mekem laef i saen: “Selektem ol samting olsem, miusik, danis, mekem kaving, o raetem wan poem/singsing. Taem yu krietem samting, i helpem yu enjoem laef. Hem i givim spirit blong talem tangkyu. Hem i developem talen we yu no gat yet naoia, i mekem yu waes blong givim risen, blong tekem aksen, mo blong faenem stamba long laef. Hem i tekemaot filim se yu stap yuwan mo hed i soa. Hem i givim wan niu lukluk, wan bigfala intres, mo bigfala intres long laef.”

Faenem wan samting we bae mekem hat blong yu i fulap long hapines, we i save help blong laetem laet long laef blong yu taem yu faenem i had blong jenis.

Lukluk long on Samting We Oli Impoten

Sapos laef i kavremap yu tumas mo yu filim olsem se hem i stap tekemaot ol paoa blong yu blong go tru long wanwan dei, tekem smol taem blong stap kwaet mo lukluk long wanem nao oli moa impoten.

Blong mekem olsem, Presiden Uchtdorf i talem se yumi “mekem laef blong yu i simpol smol.” Stretem laef blong yu folem lav blong Papa long Heven mo naesfala presen we i Atonmen blong Kraes. Putum ol rilesensip blong yu long oda folem hemia we i impoten faswan, hemia, famli, ol fren, mo yuwan.

Faetem aot negatif tingting wetem positif tingting, tudak wetem laet blong Jisas Kraes mo gospel blong Hem.

Presiden Nelson i leftemap tingting blong yumi blong talem se: “Letem yu no go tru long sisen we yumi stap long hem nomo. Be letem yumi holemtaet fiuja wetem fet!” Taem yumi winim ol hadtaem long laef, lanem blong glad from naesfala samting abaot hem tu. Hapines we i no save finis, we gospel i promesem, hem i no stat samtaem long fiuja—hem i stat naoia.