Jos I Stap Ia

Reykjavík, Aeslan

Ol fas misinari blong Jos Ia blong Jisas Kraes blong Ol Lata-dei Sent oli kam long Aeslan long 1851. Long tu handred yia i pas, plante long ol memba blong Jos oli muv i go long narafala kantri. Be tedei, ol memba blong Jos long Aeslan oli kam long ol defren kantri, mo plante long ol Man Aeslan oli gobak blong prijim gospel blong Jisas Kraes mo helpem ol niu konvet blong lidim Jos. I nomata se oli smol long namba, be olgeta i wan komuniti we oli lavem mo tekem gud kea long wan wan long olgeta. Jos long Aeslan i gat:

• (Kolosap) 380 memba

• (I gat wan long Spanis) 4 branj

• 1 FamilySearch Senta

Wan Komuniti blong Ol Sent

Ol memba long Aeslan oli dipen long wan wan long olgeta. Taem hasban blong Bettina Gudnason i ded, ol famli blong oOl Sent raon long hem oli leftemap tingting blong hem: “Ol memba blong Jos oltaem oli stap raon long mi mo stap wetem mi. Mi save wetem ful hat blong mi se Papa long Heven mo Jisas Kraes, tufala i save evri samting we i stap hapen raon long yumi. Tufala i save ol nem blong yumi”.