Sa Tiko Eke na Lotu

Reykjavik, Iceland

O ira na imatai ni daukaulotu mai na Lotu i Jisu Karisito ni Yalododonu Edaidai era a yaco ki Iceland ena 1851. Ena ika 20 ni senijiuri, e vuqa na lewenilotu era a toki ki na veimatanitu tale eso. Ia nikua, o ira na lewe ni Lotu mai Iceland era gole mai na veimatanitu eso, ka vuqa na itaukei kei Iceland era lesu me vunautaka na kosipeli i Jisu Karisito ka vukei ira na saumaki vou mai mera liutaka na Lotu. E dina ga ni lailai na kedra iwiliwili, ia era sa dua na mata itikotiko veiyaloni vinaka. Na Lotu e Iceland e tiko kina e:

• 380 na lewenilotu (vakacaca)

• 4 na tabana (oka kina edua ena vosa vaka-Sipeni)

• 1 valenivolavola ni FamilySearch

Dua na iTikotiko ni Yalododonu

Era veiqarauni vakai ira na lewenilotu e Iceland. Ni mai takali na wati Bettina Gudnason tagane, a kune vakacegu o koya ena matavuvale ni Yalododonu wavoliti koya: “Era dau wavoliti au ka dau tiko vata ga kei au o ira na lewe ni Lotu. Au kila e yaloqu ni Rau kila vinaka tu na Tamada Vakalomalagi kei Jisu Karisito na veika kece e yaco wavoliti keda tu. Erau kilai keda ena yacada.”