Naan eo jinoin

Men̄e kwoj apan̄ kōn juon an̄ūrlep ak jeļā kajjien juon eo ej kōm̧m̧ane, unin tōl in emaron̄ juon kōjeraam̧m̧an ilo mour eo am̧. Kōn mālim eo jān Alcoholics Anonymous, bun̄tōn ko 12 kar kōkm̧anm̧an ļo̧k n̄an kobaik tok katak ko, pedpedin katak ko, im tōmak ko an Kabun̄ eo an Jisōs Kraist im Armej ro Rekwojarjar ilo Raan Ko Āliktata. Ilo unin tōl in, bun̄tōn ko rej kwaļo̧k ilo laajrak eo ippen tok juon pedpedin katak an gospel eo. Unin tōl in enaaj jipan̄ eok ekkatak wāween buki bun̄tōn kein. Jekdo̧o̧n jekjek rōt ko am̧ rej waļo̧k, bun̄tōn kein renaaj jipan̄ eok itok n̄an Kraist im būki kōjeraam̧m̧an ko an ājmour im bōk kōmour.

Ān̄urlep ko remaron̄ in ekoba men ko rekajoor einwōt tobacco, arkooļ, kope, ti, im jimor uno ko karōki n̄an leļo̧k im illegal drug ko. Ān̄urlep ko ekoba bareinwōt m̧wil ko einwōt kāmbōļ, alooje pija ko retto̧o̧n, ļōn̄, m̧wil in letak ko rejjab ekkar, ikkure video, kōjerbal technology ilo jab ekkar, im m̧ōn̄ā in jab ājmour. Ke rikōjeparok ājmour ro ritijemļo̧k rej ļōmņak an̄ūrlep ej juon nan̄inmej an ānbwin, ānbwin eo ej lukkuun mōttan in wōt būrabļōm̧ eo. Ān̄ūrlep ejelet kōļmenļo̧kijeņ, ānbwin, im jetōb eo, innām bwe uwak eo aikuj in kwaļo̧k aolepen lukkuun nan̄inmej eo.

Unin tōl in ejjab alikkar n̄an jabdewōt lukkuun an̄ūrlep. Men̄e armej rej apan̄ kōn elōn̄ kain oktak ko an an̄ūrlep, elōn̄ rekar loe juon uwak pata ilo iaļ eo kar kalaajrake ilo unin tōl in. En̄in ej juon bok in jerbal im jerbal n̄an aolep ro rej kōņaan ājmour jen jabdewōt an̄ūrlep. Unin tōl in ej kein riit eo aorōk ilo kweilo̧k in jipan̄ ko an ājmour jān an̄ūrlep kar loloorjake jen Kabun̄ eo an Jisōs Kraist im Armej ro Rekwojarjar ilo Raan Ko Āliktata.

Em̧m̧aan im kōrā ro raar en̄taan jen jorāān in men ko rej jen kajojo an̄ūrlep ko im en̄jake an aitok-kitien ājmour kar jipan̄ilo ejaake unin tōl in im kar karuwainene n̄an kwaļo̧k aer en̄jake ilo mour kaki bun̄tōn ko 12. Ļōmņak eo an armej (eo “kōj” ilo unin tōl in) ej jerbal n̄an letok juon en̄taan in an̄ūrlep im juon lan̄lōn̄ in kōmour im ājmour. Kwoj maron̄ loe kaeņōm̧m̧an im rie jen armej rein. Ritōl ro an Kabun̄ in im ro retijemļo̧k rej letok kapilōk raar barainwōt jipan̄ jeje im ejaake unin tōl in. Koba in jeḷā ḷọkjeṇ im iminene eo an elōn̄ iaan rijeje rein ej jutak einwōt bar juon rikam̧ool kōn m̧ool eo an Pinmuur eo an Jisōs Kraist im maron̄ in ājmour jen an̄ūrlep

Kōmij karuwaineneik eok n̄an itok n̄an juon kweilo̧k in ājmour. (“Kōj” em̧m̧aan im kōrā ro raar en̄taan jen jorāān ko rejelet an kajojo an̄ūrlep ko im kar en̄jake aitok-iien ājmour.) Tōl ko n̄an kapukōt-armej, bitio, taļbo̧o̧n, ak rekoote kweilo̧k ko (kōn māļim) maron̄ loe ilo website eo an Būrookraam̧ in Ājmour jān An̄ūrlep (AddictionRecovery.ChurchofJesusChrist.org). Jab kōtļo̧k an mijak ko am̧ bōbrae eok jen kōjeraam̧m̧an ko in pād ilo juon kweilo̧k in ājmour. Jouj im jeļā bwe kweilo̧k kein rej jikin meļeļe, kōjātdikdik, im rie, ijo kwōnaj loe bwe kwōjjab make iaam im kwōnaj loe bwe maron̄ ājmour. Jej loe bwe unin tōl in enej lukkuun wājepdik n̄e jej jerbali bun̄tōn ko ippen juon riloloorjake im bisop eo ad. Jet iaad wōj rej bōk jipan̄ jen juon rikakpilōk etijemļo̧k ilo iaļan ājmour in ad.

Ājmour ej ijjino n̄e jej m̧ool im meļeļe bwe jej apan̄ kōn an̄ūrlep. N̄an jet armej, kakilen er make āinwōt ri an̄ūrlep ro ilo kweilo̧k in ājmour ko ejipan̄ maron̄ m̧ool im n̄an kemeemej ewi jon̄an kajoor in aer maron̄ an̄ūrlep. Ijoke, jenaaj kanooj in kōjeparok bwe menin en jab kōm̧m̧an jon̄an ad kōjātdikdik ak lōke ilo Anij. Eļan̄n̄e jej meļeļe kake kōj make āinwōt ri an̄ūrlep ro, jemaron̄ jab ļōmņakin kariab e m̧ool eo bwe Jisōs Kraist emaron̄ in kōmour kōj im ukōt lukkuun paotok eo ad. Ilo ad ājmour, jej aikuj kapukōt juon jokin wōt juon ikōtaan m̧ool kōn kajoor in an̄ūrlep ilo ejja iien eo wōt lōke bwe Jisōs Kraist emaron̄ bar kōjepļaak kōj n̄an dedeļo̧k in ājmour ilo jetōb.

Elan̄n̄e kwoj en̄jake am̧ maron̄ bōk juon an̄ūrlep im bōk juon ikideelel edik n̄an anjo jen an̄ūrlep, ak eļan̄n̄e kwoj kōņaan ejaake juon aikuj, kōmij karuwainene eok n̄an koba tok ippam ilo ekkatak im mour kake pedpedin katak ko an gospel eo an Jisōs Kraist āinwōt kar kōmeļeļeiki ilo unin tōl in. Eļan̄n̄e kwoj ļoore iaļ in kōn juon bōro em̧ool, kwōnaj loe kajoor ilo Jisōs Kraist n̄an mour jen an̄ūrlep.

Elder Robert D. Hales kar kōmeļeļeik: “An̄urlep ej ijo̧ļ eo an armij, im jab maron̄ kōļak kōņaan ko ad. Ej juon menin jaje dāpdep kōņaan” (“Becoming Provident Providers Temporally and Spiritually,” Liahona, Māe 2009, 10).

Innām e ekar kōmeļeļeik wāween eo elōn̄ armej rej apan̄ in āliji an̄ūrlep in bōk juon kōņaan ekajoor: “Ak āinwōt ajri ro nejin Anij, ajeḷkā eo ad im ta jej aikuj in kapukōte ej ta Irooj wōt emaron̄ in letok—An iakwe, An en̄jake eaorōk, An kōjeparok, An tōmak, An kōjātdikdik ilo ilju jekļaj, lōke iakwe eo An, remaron̄ bōktok n̄an kōj lan̄lōn̄ indeeo (“Becoming Provident Providers Temporally and Spiritually,” 10).

Men̄e oktak eoktak ijo jej pād ie im ijo jekōņan etal n̄ane me emaron̄ in pen anjo jene, Būrookraam̧ in Ājmour jān An̄ūrlep eo im unin tōl in emōj aer jipan̄ elōn̄ armej ro raar etetal jekjek in jen an̄ūrlep n̄an ājmour, im menin emaron̄ jipan̄ kōm̧m̧ane ejja in wōt