Bun̄tōn 5: Kwaļo̧k n̄an kōj make, n̄an Jemedwōj Ilan̄ ilo etan Jisōs Kraist, n̄an mālim in priesthood eo ekkar, im n̄an bar juon armej kake jejjet in paotok eo an bōd ko ad.

Katak eo Aorōk: Kwaļo̧k bōd

Ilo an̄ūrlep ko ad, elōn̄ iaad wōj raar en̄jake aer jeno̧lo̧k ak ajimakeke. Bareinwōt ilo iien ko n̄e ro jet rej en̄jake juon en̄jake in koba, jej en̄jake āinwōt jejjab koņ Elōn̄ iaad wōj rekar en̄jake rub im ļōmņak ejjeļo̧k juon en emaron̄ bōke ak iakwe kōj, eļaptata eļan̄n̄e rejeļā kōn an̄ūrlep ko ad. Ilo ad kar itok n̄an kweilo̧k ko an ājmour, jaar jino waļo̧ktok jān jeno̧lo̧k eo me an̄urlep ekar ļapļo̧k ie. Ilo jinoin, elōn̄ iaad wōj rekar jijjet im kar ron̄jake, ak em̧ool jekar en̄jake eļap jokane n̄an kwaļo̧k en̄jake ko ad. Ijoke, jekar ņooj elōn̄ men ko ippād make—men ko rekajookok, menin āliklik, menin ruprup bōro ko, im men ke me rej kōm̧m̧an ad m̧ōjņo.

Jerbale bun̄tōn 4 emaron̄ bōktok en̄jake kein rekajookok im rekabwilo̧klo̧k māj, āindein jej elmakot jerbal kijerjere bun̄tōn 5 ālkin kadedeļo̧k bun̄tōn 4. Karumwij ļo̧k enaaj āinwōt kile juon kinej eo e anilen ejjeļo̧k karreoki. Meļeļe bwe bōd ko ad renaj anjo, ak ilo ad kajitūkin Jisōs Kraist n̄an jipan̄, E ear letok n̄an kōj peran im kajoor.

Jeere bōnbōn ko ad ippen ribōk eddo ro ad innem kwaļo̧k m̧ool in bōro n̄an bisop ro ad emaron̄ āinwōt jet men ko reppen jekar bar kōm̧m̧ani. Ak ro raar kōm̧m̧ane mokta ļo̧k raar jipan̄ kōj meļeļe aorōk eo an bun̄tōn in. Jeje etale ko ad make ejipan̄ kōj jeļā kōn bōd ko ad, mōjņo ko, im jerawiwi ko. Ak jino jeļā kaki ejjab bwe. An̄ūrlep ej ļapļo̧k ilo ittiņo. Jān ad jerbal jen bun̄tōn 5, jej rupe ittiņo eo. Sister Carole M. Stephens ekar katakin, Kōjatdikdik im kemour rejjab loi ilo ņooji ak ilo meram im iakwe an ad Rilo̧mo̧o̧r, Jisōs Kraist” (“The Master Healer,” Liaona, Nob. 2016, 11). Lukkuun in m̧ool ej kepooj kōj n̄an bun̄tōn ko tok jet im kōtļo̧k an Jisōs Kraist kōļapļo̧k an kōmour kōj.

Būreejtōn Spencer W. Kimball ekar katakin: Ukweļo̧k emaron̄ jab itok m̧ae iien juon armej eaar baare an jetōb eo an im meļeļe jerbal ko an ilo ejjeļo̧k jekpen ak meļeļe. … Armej ro me rekar kālet n̄an ione jorāān im ukōt mour ko aer remaron̄ loe ukweļo̧k iaļ eo epen ļo̧k mokta, akō renaj loe an lukkuun em̧m̧anļo̧k iaļ eo ilo aer edjon̄e leen ko an” (“The Gospel of Repentance,” Ensign, Okt. 1982, 4).

Lōke Anij im kūr tok peran, jej pepe n̄an jerbale bun̄tōn 5. Jekar jab lukkuun jeļā jemaron̄ anjo ion en̄jake in kajookok ekajoor in makoko. Jet iaad wōj raar jino in jeere ak kwaļo̧k m̧ool in bōro in wujlepļo̧k n̄an mijak im kar bar kajjieon̄. Jekar jar im kajitūkin Anij n̄an jipan̄ kōj letok kajoor eo jemaron̄ in aikuji. Kwaļo̧k im meļeļe bwe bōd ad rekar juon en̄jake ekajoor. Ilo ad kar kōm̧m̧ane āindein, jekar en̄jake iakwe eo Kraist n̄an kōj, me eaar letok n̄an kōj kōjātdikdik bwe enaaj maron̄ in em̧m̧an.

Men̄e ribōk eddo ro ad raar jipan̄ kōj jeiki bōnbōn ko ad, jekar aikuj in jeeri bōnbōn ko ad ippāer ak juon armej eo kar lōke. Rekar loe men ko jen juon elmakot eoktak im kar jipan̄ kōj loe jon̄n̄ak ko jejjab maron̄. Rekar jipan̄ kōj meļeļe ļo̧k kōn taip in m̧wil ko ad n̄an ļōmņak ko renana im en̄jake ko (einwōt n̄e kwoj make-kōņaan, mijak, utiej bōro, make būroṃōj, ebanban, kowāpene make, illu, lelotaan, ļōn̄, im ko jet). Ļōmņak kein im en̄jake ko raar annan̄e juon paotok in raar leen bōd ko ad. Akō ribōk eddo ro ad remaron̄ in loe em̧m̧an eo ilo kōj im jipan̄ kōj loe em̧m̧an eo ilo kōj make.

Jej kwaļo̧k m̧ool in bōro n̄an bisop ro ad ak branch būreejtōn ro kōn jabdewōt men eo eaar mo̧ ak maron̄ kar bōbrae kōj jen bōk juon pepa in mālim n̄an deļon̄e tampeļ. Eļan̄n̄e eaar wōr ad pere n̄an kwaļo̧k m̧ool in bōro, jej kajitūkin ritōl ro an priesthood. Kwaļo̧k m̧ool in bōro ko ad ekoba kapukōt jeorļo̧k in bōd jen Jisōs Kraist kōn jar im mālim eo an priesthood ekkar. Elōn̄ iaad wōj, ilo en̄jake in raar roļo̧k im anemkwoj. Jej do̧o̧r ļo̧k eddo im mōk ko ad im likūt er ioon neen Rilo̧mo̧o̧r. Jekar en̄jake aeņōm̧m̧am, lan̄lōn̄, im iakwe. En̄jake in eaar ekwojarjar im kaṃōṇōṇō.

Bun̄tōn Jerbal ko

En̄in ej juon būrookraam̧ in m̧adm̧ōd. Ilo ad wōnmaanļo̧k in pedped ion ilo jokin mour kake bun̄tōn ko ilo kajjojo raan. Menin kar jeļā kake āinwōt “jerbale bun̄tōn ko. Laajrakin jerbal kein rej jipan̄ kōj itok n̄an Kraist im bōk tōl im kajoor eo menin aikuj n̄an bōk bun̄tōn eo tok juon ilo ad ājmour.

Jeere etale ko am̧ jān bun̄tōn 4 ippān ribōk eddo ro ad im kwaļo̧k m̧ool in bōro kōn jerawiwi ko ad n̄an Anij im ritōl ro an preisthood me ekkar n̄e emenin kar aikuj.

Alma ekar kapilek ļeo nejin Koriantōn n̄an “kwaļo̧k jirilo̧k ko [an] im bōd [eo] [e eaar kōm̧m̧ane]” (Alma 39:13). Kapilōk in emaron̄ jerbal āinwōt juon unin tōl n̄an jerbale bun̄tōn 5. Bun̄tōn in ekoba jeere bōnbōn ko ad jen bun̄tōn 4 ippen bar juon armej, en juon ribōk eddo, eo me eaar ekkatak kake jerbal in im emaron̄ in jipan̄ kōj jeere ilo juon wāween em̧ool. Eļan̄n̄e juon ribōk eddo ejjab maron̄, jar im kālet bar juon armej eo kwoj lōke, emaron̄ juon eo ededeļo̧k an ājmour jān an̄urlep ko mokta. Bōbrae jabdewōt eo kwoj eņņoik ke emaron̄ leļo̧k tōl ko rejjab ekkar, lewaj meļeļe ko rebōd, akō epen an kōjeparoki meļeļe ko rennojak. Jej bareinwōt ļōmņakin kōjeparok ilo leto-letak etale ko ippen ro uwaan baam̧le repaaktata. Elukkuun aorōk n̄an bōk kapilek ippen bisop ro ad ak therapist n̄an peeke n̄āāt eo n̄an kwaļo̧ki m̧wil ko ad n̄an eo pālele n̄an maron̄ bōbrae eļapļo̧k jorāān n̄an er.

Jisōs Kraist ekar katakin bwe kwaļo̧k m̧ool in bōro ej juon m̧ōttan jerbal in ukweļo̧k eaorōk: “Jān men in kom̧ maron̄ jeļā eļan̄n̄e juon armej ej ukeļo̧k jān jero̧wiwi ko an—lo, enaaj kwaļo̧ki im eļļo̧k jāni” (Katak im Bujen Ko 58:43). Kōnmenin, jej kwaļo̧k jerawiwi ko ad n̄an Jemedwōj Ilan̄ ilo etan Nejin ejitōnbōro im kapukōt jeorļo̧k bōd eo An. Barāinwōt, jej aikuj kwaļo̧k bōd ko ad reļļap ļo̧k n̄an juon bisop ak branch būreejtōn. Eļan̄n̄e kwojjab jeļā ta n̄an kwaļo̧k, lale katak ko im ļōmņak kōn jerawiwi in letak ko ak m̧wil ko rejjab erreo. Ilo iien pere, kemeememej karuwainene eo n̄an “itok kiiō, im jen kōļmānļo̧kjeņ ippān droon” (Aiseia 1:18) im kōnono kaki kajjitōk ko am̧ ippen ritōl eo am̧ ilo priesthood.

“Ke Irooj wōt emaron̄ jeorļo̧k jerawiwi ko, ritōl ro rein an priesthood rej kōm̧m̧ane juon eddo aorōk ilo jerbal in ukweļo̧k. Renaaj dāpij kwaļo̧k m̧ool in bōro eo am bwe en ennojak im jipan̄ eok ilo aolepen jerbal in ukweļo̧k eo Lukkuun m̧ool n̄an er Eļan̄n̄e kwoj kajipikpiki am̧ kwaļo̧k m̧ool in bōro, kōnono wōt kōn bōd ko reddikļo̧k, kwojjab maron̄ in kōm̧m̧ane juon jerawiwi eo em̧ool, ejjan̄in kar waļo̧k. An mōkaj ļo̧k am̧ jino jerbal in, enaaj mōkaj ļo̧k am̧ loe aeņōm̧m̧an im lan̄lōn̄ eo ej itok ippen kabwilōn̄lōn̄ eo an jeorļo̧k bōd” (True to the Faith: A Gospel Reference [2004], 134).

Aenōm̧m̧an en itok n̄an mour ko ad

Ukweļo̧k im kwaļo̧k m̧ool in bōro ej bōktok aeņōm̧m̧an n̄an mour ko ad. Elder Quentin L. Cook ekar kōmeļeļeik aeņōm̧m̧an in ke eaar ba: “N̄e eaar wōr juon jerawiwi en eļap, kwaļo̧k m̧ool in bōro ej aikuji n̄an bōktok aeņōm̧m̧an. Bōlen ejjeļo̧k menin keidi ippen n̄an aeņōm̧m̧an eo ej itok jen juon jerawiwi in kakkure jetōb ko an armej likūt eddo ko an ļeo ak lieo ion Irooj im bōk kōjeraam̧m̧an ko an Pinmuur eo” (“Personal Peace: The Reward of Righteousness,” Liaona, Māe 2013, 32).

Iien n̄an iien armej ro ilo kweilo̧k ko an ājmour ak ilo jekjek ko jet rej wōnmaanļo̧k wōt in kōmeļeļe jerawiwi ko aer im men ko rej itok. Ļōmņak rej m̧ool in kwaļo̧k bōd ko aer, reban loe aeņōm̧m̧an. Jab pok kōn bun̄tōn 5 ippen juon kōņaan jiktok in kōm̧m̧ani men ko renana. Ļōmņak eo an bun̄tōn 5 elukkuun in oktak. Jej jerbale bun̄tōn 5 jab n̄an kabwijere men ko jekar kwaļo̧k ak n̄an joļo̧ki.

Juon wōt iien in ad m̧ool in lukkuun kadedeļo̧k bun̄tōn 5, ejjeļo̧k men en jekar ņooje. Jej kōmeḷeḷe kōņaan ko ad ilik n̄an “juļo̧k aolep jero̧wiwi ko [ad]” (Alma 22:18) innām bwe jemaron̄ in bōk juon jeļāļo̧kijeņ eļapļo̧k kōn iakwe an Anij im iakwe an elōn̄ armej ro rej kea kōn kōj.

Ekkatak im Meļeļe

Laajrakin jeje ko rekwojarjar im ennaan ko jen ritōl ro an Kabun̄ in remaron̄ jipan̄ ilo ad ājmour. Innem jemaron̄ kōjerbali n̄an kōkm̧anm̧anļo̧k mour, ekkatak, im jeje bwebwenato. Jej aikuj kemeemej n̄an m̧ool im alikkar ilo ad jeje n̄an bōk aolepen joortoklik eo jen menin.

Kwaļo̧k m̧ool n̄an Anij

“N̄a, Irooj, Ij jeorļo̧k jero̧wiwi ko an ro rej kwaļo̧k jero̧wiwi ko aer Im̧aō im kajjitōk jeorļo̧k bōd” (Katak im Bujen Ko 64:7).

• Ekōjkan an kwaļo̧k jerawiwi ko aō n̄an Anij jipan̄ n̄a kōm̧m̧ani oktak ko rem̧m̧an ilo mour eo aō? Ekōjkan an menin letok n̄an eō peran im kajoor n̄an kwaļo̧k n̄an bar juon armej?

Mije wāween eo Anij ej kalimjōk kōj

Juon armej ejjab aikuj kōmjāje n̄an kōm̧m̧an an juon jim̧we; … mōttan jiddik im leļo̧k e bwe kwaļo̧k jerawiwi ko an, innām enaaj maron̄ in jeorļo̧k bōd, im enaaj bōktok elōn̄ļo̧k leen ko” (Joseph Smith, in History, 1838–1856 [Manuscript History of the Church], volume C-1 Addenda, 46, josephsmithpapers.org).

• Juon iaan ikdeelel eo eļap ippen armej ro rej an̄ūrlep ej kōņaan bwe ro jet en em̧m̧an aer kallimjek er. Elmen an menin maron̄ dāpij n̄a jān aō em̧m̧anļo̧k im “bōktok elōn̄ļo̧k leen,” ak jerbal ko rem̧m̧an?

• Elmen an m̧wil eo aō oktak eļan̄n̄e In kar n̄ūrbōktak kōn wāween an Anij kile eō?

Mool

“Jabdewōt eo ej bōd ņae Eō, e kwōnaaj ekajet ekkar n̄an jero̧wiwi ko eaar kōm̧m̧ani; im eļan̄n̄e e ej kwaļo̧k bōro kōn jero̧wiwi ko an im̧aam̧ im Im̧aō, im ukeļo̧k ilo m̧ool in būruōn, e kwōnaaj jeorļo̧k ruōn, im Inaaj jeorļo̧k an bōd barāinwōt” (Mosaia 26:29).

N̄e jej kwaļo̧k jerawiwi ko ad, jej aikuj m̧ool.

• Ļōmņak elmen jab kwaļo̧k mōttan kwaļo̧k aō ej bōkļo̧k m̧ool eo an kijejeto ko aō. Mōttan ta eo an bwebwenato eo aō, eļan̄n̄e elōn̄, Ij ke ņooje?

• Ta joortoklik eo imaron̄ bōke jān ņooje jidik in bwebwenato in aō? Ta kaje eo enana emaron̄ in waļo̧k?

• Elmen an Jisōs Kraist maron̄ kōjeraam̧m̧an mour eo aō eļan̄n̄e ij kwaļo̧k men ko reppen tata mokta im leļo̧ki n̄an E?

Kwaļo̧k jerawiwi ko ad iien eo emōkajtata ilo ad kili

“Ilo ejja iiō eo wōt kar bōktok n̄an er juon jeļāļo̧kjeņ kōn bōd eo aer im raar kwaļo̧k bōro kōn likjab ko aer” (3 Nipai 1:25).

• Eoon in ej juon waanjon̄ak in armej ro raar jab aipedped in kwaļo̧k likjab ko aer iien eo wōt rekar kile. Ta jeraam̧m̧an ko ilo kwaļo̧k jerawiwi ko aō ālkin aō kili?

• Ta eo emaron̄ in kwaļo̧k an waļo̧k jorāān eļan̄n̄e ij aipedped in kwaļo̧k jerawiwi ko aō?

Kakkije im kappukot aenōm̧m̧an

“Iban bōk iien kōn men kein ruōm̧ n̄an kainepataik buruōm̧, eļan̄n̄e eaar jab n̄an em̧m̧an eo am̧” (Alma 39:7).

Jet armej remaron̄ ba bwe butōn 4 im 5 eļap mijeke ilo men ko renana im jab kobaik wōt n̄an jon̄an mour in ājmour. Ilo eoon in, jej jeļā bwe ekkōl kake men ko rej itok im jelm̧ae bōd ko ad enaaj jipan̄ kōj ilo ājmour.

• Ilo wāween rōt me bun̄tōn 4 im 5 rej kakijeik eō jen jon̄an mour im bōktok n̄an aeņōm̧m̧an?

Eļļo̧k jān jerawiwi ko

“Jān men in kom̧ maron̄ jeļā eļan̄n̄e juon armej ej ukeļo̧k jān jero̧wiwi ko an—lo, enaaj kwaļo̧ki im eļļo̧k jāni” (laleKatak im Bujen Ko 58:43).

• N̄an eļļo̧k jān juon men ej meļeļein n̄an jojoḷāār jāne ak lukkuun joļo̧k e. Ekōjkan an kwaļo̧k jerawiwi ko aō kōmeļeļeik ikideelel eo aō n̄an eļļo̧k jān iminene ko aō mokta?