Bun̄tōn 4: Kōm̧m̧ane juon katak in jeje im bwebwenato in kōj make.

Katak eo Aorōk: Mo̧o̧l

Kōttōpar eo an bun̄tōn 4 ej n̄an kalimjek kar mokta eo ad n̄an meļeļe kōn mōjņo eo ad im kile ta eo ej bōbrae kōj jen ad erom̧ āinwōt Rilo̧mo̧o̧r ilo jerbal n̄an ro jet. N̄an waanjon̄ak, mijak, kowānōk im kariap ej ņooj maron̄ eo ad n̄an loe men ko. Ak jeban ukōt juon men eo eļan̄n̄e jejjab lukkuun jeļā kake. Laajrakin bwebwenato ko ad rej jipan̄ kōj meļeļe aolep men ko rej pād imaan ad tin ājmour. Jeje bwebwenato ko ad eaikuji ad m̧ool ipped make kōn wōn kōj im en̄jake ko jekar bōke bwe jen maron̄ kajitūkin Anij n̄an jipan̄ kōj oktak, erom̧ em̧m̧anļo̧k im bōk kōmour.

Kōj aolep kar en̄jake men ko relukkuun pen. Būruwōd eaar rup, im kōj wōj kar en̄jake kinej ko rekemetak. Jekar oktak n̄an menin an̄ūrlep ko im m̧wil ko rekar kamej metak eo, innem jekar kōm̧m̧an kālet ko n̄an wōnmaanļo̧k wōt kapukōt jipan̄ in an jidik wōt iien. Mwil kein raar kōm̧m̧an eļapļo̧k metak, me ekar letok n̄an elōn̄ ļo̧k wūn n̄an kōjerbal im bōk an̄ūrlep. Metak ko an mour in im m̧wilin ko rekapopo rej jino in ļapļo̧k aer kajookok bwe jen ņooje, meļo̧kļo̧ke, ak kariap.

An̄ūrlep ko ad, mijak, im riab kakūrro maron̄ eo ad n̄an kanooj ļōmņak ilo m̧ool kake mour ko ad. Jekar kariab ak jab meļeļe kōn jorāān eo im kakkure eo an an̄ūrlep ko ad raar kōm̧m̧an ilo jemdoon ko ad. Kōn menin jekar kōm̧m̧ani aolep men jemaron̄ in meļo̧kļo̧ke, kowānōk, ak riab e kōj make n̄an lale metak eo ad. Nana eo, jekar jab maron̄ kile elōn̄ ian bōd ko ad ak jekar kajjieon̄ in eļļo̧k jene. Jekar riab n̄an kōj make bwe ilo kipel bwe jekar jab lukkuun meļeļe kake mour ko ad mokta. Ribōk eddo ro ad im ro jet ilo kurup in ājmour eo rekar kajitōk ipped n̄an kōm̧m̧ane jerbal eo epen im meļeļe ipped make kōn ta jemaron̄ in meļo̧kļo̧k ak jab kōņaan loe. Innām ālkin wōt, jemaron̄ meļeļe bwe jej aikuji Rilo̧mo̧o̧r eo n̄an kōmour kōj.

Ļōmņak eo n̄an bar etale mour eo ad mokta innām jeiki einwōt anjo̧ im ilo iien ko reban. Ebōk eļap kijejeto im jerbal n̄an kōm̧m̧ani menin. Jekar aikuj in etale bōro ko ad im ļōmņak ko n̄an kemeemej en̄jake ko ad mokta, im ekar pen bwe jen jeiki. Men eo eoarōk ej n̄an jijjet im jino jeje. Menin ej kipel kōj n̄an kaminene kajoor in ad lōke ilo Anij ekāāl. Kōjātdikdik eo ad ej bwe jemaron̄ bōk kōmour, jeorļo̧k bōd, im anemkwoj jen kōmakoko eletok n̄an kōj peran n̄an kajjieon̄. Jekar kajitūkin Anij n̄an jipan̄ kōj anjo ion mijak ko ad. Jekar kajitūkin E n̄an jipan̄ kōj kemeemej im jelm̧ae bōd ko ad im metak kōn peran. Ekar ron̄jake kōj, im ear einwōt juon rijipan̄ n̄an kōj.

Ribōk eddo ro ad raorōk ilo jipan̄ kōj emmakūt maanļo̧k ilo peran kōn bun̄tōn in. Kōnke rekar bōk bun̄tōn kein ippāer make, rekar maron̄ in rōjan̄ kōj im jipan̄ kōj loe alikkar in mour eo ad mokta. Jekar jab weepān ad kōm̧m̧ane, ak jekar kōm̧m̧ane jon̄an ad maron̄. Im ilo jemļo̧kin, eaar bwe. Jen ad kile im kar loe menin jorāān ko ilo mour ko ad, jekar bōk juon bun̄tōn emenin aikuj ilo kajim̧we er. Jekar bareinwōt loe bwe eļan an jipan̄ n̄an kile em̧m̧an eo an mour eo ad mokta im ekoba ilo etale ko ad men ko rem̧m̧an jekar kōm̧m̧ani im kajoor ko jekar ejaake. Bun̄tōn 4 eaar jipan̄ kōj leļo̧k n̄an Anij juon bwebwenato em̧ool kōn wōn eo kōj, ekoba jimor mōjņo im kajoor ko ad.

Laajrakin jeje in elotaan ko ad, mijak kemetak, im kajoor ko rej erom juon kein jerbal elukkuun aorōk ilo iaļan ājmour in ad. Ilo ad waļo̧k im eddōkļo̧k n̄an bun̄tōn 6 im 7, jenaaj kōjerbal etale ko ad n̄an bar lale mōjņo ko me rej dāpij wōt kōj ilo. N̄an waanjoñak, utiej bōro im mijak rekar dāpij kōj likļo̧k jen bōk eddoin bōd ko ad, me rekar kakure jemjerā ko im lōke eo ad. Innām, ilo ad tōpare bun̄tōn 8 im 9, armej ro jen etal ko ad rej ro me jenaaj bōk juon iien em̧m̧an n̄an jeorļo̧k bōd im kōm̧m̧an kakobaba ko n̄ani.

Bun̄tōn Jerbal ko

En̄in ej juon būrookraam̧ in jerbal. Ilo ad wōnmaanļo̧k in pedped ion ilo jokin mour kake bun̄tōn ko ilo kajjojo raan. Menin kar jeļā kake “jerbale bun̄tōn ko.” Laajrakin jerbal kein rej jipan̄ kōj itok n̄an Kraist im bōk tōl im kajoor eo menin aikuj n̄an bōk bun̄tōn eo tok juon ilo ad ājmour.

Jeje juon eale ippen juon jipan̄ an ribōk eddo eo

Bun̄tōn in ej ijo jej jino kōmakūkūt tōmak kōn jerbal ko (lale James 2:17–18). Elōn̄ iaad wōj, en̄in ej bun̄tōn eo epen tata. Emaron̄ in menin idajon̄jon̄, im lukkuun, kōmetak, im jemaron̄ en̄jake ad aikuj in jeje bwebwenato kōn aolep men ko ilo tōre ko ad mokta. Mekarta, etale bwebwenato ko ejjab maron̄ juon jerbal eo eļap n̄an anjo ion. Jej maron̄ in jijjet, jar kake, im jino jeje, men̄e jej je juon wōt kajitōk ak juon iien eļap ilo juon iien.

Jouj bar etale waanjon̄ok ko im pedped in katak ko ilo appedix (n̄an waanjon̄ok, jiit in jerbal eo). Jemaron̄ kōjerbal juon waanjon̄ok kein āinwōt juon jon̄ok n̄an jipan̄ kōj jinoe. Eļan̄n̄e jenej kapok ļo̧k jekjek in, eļapļo̧k an nej pen ļo̧k bwe jen jino ak n̄an kōm̧m̧an eddekļo̧k. Innām n̄e jej jeiki etale eo ad jiointata, emaron̄ in em̧m̧antata kōjeparok men reipidodo. Jemaron̄ in iienotemjej bar rool tok n̄an e ilo ad wōnmaanļo̧k wōt in jerbale bun̄tōn ko. Jouj jerbal ippān juon ribōk eddo eo am̧ ilo am je etale eo am̧ Anij en kōjeraam̧m̧an kōj ilo ad kōm̧m̧ane jerbal in, im jejāmin naaj meļo̧ļo̧k e.

Ekkatak im Meļeļe

Laajrakin jeje ko rekwojarjar im ennaan ko jen ritōl ro an Kabun̄ in remaron̄ jipan̄ ilo ad ājmour. Innem jemaron̄ kōjerbali n̄an kōkm̧anm̧anļo̧k mour, ekkatak, im jeje bwebwenato. Jej aikuj kemeemej n̄an m̧ool im alikkar ilo ad jeje n̄an bōk aolepen joortoklik eo jen menin.

An̄ūrlep ej juon kōkkaļļe

“Bwe āinwōt ej ļōmņak ilo būruon, ej āindein” (Jabōn Kōnnaan ko 23:7).

Elōn̄ iaad raar ḷōmṇak bwe an̄ūrlep ko ad rej juon būrabōļo̧m̧ an ānbwin. Jekar ilbōk n̄an jeļā bwe ļōmņak ko, en̄jake ko, im tōmak ko, rej wūn in mwilin an̄ūrlep ko ad. Kobain kapokpok in kōmālij eo ad, ānbwin, im bōklōkōt ej einwōt ta eo ej kōm̧m̧an ad jab makūtkūt. Jekar itok n̄an ad loe bwe mwilin an̄ūrlep ko ad rejjab lukkuun unin būrabōļo̧m̧ ko ad ak juon uwaak ekemetak n̄an m̧ool in būrabōļo̧m̧ ko ad.

• Ekōjkan an elmakot in kōn an̄ūrlep eo aō jipan̄ eō wōnmaanļo̧k ilo jeiki etale eo aō?

Etale jekjek eo an juon armej

Ilo jeje ko rekwojarjar, jej loe elōn̄ karuwainene ko n̄an kanooj, m̧ool in lale kōj make. Juon waanjon̄ok eaiboojoj loe ilo Alma 5:14. Rikanaan Alma ekar kajitōk kake kajitōk in: “Kom̧ nan̄in ke ilo jetōb kar ļotak jān Anij? Kom̧ ar bōk ke nememen ilo paotok ko ami? Kom̧ ar bōk ke oktak in ekajoor ilo būruōmi? Jekar ļōmņak ekkatak aolepen jepta 5 in Alma n̄an elōn̄ļo̧k waanjon̄ok ko an etale kajitōk ko jemaron̄ kajitōk ippād make.

Bōk etal in ijo jekar maron̄ in pād ie emaron̄ in lukkuun ļap an jipan̄. N̄an waanjon̄ok, juon peejņej ejjab aolep iien bōk etale in men ko mweien im m̧uri ko rejjab aolep iien eddekļo̧k. Bōk etale ej juon jeraam̧m̧an n̄an peejņej owner ro n̄an lale ta eo eaorōk im aikuj in kar kōjeparoke im ta eo ej kakure im aikuj in kar joļo̧k. Eļan̄n̄e peejņej owner ro rej lokjak ilo aujiid in jab m̧ool im m̧o̧ņe er make kōn m̧ool in paotok in etale eo, rej jab maron̄ in kōm̧m̧an kālet ko rejim̧we kōn aorōkin men ko aer rem̧m̧an.

Āierḷọk wōt, emenin aorōk n̄an ad bōk juon erreilo̧k em̧ool n̄an kadkad in mour ko ad.

• N̄e ij jar im kajitōk ippen Anij bwe en jipan̄ eō m̧ool, ta eo Jetōb Kwojarjar ekar katakin eō kake kōn taip in m̧wil eo aō n̄an kariab m̧ool eo an jekjek eo aō im men ko rej waļo̧k peļaakū?

• Elmen Ao kar m̧o̧ņe eō make kōn m̧ōjņo ko aō?

• Elmen bwe in kar likjab in loe aorōk im kajoor eo aō?

Jelmae iien ko ad mokta

“Im n̄e ij kōņaan m̧ōņōņō, buruō ej kōrraat kōn jero̧wiwi ko aō; mekarta, ijeļā ilo wōn iaar lōke” (2 Nipai 4:19).

Ilo kōm̧m̧ane etale ko ad, ewōr iien ko n̄e būruwōd ej n̄ūr kōnke kōn jerawiwi ko ad im metak ko jej jelm̧aeiki.

• Elmen an lōke Anij maron̄ jipan̄ eō n̄e Ij kadedeļo̧k etale eo aō im jelm̧ae jerawiwi im metak ko aō?

Lōke bwe E enaaj kōmour kōj

“Kwōn lōke Irooj kōn aolepen būruōm̧; im kwōn jab atartar ioon jeļāļo̧kjeņ ko am̧. Kwōn kwaḷọk E ilo iaḷ ko aṃ otemjeḷọk, innām Enaaj ba kajjien iaḷ ko aṃ” (Jabōn Kōnnaan Ko 3:5–6).

Juon etale emaron̄ jipan̄ kōj loe juon dipio in pija. Emaron̄ jipan̄ kōj ekkōl jake ļōm̧nak ko ad, en̄jake ko, im makūtkūt ko bareinwōt einwōt wōn ro kāļet ko ad rekar jelet er. Ruo iaan menin kaamijak ko ilo elōn̄ iaan etale ko ad rej mijak im juon tōr-jen jon̄an pedped iood make. Kallim̧ur eo jekar kōm̧m̧ane ilo bun̄tōn 3 eaar n̄an lōke Anij im ilo jekjek in ājmour in. Etale ko ad rej bun̄tōn eo tok ālik in ājmour im enaaj letok n̄an kōj ļōmņak ko reppen kōn ewi wāween wōnmaanļo̧k.

• Elmen an mour eo aō im kālet ko maron̄ oktak eļan̄n̄e ij joļo̧k utiej bōro im ijello̧kin kālet n̄an pedped ion im lōke Anij?

• Ta eo ij en̄jake aō makoko kake in emmakūt maanļo̧k ilo kallim̧ur eo aō n̄an ukōt mour eo aō im ankilaaō n̄an kōjeparok eo an Anij?

• N̄e ij kajjitōk ippen Anij eļan̄n̄e E enaaj kōjeparok eō ilo kajojo bun̄tōn in aō ājmour, ta uwaak eo ij bōke ilo būruwō im ļōmņak kōn Jetōb Kwojarjar? Keememej bwe an Anij kōjeparok kōj emaron̄ in oktak jen ta eo jenaaj kālete n̄an mour ko ad.

Mōjņo̧ ilo Jetōb

“Jet iien m̧ōjņo̧ ilo jetōb ej itok āinwōt tōprak in jerawiwi ak kinej in en̄jake ko. Jorrāān ko ilo jetōb rej itok jidik kōn jidik bwe jen maron̄ jeļā ta eo ej waļo̧k. Āinļo̧k wōt dōkā ko, metak ilo mour in jetōb im būrom̧ōj emaron̄ ejaak ioon jen iien n̄an iien, kadoik jetōb ko ad m̧ae iien eddo n̄an ineeke. …

“Ak kōn wōt apan̄ ko an mour in jetōb rej bōk jikier ejjab meļeļe bwe reban jako.

“Jej maron̄ bōk kōmour ilo mour in jetōb.

“Men̄e jon̄an kinjen mour in jetōb eo em̧wilaļ tata—aaet, men̄e ko watōki bwe reban jako—remaron̄ in mour” (Dieter F. Uchtdorf, “Rikabwijer Meram in Lan̄ ro,” Liaona, Nob. 2017, 78).

Ļōmņak kōn aitia jilu men ko renana kwar kōm̧m̧ani ilo mour eo am̧. Kwaar ke epaake Rilo̧moor eo im Jetōb eo An ke kwaar kōm̧m̧ani men kein? Eļan̄n̄e kwaar einwōt kar kōm, kwaar jab bōke Jetōb eo An. Elōn̄ ilo ājmour ren kūr menin mwijkōk einwōt “nan̄inmej ilo jetōb.”

• N̄e ij etal ilo m̧wil ko rekapopo im rebōd, Ij ke nan̄inmej ilo Jetōb? Etke ak etke ejjab?

Elotaan

Juon mōttan eoarōk in etale ko ad ej n̄an ļooki elotaan ko ad. Ekoba ṇota ko jekar bōke n̄an armej ro, institution ko, im men ko jet jekar en̄jake aer kametak kōj ak jab kar kōm̧m̧an em̧m̧an n̄an kōj. Tōlarōk elotaan eaar juon juon iaan kajoor ko reļļap im baijjin ilo an̄ūrlep ko ad. Ej kōm̧m̧an ad jumae ro jet im tōl ļo̧k kōj n̄an en̄jake in kwaļo̧k ilo jorāān eo ad make ak kālet ko.

Jej loe jipan̄ eo an lan̄ n̄an loe ro jet ilo juon meram ekāāļ, em̧ool n̄e jekar kōm̧m̧ane juon kālet n̄an jar im kajitōk ippen Anij n̄an kōjeraam̧m̧an er kōn aolep kōjeraam̧m̧an eo me jej kapukōte n̄an kōj make. Jeorļo̧k bōd emaron̄ bōk eļap peran im ettā. Emaron̄ bar bōk iien. Emenin aikuj bwe jen likūt ad tōmak ilo Irooj āinwōt ad bōk eddo kōn jekjek ko ilo būruōd. Erkein rej aorōkin im kajoor in anemkwoj in kāālet eo ad” Amy A. Wright, “Kraist ej Kemour Bōro ko Rerub,” Liaona, Māe 2022, 82).

• Imaron̄ ke kālet n̄an bōk juon elmakot ekāāl kōn armej ro iaar dike er? Remaron̄ ke, kōņaan n̄a, ke ikar nan̄inmej ilo jetōb im kar mijkōk jān Anij ke rekar kabōd eō?

• Eļan̄n̄e ij apan̄ kōn menin, ewi wāween Aō maron̄ ukōt kattōpar eo aō n̄an jar kake armej rein?