Jipan̄ ilo Bōk Ājmour

Aorōkin Pukot Jipan̄

Jipan̄ jān ro jet eaorōk n̄an jipan̄ kōj pukot ājmour im kōmour. Ilo an wōr juon armej maron̄ kajitōk jipan̄ ilo iien m̧ōjņo̧ ekkā an kam̧ool bwe eaorōk. Kariab e im kejenolo̧ke rej kadkad in m̧wil ko rej kipel im rekapopo. Epidodo n̄an jinoe rool n̄an m̧wil kein ilo an ejjeļo̧k rie im kōļmenļo̧kjeņ kōn ro jet. Ej menin aorōk n̄an ad bōk rie eo ilo iien eo em̧ōkaj tata ilo ad ājmour tok jān an̄ūrlep.

Ejaake im kakajoorļo̧k jemdo̧o̧n ko ippān ro jet ejjab letok wōt kōketak eo jemaron̄ aikuji ak barāinwōt ej jipan̄ kōj keememej bwe ewōr tokjād n̄an iakwe āinwōt juon ajri nejin Anij. Ilo ad kappukot jipan̄ jen ro jet kōn rie, jej jeraam̧m̧an, im ro me rej rie kōj rej bar jeraam̧m̧an barāinwōt. Ilo ad kōjerbale bun̄tōn ko 12 im kappukot rie jān ro jet, jemaron̄ jeraam̧m̧an jān kein jipan̄ in rie kein:

• Jemedwōj Ilan̄, Jisōs Kraist, im Jetōb Kwojarjar. Jemedwōj Ilan̄, Jisōs Kraist, im Jetōb Kwojarjar rej kein jipan̄ in rie ko ad reļļap tata. Oktak ekar kapidodoik kōn Jisōs Kraist im Pinmuur eo An. Ilo Bok in Mormon eo, rikanaan Alma ej kwaļok bwe Kraist, “Enaaj bōk Ioon m̧ōjņo̧ ko aer, bwe būruōn ren maron̄ obrak kōn tūriam̧o, ekkar n̄an kanniōk, bwe En maron̄ jeļā ekkar n̄an kanniōk ekōjkan jipan̄ armej ro An ekkar n̄an m̧ōjņo̧ ko aer.” (Alma 7:12). Jenaaj en̄jake jipan̄ im naajdik ilo jetōb n̄e jej ettā im itok n̄an ippān Jemedwōj Ilan̄ im Nejin, Jisōs Kraist.

  Eaorōk n̄an jab pere jipan̄ eo an Rilo̧mo̧o̧r kōn Pinmuur eo. E ekar katakin kōj: “Ña iaḷ, im ṃool, im mour” (Jon 14:6). Jetōb Kwojarjar emaron̄ letok n̄an kōj kaenōm̧m̧an, aenōm̧m̧an, im kajoor ilo jetōb n̄an wōnm̧aanļo̧k wōt in eļļā.

• Ro uwaan baam̧le. Ro uwaan baam̧le remaron̄ juon kein rie ilo aer letok iakwe im karuwainene. Rej maron̄ kōļapļo̧k maron̄ eo aer n̄an rie ilo aer mour kōn pedped in katak ko an gospel eo kar katakin ilo Support Guide: Help for Spouses and Family of Those in Recovery. Men̄e eban aolep ro uwaan baam̧le eo renaaj pād ilo juon jekjek en̄jaake n̄an leļok kaenōm̧m̧an, ro me remaron̄ emakijkij aer kein jipan̄ in rie eo ekajoor tata.

• Ro mōttad. Ro m̧ōttad remaron̄ iakwe im rie n̄e jej ekōnono ippāer kōn apan̄ ko ad, men̄e jej ak jab lukkuun kwaļo̧k aolep ilo tipdikier. N̄e ro m̧ōttad ewōr aer peran n̄an kwaļo̧k m̧wil ko me jej aikuj kabōjraki, ak n̄e rej rojan̄ kōj n̄an pukot jipan̄, jemaron̄ wōnm̧aanļo̧k ilo ad eļļā ļo̧k n̄an ājmour. Ilo ad en̄jake iakwe im rie eo jān ro m̧ōttad, menin emaron̄ in kakemeemej kōj kōn ļap tokjān im aorōk eo ad.

• Ritōl ro an kabun̄ Ritōl ro an kabun̄ remaron̄ letok jipan̄ eo emenin aikuj ilo ļamļam in oktak eo. Ritōl rein remaron̄ jipan̄ kōj en̄jake iakwe eo an Rilo̧mo̧o̧r im kōm̧m̧ane juon jerbal aorōk ilo jipan̄ kōj ukweļo̧k im erreo ilo jetōb jān m̧wil ko rej kipel im rekapopo.

• Ribōk eddo ro. Ribōk eddo rej armej ro me rekar lo ājmour jān an̄ūrlep ilo aer kōm̧m̧ani bun̄tōn ko 12. Kōn tijem̧ļo̧k eo aer, rejelā wāween n̄an jipan̄ kōj jerbale im mour kōn būn̄tōn ko. Ekkā aer maron̄ kile riab im meļeļe men ko jet reppen jekdo̧o̧ņ n̄e jemaron̄ jab jeļā kaki.

• Kweilo̧k ko an bōk ājmour. Kweilo̧k in ājmour ko rej juon jikin ejokwane ijo jemaron̄ lo karuwainene, iakwe, im rie. Ilo kweilo̧k kein jej kwaļo̧k en̄jake eo ad barāinwōt ad tōmak im kōjatdikdik n̄an ājmour kōn Rilo̧mo̧o̧r Jisōs Kraist im kōjerbal 12 būn̄tōn ko ilo mour ko ad. Kwaļo̧k en̄jake ko ad emaron̄ jipan̄ kōj jerbal m̧aanļo̧k n̄an oktak ko remenin aikuj im lo kōjātdikdik bwe ājmour im bōk kōmour rej maron̄ tōprak.

• Ro ritijem̧ļo̧k ro ilo jorāān in kōmālij im taktō. Ro ritijemļo̧k ilo jorāān in kōmālij im taktō emaron̄ emakijkij aer letok loļo̧kjen im kapeel ko reinjuon me remenin aikuj n̄an āmjour bōk kōmour jān m̧wil ko rej kipel im rekapopo. Eļan̄n̄e jej apan̄ kōn m̧wil ko rej kipel im rekapopo men̄e jej bōk koņaad ilo Būrookraam̧ in Ājmour jān An̄ūrlep, jej aikuj ļōmņak in pukot jipan̄ an ro retijem̧ļo̧k jān juon eo etimjem̧ļo̧k ilo jorāān in kōmālij im taktō . N̄e jej kappukot jipan̄ ko retijem̧ļo̧k, membōr ro ilo Kabun̄ in rej aikuj kāālet juon eo ej errā ilo pedped in katak ko an gospel.

Kāālet Armej ro n̄an Jipan̄ Eok

Ilo Būrookraam̧ in Ājmour jān An̄ūrlep eo an Kabun̄ in, rejjab lewaj n̄an eok juon ribōk eddo ak sponsor ak juon system in rie. Kāālet n̄āāt eo im wōn eo n̄an kajjitōk kōn jipan̄ ej juon kāālet am̧ make. Lukkuun jar ilo am̧ ļōmņake ro ipeļaakūm̧ ro kojakane ilo kajjitōk kōn jipan̄ ak eo eļap an nej jipan̄ eok. Ilo m̧ool, ilo an lōn̄ļo̧k am̧ armej n̄an jipan̄, enaaj em̧m̧anļo̧k an wōr am̧ iien tōpare ājmour . Ālkin an m̧ōj am̧ lale wōn armej ro kwoj kōņaan bwe ren jipan̄ eok, emaron̄ juon men in kōttāiki bōro im kamijak n̄an kajjitōk jipan̄ eo aer. Ijoke, ilo am̧ kōm̧m̧ane, konaaj maron̄ bwilōn̄ kōn jon̄an iakwe eo im karuwainene eo konaaj en̄jake. An ļapļo̧k am̧ ekkeijel ippān ro jet, enaaj ļapļo̧k iien ko rem̧man konaaj bōk n̄an en̄jake iakwe.

Kanooj lale bwe kwon lukkuun kāālet armej ro kwoj lōke er n̄an rie eok. Jet iian armej ro eļap aer naaj rie eok ej ro kwoj ekkeijel ippāer kiiō (ro jinōm̧ im jem̧am̧, eo pāleem̧, ro uwaan baam̧le, ritōl ro an Kabun̄ in), rekōņaan bwe kwōn tōprak, eļap aer niknik ilo Kabun̄ in, im meļeļe ak ewōr aer juon ikdeelel n̄an meļeļe lukkuun piktokin apan̄ eo kwoj jelm̧aik. Juon armej eo em̧ōj an anjo̧ jān apan̄ ko an make ekkā aer jeļā būrom̧ōj kōn apan̄ ko ro jet rej jelm̧aik. Ro ewōr ippāer ejja apan̄ kein wōt n̄an eo am̧ make ekkā an bōk juon maron̄ eļapļo̧k n̄an meļeļe im en̄jake apan̄ eo am̧.

Ilo am̧ jinoe jerbal in n̄an oktak, komaron̄ pidodo ļōkatip eok ilo ānbwin, en̄jake, im ilo jetōb. Mejmejkaruo n̄an jab ejaake juon jemdo̧o̧n eo ejekkar ippān juon eo me ej rie eok.