Bun̄tōn 6: Jino in pojak n̄an an Anij kōmakūt aolep kadkadin mōjņo ko ad.

Katak eo Aorōk: Oktak in Bōro

Elōn̄ iaad wōj rej jeraam̧m̧an im mour jān bun̄tōn 5. Jekar būlōn̄ kake im kam̧m̧oolol kōn juon oktak ilo kōj make. Elōn̄ iaad wōj ear loe bwe an̄ūrlep ko ad raar kapoik kōj rekar dikļo̧k im jako ļo̧k. Jet iaad wōj ededeļo̧k aer kar jino in loi kōjeraam̧m̧an ko an ājmour. Jekar aolep en̄jake epaake ļo̧k Jemedwōj Ilan̄ im kar bōk aenōm̧m̧an ilo mour ko ad. Kōn oktak ekajoor, jet iaad wōj kar būlōn̄ eļan̄n̄e ear aolepen in jekar aikuj in kōm̧m̧ane. Akō jekar aikuj eļapļo̧k kemour n̄an wōnmaanļo̧k wōt im dāpij ad ājmour.

Jekar loe bwe jitlo̧k eaar kōm̧m̧an an kadkad ko ad re mōjņo ren ļapļo̧k an waļo̧k. Kōnke jekar jab bar kappukōt ad iaļan jo̧o̧r jen pād ilo an̄ūrlep ko ad, jemaron̄ in alikkar ad loe jorāān ko. Jekar kajjieon̄ in dāpij wōt ļōmņak ko im en̄jake ko renana, ijoke rej wōnmaanļo̧k wōt in bar waļo̧k, ekkeini kōj im kaamijake mour ko ad rekāāl ilo ājmour. Mālijjon̄ e kōj n̄an kōjerbal m̧wilin an̄ūrlep ko rekapopo im kōņaan an juon make n̄an dāpij m̧wil ko ad re mōjņo im jerbale jon̄an ājmour ke jekar bōki ilo tōre ko ad kar mokta.

Ro re meļeļe kake kakobaba ko ilo jetōb kōn ājmour rej rōjan̄ kōj n̄an kile bwe ilo an aolep oktak ko ilkin mour ko ad aiboojoj, Jisōs Kraist ej letok elōn̄ļo̧k kōjeraam̧m̧an ko n̄an kōj. Ro jet raar jipan̄ kōj loe bwe eļan̄n̄e jej kōņaan jab joļo̧k wōt ad an̄ūrlep ak joļo̧ke kōņaan eo n̄an bar rool n̄an er, jej aikuj en̄jake juon oktak in bōro. Ikideelel in n̄an juon oktak in bōro ej juon unin bun̄tōn 6.

Komaron̄ kōļmenļo̧kjen elmen am̧ maron̄ kōttōprak kain oktak rōt in. Bun̄tōn 6, āinwōt bun̄tōn ko mokta jān menin, remaron̄ in juon apan̄ eļap. Jab ebweer jān en̄jake kein. Emaron̄ in kōmetak menin, kwoj aikuj in meļeļe, āinwōt jekar kōm̧m̧ane, bwe kile im kwaļo̧k kadkad ko ad re mōjņo ilo bun̄tōn ko 4 im 5 ejjab meļeļein bwe jepojak in joļo̧k. Jemaron̄ in kōņaan wōnmaanļo̧k wōt im kōm̧m̧ani ejja men ko mokta, n̄e jej kajjieon̄ jerbale kōn jon̄an ājmour.

Men eo em̧m̧anin n̄an kile ej bwe jemaron̄ kajjieon̄ in ukōt kōj make ijello̧kin an Anij jipan̄. Bun̄tōn 6 ej aikuj kōj n̄an wujlepļo̧k n̄an Anij aolepen bwein utiej bōro im kōņaan ko an juon make. Āinwōt bun̄tōn 1 im 2, bun̄tōn 6 ej aikuji ad wōnmaanļo̧k wōt kōttāik kōj make im kwaļo̧k ad aikuj pinmuur eo im kajoor in oktak eo an Kraist. Ālkin aolep men, katok in pinmuur eo An eaar kōtļo̧k kōj n̄an jerbali kajojo bun̄tōn n̄an jabōn in. Bun̄tōn 6 ejjeļo̧k oktak.

Ilo ad itok n̄an Jisōs Kraist im kajjitōk kōn jipan̄ kōn bun̄tōn in, jeban inepata. Ilo ad lōke E im kijenmej kōn jerbal eo, jenaaj loe an utiej bōro eo ad oktak n̄an ettā bōro. E enaj kijenmej in kōttare ad mōk in kate kōj n̄an oktak ipped make ilo ejjeļo̧k jipan̄. N̄e jej mōkaj in oktak n̄an Ippān, jenaj bar kam̧ool e An iakwe im kajoor. Ijello̧kin aitōltōl jon̄ok in mwil re m̧ōr, jej maron̄ bōk juon kōļmenļo̧kijeņ eppeļo̧k ilo an Jetōb meanwōd wōt im letok juon ļōmņak kōn iaļan mour em̧m̧anļo̧k. Mijak eo ad kōn oktak enaaj jako n̄e jej kile bwe Jisōs Kraist emeļeļe kake metak eo im jerbal eo epen emenin aikuj. Bar juon alen, jerbale menin emaron̄ bōk juon iien aitok bwe en waļo̧k im eoktak n̄an kajojo iadwōj. Menin ej juon makūtkūt in wōnmaanļo̧k wōt ilo leļo̧k ankilaad n̄an Irooj. Menin ej juon jerbal, jab n̄an juon wōt iien.

Āinwōt juon jerbal in itok n̄an Kraist ej bōk jikin ilo būruōd, tōmak ko ad reriab me rej tein̄i ļōmņak eo ad ebōd im en̄jake ko renaj maron̄ bōj jikin jān m̧ool. Jenaaj eddōkļo̧k ilo kajoor ilo ad wōnmaanļo̧k wōt im katak im mour kōn naan an Anij. Kōn naan in kam̧ool ko an ro jet, Irooj enaj jipan̄ kōj jeļā bwe jejjab eļļā ļo̧k jān An kajoor n̄an kōmour. Ikideelel eo n̄an ņa ruwōn ro jet ak kipel juon make bwe ejjab aikuj in depļo̧ki apan̄ in naaj maron̄ bōk jikin jān ikideelel eo n̄an bōk eddo n̄an E im leļo̧k e n̄an Ankilaan. Kōn rikanaan eo Ezekiel, Irooj eaar kwaļo̧k, “Juon bōro ekāāl … im Inaaj likūt juon jetōb ekāāl i buļōmi. Im Inaaj joļo̧k bōro dekā jān kanniōkemi, im Inaaj lewōj ñan kom̧ juon bōro kanniōk (Ezekiel 36:26).

Rilo̧mo̧o̧r eo ekōņaan kōjeram̧m̧an kōj im ukōt paotok ko ad. Ilo ad kōtļo̧k E bwe en kōm̧m̧ane, jenaaj jino in ļapļo̧k ad juon wōt Ippān, āinwōt An juon wōt ippen Jemedwōj Ilan̄. Rilo̧mo̧o̧r eo ekōņaan letok n̄an kōj kakkije jen ajimakeke im mijak me rej leļo̧k n̄an an̄ūrlep ko ad. E ekōņaan kōjeraam̧m̧an kōj kōn An jouj im kajoor me eppeļo̧k n̄an kōj kōn katok in pinmuur eo An.

Ilo ad ron̄jake unoojdikdik ko an Jetōb im reilo̧k n̄an Anij n̄an lo̧mo̧o̧r jab wōt jen an̄ūrlep ak jen kadkad in mōjņo ko, E naaj ukōt ejaak eo ad im kadkad elan̄n̄e jej m̧ōņōņō. Juon eddōkļo̧k in kōņaan n̄an kakwojarjar jen Anij enaj kepooj kōj n̄an juon oktak ilo lukkuun paotok ko ad. Būreejtōn Ezra Taft Benson eaar kōmeļeļeik oktak jab in āinwōt:

“Irooj ej jerbal itulowa. Laļin ej jerbal jān tulik. Laļ emaron̄ bōk armej ro jen jikin ko renana. Kraist ej bōk nana ko jān armej ro, innām rej make bōk nana jān er make. Laļ emaron̄ ukōt armej jān ukōt kapijuknen eo aer. Kraist ej ukōt armej, ro renaaj ukōt kapijuknen eo aer. Laļ emaron̄ kōkm̧anm̧an m̧wilin armej, ak Kraist emaron̄ ukōt piktokin armej. …

“Jemaron̄ ke kipel kōj bwe Jisōs ej RiKraist eo, kālet n̄an ļoor E, maron̄ oktak n̄an E, kapen jen E, bōke n̄an Ippān, im bar ļotak” (“Born of God,” Ensign, Nov. 1985, 6–7).

Bun̄tōn Jerbal ko

En̄in ej juon būrookraam̧ in m̧adm̧ōd. Ilo ad wōnmaanļo̧k in pedped ion ilo jokin mour kake bun̄tōn ko ilo kajjojo raan. Menin kar jeļā kake “ļoore bun̄tōn ko.” Laajrakin jerbal kein rej jipan̄ kōj itok n̄an Kraist im bōk tōl im kajoor eo menin aikuj n̄an bōk bun̄tōn eo tok juon ilo ad ājmour.

Mōņōņō in oktak kōn kajoor eo an Anij

N̄e jej jinoin jeļā kōn bun̄tōn 6, jet iaad rej ba, “Aet n̄a ipojak bwe Anij en joļo̧k aolep mōjņo ko aō!” Jekar en̄jake ad kar anjo̧ jen elōn̄ iaan kajieon̄ ko ad raar jab tōprak n̄an anjo̧ jen mōjņo ko ad make. Jekdo̧o̧n, ilo ad lin̄ūri im būki meļeļe ko jān ribōk eddo ro ad, jej kile bwe jekar makoko ļo̧k joļo̧k mōjņo ko ad jān ad ļōmņak.

Jetōb Kwojarjar im roj jet rekar jipan̄ kōj loe bwe emakijkij ad kōjerbal mōjņo ko ad āinwōt kein kattōrak ak āinwōt wāween ko n̄an kakajoor aorōk ko ad. N̄an waanjon̄ak, jet iaad wōj raar kōjerbal lelotaan im juon en̄jake in utiejļo̧k ke jekar en̄jake kaamijak. Jekar kōņaan en̄jake jim̧we men̄e jekar emakijkij in bōd.

Jet iad wōj jekar likūt kōj make im joļo̧k paotok eo ad ekwojarjar n̄an kōjeparok ro jet jān aer kōmetak kōj. Jekar ļōmņak bwe eļan̄n̄e jemaron̄ kar kajook kōj make mokta, innem ejabdewōt eo kajook ad utiej epidodo an kar itok ilo ejja jemļo̧k eo wōt emōj ad tōpare.

Ijoke uaak kein re utam̧we n̄an apan̄ ko rej itok jen kadkad in mōjņo ko ad, jab kajoor ko ad. Jekar mijak bwe eļan̄n̄e jen kar joļo̧k ad mōjņo̧ ko ad, jemaron̄ in kar jorāān ļo̧k. Ak āinwōt ad kōtļo̧k an Anij joļo̧k mōjņo ko ad im kar jerbale ippen ribōk eddo ro ad, jej loe ewi jon̄an ļap in an Anij kōjparok kōj.

Kōmij karuwainene kwe n̄an itok loe m̧ook in aorōk eo an juon make im kōņake lōke eo am̧ ilo kōjeparok an Anij ijello̧kun likōpejn̄ak ko am̧ make.

Kōm̧m̧ane juon kijejeto n̄an kakajoorļo̧k jemdo̧o̧n eo ippen armej ro jet ilo ājmour im ilo Kabun̄ eo.

Ilo ad jokane ļo̧k ippen armej ro jet ilo ājmour, jej jino in loe bwe elōn̄ļo̧k ro āinwōt kōj jān ad ļōmņak. Ilo ad jeere bwebwenato ko ad im ron̄jake ko an ro jet kwaļo̧k, ad tūriam̧o ej eddōkļo̧k. Jej jino kile jekjek eo ekkā an waļo̧k n̄an aolep ajri ro nejin Anij peļaakin laļ in im en̄jake eļapļo̧k ilo m̧weo im peļaakier. Baam̧le, ro m̧ōttad, im ritōl ro an Kabun̄ rej karuwainene kōj n̄an bar rool tok im jar ak n̄an kakajoor kallim̧ūr eo kiiō. Ijjelo̧kin makoko ak kōm̧m̧an jekpen ko, jekar pepe n̄an etal in jar. Jej lukkuun loe bwe elōn̄ men ko jej iakwe kake kōn kweilo̧k ko an ājmour me rekar bareinwōt mōttan kabun̄ jar ilo m̧ōn jar.

Ke jaar peptaij, jejjo iaad emeļeļe jekjek in mour an m̧ool in oktak. Ijoke, Būreejtōn Marion G. Romney ekar kōmeļeļeiki menin ilo alikkar: “Juon eo me lukkuun in oktak, ikideelel ko n̄an men ko rāinjuon n̄an gospel eo an Jisōs Kraist me raar lukkuun in kar mej. Im kar bōk jikin kōn menin ej juon iakwe an Anij, kōn juon jerbal in kabwijer im pen bōro n̄an kōjparok kien ko an” (ilo Ripoot in Kweilo̧k eo Eļap, Guatemala Area Kweilo̧k eo Eļap 1977, 8).

Ilo ad ekatak kake kabwilōn̄lōn̄ in ājmour im wōnmaanļo̧k wōt—mokta jān mwilin an̄ūrlep ko im innem jān kadkadin mōjņo ko—jenaj en̄jake m̧ool in oktak. Jenaaj iruj im loe kōj make ejja āinwōt nejin eo ejerwaan kar “ian̄aktok an” (Luk 15:17).

Ekkatak im Meļeļe

Laajrakin jeje ko rekwojarjar im ennaan ko jān ritōl ro an Kabun̄ in remaron̄ jipan̄ ilo ad ājmour. Innem jemaron̄ kōjerbali n̄an kōkm̧anm̧anļo̧k mour, ekkatak, im jeje bwebwenato. Jej aikuj kemeemej n̄an m̧ool im alikkar ilo ad jeje n̄an bōk aolepen men ko rem̧m̧an jān menin.

Joļo̧k aolep am̧ jerowiwi.

“Kiin̄ e eba: …[Ta] inaaj kōm̧m̧ane ekar ba bwe in maron̄ ļotak ilo Anij, im loļo̧k jetōb nana in ekōlibaakļo̧k ilo ānbwinnū, im bōk Jetōb eo An, bwe in maron̄ obrak kōn lan̄lōn̄ … ? Inaaj juļo̧k aolep m̧weiuk ko aō, … bwe in maron̄ bōk lan̄lōn̄ in eļap. …

“Kiin̄ eo eaar bun̄ badik im̧aan Irooj, ioon bukien; aaet, em̧ool eaar erļo̧kleplep ioon laļ, im kar kūr ilo kajoor, im ba:

“O Anij, …inaaj juļo̧k aolep jero̧wiwi ko aō n̄an jeļā Kwe, im bwe imaron̄ jerkak jān ro remej, im mour ilo raan eo āliktata” (Alma 22:15, 17–18).

• Lukkuun riiti eoon kein ippān doon. Ta men ko reppen, ekoba bōklōkōt ko im en̄jake ko, rej dapij eō jān aō juļo̧k “aolep jero̧wiwi ko aō” im bōk Jetōb eo?

Bōk koņaam ilo jemjerā eo an Kabun̄ in

“Im kiiō, kōnke bujen eo kom̧ ar kōm̧m̧ane naaj ān̄inn̄in kom̧ ro nejin Kraist, m̧aan ro nejin, im kōrā ro nejin; bwe lo, rainin Eaar keotak kom̧ ilo jetōb; bwe kom̧ij ba bwe būruōmi raar oktak kōn tōmak ilo Etan; kōn menin, kom̧ij ļotak ilo E im kar erom m̧aan ro im kōrā ro nejin” (Mosaia 5:7).

Ilo ad bōk iood make etan Kraist im kar kakajoor jān Jetōb eo An, jej jino koba ippān Armej ro Rekwojarjar—ro jeid im jatūd ro raar peptaij im kar deļo̧n̄ tok ilo baam̧le eo An ioon laļin.

• Ilo aō itok n̄an jeļā kajjien ro jera rekwojarjar, elmen bwe in kar m̧ōņōņō in bōk koņaō ilo jemjerā eo an Kabun̄ in?

En̄jaake pinmuur

“Bwe armej ilo lukkuun pikitokin ej ri kōjdāt n̄an Anij, im eaar jān wōtlo̧k eo an Adam, im enaaj, indeeo im indeeo, m̧ae an naaj kōtļo̧k e n̄an kareelel ko an Jetōb kwojarjar, im utikļo̧k armej eo ilo lukkuun biktokin im erom juon rikwojarjar kōn pinmuur eo an Kraist Irooj, im erom āinwōt juon ajri, ettā, ineem̧m̧an, ettā bōro, kem̧m̧aanwa, obrak kōn iakwe” (Mosaia 3:19).

Elōn̄ iaad em̧ōj ad erom̧ Armej ro rekwojarjar ilo āt wōt ke jaar peptaij im m̧ōjņo in “utikļo̧k armej eo ilo lukkuun biktokin m̧aan [ak kōrā]” im ejaake kadkad ko rej elaajrak ilo eoon in.

• Elmen an apan̄ in kepooj eō n̄an bōk men eo ej itok wōt kōn Pinmuur eo an Kraist—jān erom̧ juon wōt ilo Jisōs Kraist im Jemedwōj Ilan̄—bwe in maron̄ en̄jake pinmuur.

Itok n̄an Kraist

Elder Richard G. Scott ekar katakin: “Jekdo̧o̧n ta menin jipan̄ eo eppen im jekdo̧o̧n ewi wāween am jino bōk kakije—jen juon therapis eo etijemļo̧k, taktō, ritōl an priesthood, jerā, jinen im jemān ro ejelōt, ak juon eo ejittōnbōro, jekdo̧o̧n elmen am jino uwaak ko reban naaj letok juon uwaak eo edipio. Kōmour eo āliktata ej itok jen tōmak ilo Jisōs Kraist im katak ko An, kōn juon bōro erub im juon jetōb ettā im pokake n̄an kien ko An” (“To Be Healed,” Ensign, May 1994, 9).

Ejjeļo̧k jon̄an drettan jipan̄ ak jemjerā—bareinwōt ilo kurup ko ak kumi jar ko an Kabun̄ in—enaj bōktok lo̧mo̧o̧r. Armej ro jet remaron̄ rie im kōjeraam̧m̧an kōj ilo iaļ in ad, ijoke em̧ool jemaron̄ itok n̄an Kraist make.

• Elmen aō jino iaļ in ājmour in?

• Wōn eo ear kein jerbal ilo jipan̄ eō bōk iaļ in n̄an ukweļo̧k im ājmour? Ekōjkan an kar waanjon̄ak ko aer kar jittōn̄ ļo̧k eō n̄an Rilo̧mo̧o̧r eo?

• Ta eo ikar ekkatak kake kōn Rilo̧mo̧o̧r eo ekar jipan̄ eō ak kipel kōņaan eo aō im maron̄ ukōt m̧wil eo aō?

Kijenmej ilo jerbal eo

“Kom̧ij ajri ro reddik im kom̧ij jab maron̄ ineek aolep men otemjeļo̧k kiiō; kom̧ij aikuj eddek ilo jouj im ilo jeļā kōn m̧ool eo.

“Jab mijak, ajri reddik, bwe kom̧ij Aō, im em̧ōj Aō anjo̧ ioon laļ; …

“Im ejjeļo̧k iaer ro Jema eaar letok n̄an E enaaj jako” (Katak im Bujen Ko 50:40–42).

Jeti iien kijōrjōr ak ebbweer kōn an jerbal in bōk ājmour juon jerbal eo ejjab bōjrak. Eoon kein rej kwaļo̧k an Jisōs Kraist im Jemedwōj Ilan̄ kijenmej ipped āinwōt “ajri ro reddik.” Buki eoon kein n̄an ippam̧ make ilo am̧ jeiki im kwaļo̧k n̄an eok make.

• Ekōjkan an kallim̧ur ko ilo jeje ko rekwojarjar kōkajoorļo̧k eō n̄e ij tin kar ebweer?

Bōk jipan̄ jān Jisōs Kraist

“Ro jeiū im jatū rejitōnbōro, ālikin ami pād ilo iaļ in erānin̄ im eaidik, ikōņaan kajjitōk aolep ededeļo̧k ke? Lo, ij ba n̄an kom̧, Jab; bwe kom̧ ar jab tōprak tok ijin ijello̧kun wōt n̄e jān naan an Kraist kōn tōmak edim ilo E, atartar wōt ioon tōllo̧ke ko an Eo ekajoor n̄an lo̧mo̧o̧ren.

“Kōn menin, kom̧ aikuj bun̄ m̧aanļo̧k kōn dim ilo Kraist, kōn juon kōjatdikdik em̧m̧an emeram, im juon iakwe n̄an Anij im armej otemjeļo̧k. Kōn menin, n̄e kom̧ naaj bun̄ m̧aanļo̧k, kwojkwoj ioon naan an Kraist, im niknik n̄an jem̧ļo̧kin, lo, āindein Jemān ej ba: Kom̧ naaj bōk mour indeeo” (2 Nipai 31:19–20).

• Elmen an Jisōs Kraist jipan̄ eō ilo iaļ in ejim̧we im eranin̄?

• Elmen an eddōkļo̧k iakwe in aō n̄an Anij im an armej ro jet bōk ļo̧k eō jen an̄ūrlep, jipan̄ eō wōnmaanļo̧k wōt ilo bōjrak, im bar jino aō kōjātdikdik kōn mour indeeo?