Kile im Karuwainene Rikāāl ro

Juon rikāāl ej juon armej eo me ekāāl tok n̄an kweilo̧k ko an ājmour. Ļeo ak lieo ekkā emakijkij an juon armej eo ilo tōreān okta ko maantata, juon armej eo ej jepļaaktok ālkin bar rool n̄an einwōt mokta, ak juon eo jerān ak uwan baam̧le an juon eo ej appan̄ kōn an̄ūlep. Jabdewōt eo jejjab kile emaron̄ in juon eo rikāāl, im kōnke kweilo̧k ko jejjo mokta rikāāl ro rej pād ie emakijkij an aorōk, kile bwe eaorōk n̄an kōm̧m̧ane an armej rein en̄jake jokane im ruwainene.

Rikāāl ro emakijkij aer jab lukkuun jeļā im mijak. Kemeemej bwe ej bōk eļap peran n̄an an kajojo armej ro meļeļe bwe rej bōk koņaer ilo m̧wil ko rejorāān, bwe mour ko aer rejjab tōlarōki, im rej aikuj jipan̄. Ej bareinwōt bōk peran n̄an ro jerad ak ro uwaan baam̧le eo n̄an kōnono kake men ko rejelete jen an̄ūrlep ilo mour ko an ro rej iakwe im ilo mour ko aer make. Kōttōbar eo ej n̄an jipan̄ rikāāļ ro kōņaan bar jepļaaktok.

Ewōr ippād eddo eo n̄an ejaake juon karuwainene, bōk mejatoto eo mokta, io̧ļāpen, im ālkin kajojo kweilo̧k? Lōke bwe Jetōb eo enaaj tōl rikāāļ ro ilo kōm̧m̧ane juon jerbal in oktak. Kemeemej bwe rikāāl ro emakijkij aer en̄jake anjo̧, im lukkuun in iakwe im ineem̧an ilo am̧ kepaake. Iakwe, rie, im keperan rej men ko raorōk ilo en̄jake ruwainene im kar kobaiki.

Emōj ad kar bōk tōl jen Kabun̄ in bwe kweilo̧k ko an ājmour rej n̄an ro 18 aer iio im rūtto ļo̧k. Eļan̄n̄e armej eo ej ļe ilaļin 18, rōjan̄ er n̄an kōnono ippen ro jineer im jemāer, bisop, im taktō in jorāān in kōmālij ak rilale ājmour an ānbwin n̄an meļeļe ko jet remaron̄ in jipan̄. Eļan̄n̄e rej kōņaan eļapļo̧k kōmeļeļein meļeļe, rōjan̄ er n̄an kūrļo̧k Local Family Services agency manager/mānija in ra eo an Jipan̄ ko an Baam̧le ijo jokwe ie. Ālkin am̧ kar kōm̧m̧an aer jeļā kōn kien eo, eļan̄n̄e rej wōnmaanļo̧k wōt in pād, jab bar kakeemejmej er im jab kōm̧m̧an jabdewōt n̄an kajejjet kūtien kien eo.

Laajrakin ļōmņak kein remaron̄ jipan̄ ilo am̧ kepaake rikāāl ro mokta im ālkin kweilo̧k ko:

1. N̄e iakiakwe juon armej kwojjab aikuj in kile, kwaļo̧k kadkadin kwe make im kajjitōk eļan̄n̄e ļeo ak lieo eaar bar pād ilo juon kweilo̧k in ājmour mokta ļo̧k.

2. Bar jiron̄ e rikāāl ro bwe rej pād ilo juon jikin eo ejokane. Kōmeļeļeiki bwe jej dedāp wōt pedpedin katak eo kōn eņojak im bwe rej aikuj in wōt kōjerbal āt ko jinoin aer. Bareinwōt, kōjeļāik we bwe elan̄n̄e reban jokane ilo aer riit akō iien kwaļo̧k ilo kweilo̧k ko, rej maron̄ ron̄jake.

3. Kōtļo̧k an rikāāļ ro kwaļo̧k wōt ta ko rej kōņaan. Kile bwe emakijkij aer en̄jake aer jab jokane ilo kōmeļeļeiki etke rej pād ilo kweilo̧k ko.

4. Ļōmņak bwe rikāāl ro rej ron̄jake men ko ewōr ippāer im ippān ro jet rej bōk koņaer. Rikāāl ro renaj en̄jake in kōņaan bar jepļaaktok n̄an kweilo̧k ko n̄e rej maron̄ dideik ļo̧k n̄an ro rej kwaļo̧k. Kōmeļeļeiki bwe kōnke kweilo̧k ko ad peļļo̧k n̄an kajojo armej ro rej en̄taan jen kajojo taip in m̧wil ko rejorāān, membōr ro an kurup eo remaron̄ jab iienotemjej bōk ejja en̄jake in ijoke enaaj emakijkij loe ejja makūtkūt ko wōt, bareinwōt ro me kāālōt ko ak m̧wil ko an ro jet rekar jeleti. Karuwainene rikāāl ro n̄an pād wōt ālkin kweilo̧k eo eļan̄n̄e elōn̄ aer kajjitōk ko.

5. Lōke bwe rikāāl ro renaaj itok im meļeļe kake būrookraam̧ eo ijjelo̧kin ron̄jake aolep kile mōttan ko ie. Kwaļo̧k n̄an rikāāl ro Healing through the Savior: The Addiction Recovery Program 12-Step Recovery Guide or the Support Guide: Help for Spouses and Family of Those in Recovery im rōjan̄ er n̄an kōjerbale jipan̄ kein (maron̄ loe ilo Gospel Library ilo “Addiction” jekjōn in Jipan̄ Mour). Kōmeļeļeiki rikāāl ro bwe jen aer ron̄jake Jetōb eo, pād ilo kweilo̧k ko, im ekkatak unin tōl eo, rej maron̄ in meļeļe ļo̧k im mour kake pedpedin katak ko im kaminene maan ļo̧k n̄an oktak.

6. Kwaļo̧k kadkadin in rikāāl ro n̄an rikōjeikiik eo. Rikōjeikiik ro kemeemej elmen rōt itok n̄an kweilo̧k eo jinointata. Er ro rej waanjon̄ak n̄an ro rej bōk koņaer im maron̄ kwaļo̧k kam̧ool eo aer make kōn ewi wāween an būrookraam̧ eo kar bōktok oktak n̄an mour ko aer.

7. Eļan̄n̄e ewōr būrabļōm ko rej jenokwōn ļo̧k rikāāl ro rej kwaļo̧k en̄jake ko aer, kwoj āinwōt meanwōd n̄e emaron̄ ilo am̧ uwaak. Aolep būrabōļōm ko im kajjitōk ko rewājepdik kōnono kaki ālkin juon kweilo̧k jab io̧ļāpen juon kweilo̧k. Kajojo iien, rikāāl eo enaaj jino in meļeļe kōmanit in kweilo̧k.

8. Kwaļo̧k n̄an rikāāļ ro wōn ro uwaan baam̧le ak ro rejjitōn bōro rej an ro rej appan̄ kōn alooje pija ko rettoon ak kōjerbal uno ko rekajoor bwe ripālele ro im kurup in jipan̄ ko an baam̧le rej maron̄ bōki.

9. Ālkin kweilo̧k eo, make kamoolol rikāāl ro kōn aer pād.

10. Kemeemej bwe rikāāļ ro rej juon kōjeraam̧m̧an n̄an kurup in. Rikāāl ro rej wōnmaanļo̧k wōt ilo letok iien ko rem̧m̧an n̄an jerbal, rie, im ekkatak jen ro jet kajojo.