“1: Soa Galulue,” Mauaina o le Malosi i le Alii: Faafoisia Faalelagona (2020) “1: Soa Galulue,” Mauaina o le Malosi i le Alii: Faafoisia Faalelagona Soa Galulue O Le Aogā o Soa Galulue Faitau: Faatasi ai ma le fesoasoani a isi, e mafai ona e ausia mea maoae. Mo se faataitaiga, o faifeautalai e i ai a latou soa mo le lagolago. I a tatou vaega, e i ai a tatou soa galulue. O soa galulue e fesoasoani le tasi i le isi i le tausia o tautinoga e ala i le: Valaau, tesi, po o le asiasi o le tasi i le isi i le faagasologa o le vaiaso. Talanoa i mea sa tatou aoaoina i le fonotaga a le vaega. Faamalosiau le tasi i le isi ia tausia tautinoga. Fefautuaa’i faatasi e uiga i luitau. Tatalo le tasi mo le isi. Talanoa: Na faapefea ona fesoasoani se isi tagata ia e ausia se mea faigata i se taimi ua tuanai? Faitau: O le avea ma se soa galue e lē faigata pe tele se taimi e alu ai. Ina ia amata se talanoaga, e mafai ona e fesili atu: O le a se mea sa e fiafia i ai i le fonotaga ua te’a a le tatou vaega? O a ni mea lelei na tutupu ia te oe i lenei vaiaso? Na faapefea ona e faaaogaina le mataupu faavae o Lo’u Faavae i lenei vaiaso? O le vaega sili ona tāua o le talanoaga o le fesoasoani lea i le tasi ma le isi e tausi tautinoga. E mafai ona e fesili atu: O faapefea mai oe i le tausia o au tautinoga? Afai e te lei tausia nisi o ia tautinoga, o e manaomia se fesoasoani? O le a se auala lelei ou te lagolagoina ai au taumafaiga?