Mafaufau Loloto—Taimi Aofai: 5 Minute

Ia mafaufau taitoatasi i mea ua e aoaoina i le asō, ma mafaufau po o le a se mea e finagalo le Atua e te faia. Faitau le fuaitau o le mau ma tusi au tali i fesili nei.

“Ma o le au paia uma o e e manatua e tausi ma faia nei upu, ma savavali i le usiusitai i poloaiga, o le a latou maua le maloloina i o latou pute ma le su i o latou ivi; Ma o le a latou maua le poto ma oa silisili o le malamalama, o ’oa natia lava; Ma o le a taufetuli ae lē vaivai, ma o le a savavali ae lē matapogia. Ma o Aʼu, o le Alii, Ou te tuu atu ia te i latou se folafolaga, e faapea o le a laaloa le agelu o le faafanoga ia te i latou, e pei o le fanauga a Isaraelu, ma lē fasia i latou. Amene” (Mataupu Faavae ma Feagaiga 89:18–21

O a ni mea aupito anoa ua ou aoaoina i le asō?

O le a le mea e tasi o le a ou faia o se taunuuga o mea ua ou aoaoina i le asō? (Atonu o lau tautinoga patino lea mo le vaiaso. Afai e le mafai ona e mafaufau i se tautinoga, o nisi o manatu faamoemoeina o loo lisi atu i lalo.)

Manatu mo Tautinoga:

• Mulimuli i se fuafuaga faamalositino.

• Ia tele atu le malolo ma le moe.

• Faataitai ni vaega lelei o le tumamā.

• Talanoa i se uo po o se tagata o le aiga e uiga i au mausa o le ’ai.