“10: Faaauau i Lou Auala i le Ola Tutoatasi,” Mauaina o le Malosi i le Alii: Faafoisia Faalelagona (2021)
“10: Faaauau i Lou Auala i le Ola Tutoatasi,” Mauaina o le Malosi i le Alii: Faafoisia Faalelagona
Faaauau i Lou Auala i le Ola Tutoatasi
Faitau:
Faamalo atu! I le 10 vaiaso talu ai na e atiina ae ni mausa fou ma ola tutoatasi atili. E finagalo le Alii ia faaauau ona e atiina ae i luga o nei tomai ma atiina ae ni tomai fou. A o tatou tatalo ma faalogo, e mafai ona fesoasoani le Agaga Paia ia i tatou e iloa po o a mea i o tatou olaga e manaomia ona tatou faaleleia.
Tautino:
Tautino atu e faia faatinoga nei i le āluga o le isi 10 vaiaso. Tuu se togi i le pusa pe a e faamaeaina galuega taitasi.
-
Iloilo ma faaauau pea ona ola i mataupu faavae uma e 10 o Lo’u Faavae ma mausa o le ola tutoatasi.
-
Faasoa atu mea sa e aoaoina e uiga i le ola tutoatasi i isi. Faaauau pea ona fesoasoani i tagata o lau vaega po o le ofo atu e faagaoioia se vaega fou o le ola tutoatasi.
-
Atiina ae i luga o ou tomai e ala i le auai i se isi vaega o le ola tutoatasi.
-
Suesue mataupu faaleaoaoga faavae o le ola tutoatasi o loo i lalo.
Mataupu Faaleaoaoga Faavae o le Ola Tutoatasi
|
O Le Ola Tutoatasi O se Poloaiga |
O Le Faamoemoega a le Alii o le Saunia o Mea mo Lana Au Paia, ma e Ia te Ia le Mana Uma e Faia Ai |
O Le Faaletino ma le Faaleagaga e Tasi Lava |
|---|---|---|
|
Mataupu Faavae ma Feagaiga 104:15; Ioane 10:10; Mataio 28:18; Kolose 2:6–10 |
Faitau:
“Ma o lenei, oʼu uso pele e, pe a uma ona outou i ai i lenei ala … ou te fesili atu pe ua uma ona faia o mea uma? Faauta, ou te fai atu ia te outou, E leai; ona tou te lē oo mai iinei pe a na lē seanoa le afioga a Keriso faatasi ma le faatuatua lē mafaagaeetia ia te ia, ma le faalagolago atoa i galuega a ia o lē ua malosi aoao e laveai. … E tatau ai ona outou fetaomi atu i luma ma le tumau ia Keriso” (2 Nifae 31:19-20).
“E popole alofa le Alii ia i tatou ua ia tuuina mai ai ia i tatou taitaiga ia tatou auauna atu ai faapea ma le avanoa e atiina ae ai le faalagolago o le tagata ia te ia lava. O Ana mataupu faavae e tumau ma e le suia lava” (Marvin J. Ashton, “Give with Wisdom That They May Receive with Dignity,” Ensign, Ian. 1982, 170).