Mafaufau Loloto—Taimi Aofai: 5 Minute

Ia mafaufau taitoatasi i mea ua e aoaoina i le asō, ma mafaufau po o le a se mea e finagalo le Atua e te faia. Faitau le upusii ma tusi au tali i fesili nei.

“E lē leaga tele e pei ona e manatu i ai i nisi taimi. O le a manuia mea uma. Aua le popole. Ou te fai ifo ai ia te au lava ia i taeao taitasi. O le a manuia mea uma. Afai e te faia le mea sili, o le a manuia mea uma. Tuu atu lau faalagolago i le Atua, ma agai atu i luma ma le faatuatua ma le talitonuga mo le lumanai. O le a lē tuulafoaia i tatou e le Alii. O le a Ia le tuulafoaiina lava i tatou” (Gordon B. Hinckley, “Excerpts from Addresses of President Gordon B. Hinckley,” Ensign, Oct. 2000, 73).

O a ni mea aupito anoa ua ou aoaoina i le asō?

O le a se mea o le a ou faia o se taunuuga o mea ua ou aoaoina i le asō? (Atonu o lau tautinoga patino lea mo le vaiaso. Afai e lē mafai ona e mafaufau i se tautinoga, o nisi o manatu faamoemoeina o loo lisi atu i lalo.)

Manatu mo Tautinoga:

• Faataitai la’u fuafuaga e faaitiitia ai le atuatuvale ma le popole (mai le aitema 4 i le vaega o le “Aoao”).

• Faataitai se tasi o gaoioiga malolo i le vaega o “Punaoa” o le mataupu 4.

• Faataitai le manatunatu lelei po o le ola ai i le taimi nei.