Aoao—Taimi Aofai: 60 Minute

1. O o Tatou Mafaufauga e Uunaia ai o Tatou Lagona

Faitau:

E tāua ou mafaufauga. O le auala e te talanoa ai e uiga ia te oe lava ma le auala e te mafaufau ai e uiga i mea e aafia ai ou lagona ma le faafoisia e mafai ona e i ai. E i ai foi se matafaioi maoae o ou mafaufauga i le ala e te fegalegaleai ai ma isi ma iloa ai le lalolagi o siomiaina oe. Ua aoao mai tusitusiga paia, “Aua e pei ona manatu o ia i lona loto, ua faapea lava o ia” (Faataoto 23:7).

O le iloaina o le telē o le mana o ou mafaufauga i ou lagona, ua saili uma ai le Faaola ma le fili e faatosina ou mafaufauga. Ua valaaulia i tatou e le Faola e “vaai ia te [Ia] i mafaufauga uma; aua le masalosalo, aua le fefefe” (Mataupu Faavae ma Feagaiga 6:36).

Maimoa:

“Pe Ua Lava Ea Lo’u Lelei?” o loo maua i le ihttps://churchofjesuschrist.org/study/video/self-reliance-videos [3:28].

Talanoa:

E mafai faapefea e le “vaai atu [i] [le Faaola] i mafaufauga uma” ona faamanatu atu ia te oe ua lava lou lelei?

2. Iloaina o Mamanu e Lē Sa’o o le Mafaufau

Faitau:

Atonu e masani ona tatou iloaina i tatou lava o taulai atu o tatou mafaufauga i le mea sese po o mea lē lelei. O mamanu o mafaufauga lē sao e ono taitai atu ai i tatou e vaai i taunuuga sili ona leaga e ono tulai mai i se tulaga. O nei mafaufauga faauigalua e mafua ai ona tatou lagona le leaga e uiga ia i tatou lava ma isi. Tatou te oo uma lava i ni mafaufauga lē lelei, ae o nisi taimi tatou te mau ai i totonu o i latou ma lē vaai ai i le mamanu o mafaufauga e lē sao ma le auala o loo tiga ai lo tatou soifua maloloina faalelagona. Faitau le lisi “Mamanu Masani e Le Sa’o o le Mafaufau,” ona talanoaina lea o le fesili o loo mulimuli mai i le lisi. Mafaufau e faailoa mai se tasi pe lua o nei mamanu o mafaufauga e tele ona e faaaogaina.

Mamanu Masani o Mafaufauga e Lē Sa’o

Mamanu o mafaufauga	Faamalamalamaga	Faataitaiga
Mamanu o mafaufauga Mea Uma po o le Leai	Faamalamalamaga O le vaaia o se mea po o se tasi e lelei uma pe leaga uma. Vaavaai mo fasifuaitau e i ai upu e pei o taimi uma ma le leai lava.	Faataitaiga “Ou te fai atu i taimi uma le mea sese.”
Mamanu o mafaufauga Sese le faaigoaina	Faamalamalamaga Aveina o se mea na tupu ma faia ai se faamatalaga lautele pe lē sao.	Faataitaiga “Ua uma le mafutaga, o lea e le lava ai lo’u lelei.”
Mamanu o mafaufauga Oso i Faaiuga.	Faamalamalamaga Faamatalaina o mafaufauga o isi po o le mafaufau i le taunuuga sili ona leaga e ono i ai.	Faataitaiga “Ou te matea o loo taliē mai tagata uma ia te au.”
Mamanu o mafaufauga Faapatinoina	Faamalamalamaga O le tuuaia o oe lava po o se isi tagata mo se tulaga e aofia moni ai le tele o mea moni.	Faataitaiga “Latou te lei toe valaau mai ia te au, o lea atonu ua latou feita ia te au.”
Mamanu o mafaufauga Mafuaaga Faalelagona	Faamalamalamaga Faamasinoina o se tulaga e faavae i ou lagona.	Faataitaiga “Ua ou nofosala. Masalo sa ou faia se mea leaga.”
Mamanu o mafaufauga Ova le faamasinoina	Faamalamalamaga Faaaogaina o le aafiaga o se tasi ma faamasinoina ai aafiaga uma.	Faataitaiga “Sa lē lelei lau faatinoga i lenei tofiga, aisea la e tatau ai ona ou nofo i le vasega?”
Mamanu o mafaufauga Faamamā o Mea Lē Lelei o le Mafaufau	Faamalamalamaga Taulai atu i se faamatalaga lē lelei ma tumau ai.	Faataitaiga “E foliga mai e leai se mea na lelei i le asō. Sa nao le toilalo ma le toilalo.”
Mamanu o mafaufauga Lē Amanaia Mea Lelei	Faamalamalamaga Teenaina o aafiaga lelei uma ona e te lē lagonaina lo latou aogā	Faataitaiga “E lē afaina pe ai e lau tama teine le meaai o le taeao. Sa ia faaalia le fia faalii i le aso atoa!”
Mamanu o mafaufauga Faalautelega	Faamalamalamaga Faateleina o ou vaivaiga pe faatusatusa i malosiaga o isi.	Faataitaiga “Sa tau lē mafai ona ou kukaina se taumafataga o le afiafi mo lo’u aiga, ma a ou faia, e lē taitai lava pei o ana taumafataga o le afiafi.”
Mamanu o mafaufauga Faamatalaga “E Tatau”	Faamalamalamaga Tau ia te oe lava pe faapefea ona tatau pe lē tatau ona i ai ni mea.	Faataitaiga “Sa lē tatau ona ou sasi faapena.”

Talanoa:

Aisea tatou te manatu ai i nisi taimi faapenei?

3. Tali Atu i Faaosofia

Faitau:

O se faaosofia o se mea e mafua ai se tali otometi i o tatou mafaufauga, lagona, ma amioga. O faaosofia e ono aofia ai mea e te vaai i ai, mafaufau, lagona, ma aafia ai. E mafai ona aafia ai ou lagona, le taimi o le aso, tulaga o le malosi, mafutaga, nofoaga, mea na tutupu, po o isi tulaga. A lē talafeagai lau tali otometi i se faaosofia, e mafai ona e aoao ni auala sili atu e tali atu ai.

GAOIOIGA (10 minute)

Laasaga 1: Ua matou faauigaina po o a faaosofia ma pe faapefea ma pe o afea foi e te ono aafia ai. Tali fesili nei e oe lava ia; o le a latou fesoasoani ia te oe e faailoa mai po o fea, o afea, ma pe o ai foi e ono tupu ai au faaosofia. Ona lisi lea o ni nai faaosofia e tutupu soo i lou olaga.

O a lagona o loo sili ona ou tauivi ai?

O a aso o le vaiaso po o taimi o aso e sili ona faigata mo au?

O a ituaiga o tagata e faigata ona ou faatasi i ai?

O a tulaga po o mea e tutupu e sili ona faigata mo au?

O a ni nai faaosofiaga o loo tutupu pea lava pea i lou olaga?

Laasaga 2: I le avea ai o se vaega, iloilo nisi o faaosofia masani. Faitau faatasi le faataitaiga ona faatumu faatasi lea o isi faaosofia e lua. Muamua, faailoa mai pe o le a sou lagona i le faaosofia. Ona faatumu lea o tali masani ma isi mea e sili atu ona maloloina.

Siata o Le Faaosofia ma Tali

Faaosofia	O a Ou Lagona Ona o le Faaosofia?	Na Faapefea Ona Ou Tali Atu?	E Mafai Faapefea Ona Ou Tali Atu?
Faaosofia Faataitaiga Alu i se pati e te lē iloaina se tasi	O a Ou Lagona Ona o le Faaosofia? Lofituina ma faamasinoina Atuatuvale i le toatele nauā o tagata na siomia au Faamalosia e avea ma se tasi latou te mananao ia avea ai au	Na Faapefea Ona Ou Tali Atu? Lafi i se isi potu ma faaesea au lava Aloese mai talanoaga Nofo i talaane o meaai Matamata i la’u telefoni	E Mafai Faapefea Ona Ou Tali Atu? Valaaulia se uo ma te o Taulai atu i le loto faafetai Tau ia te au lava ua lava lo’u lelei
Faaosofia O le i ai faatasi ma se tasi e te lē fiafia i ai	O a Ou Lagona Ona o le Faaosofia?	Na Faapefea Ona Ou Tali Atu?	E Mafai Faapefea Ona Ou Tali Atu?
Faaosofia Faalogoina po o le vaaia o se sāvali lē lelei e uiga ia te au po o se tasi ou te alofa i ai	O a Ou Lagona Ona o le Faaosofia?	Na Faapefea Ona Ou Tali Atu?	E Mafai Faapefea Ona Ou Tali Atu?

Laasaga 3: Na o oe lava, filifili se tasi o faaosofia na e tusia i lalo i le Laasaga 1. Tusi i lalo ou lagona ona o le faaosofia. Ona faatumu lea o tali masani o loo ia te oe ma isi auala e sili atu ona maloloina.

Siata o Le Faaosofia ma Tali

Faaosofia	O a Ou Lagona Ona o le Faaosofia?	Na Faapefea Ona Ou Tali Atu?	E Mafai Faapefea Ona Ou Tali Atu?
Faaosofia	O a Ou Lagona Ona o le Faaosofia?	Na Faapefea Ona Ou Tali Atu?	E Mafai Faapefea Ona Ou Tali Atu?

Talanoa:

E mafai faapefea e le nofouta i a tatou faaosofia ona fesoasoani tatou te tali lelei atu ai?

4. Fatuina o Ni Mamanu e Sili Atu ona Sa’o o le Mafaufau

Faitau:

A uma ona e faailoa mai au mamanu o mafaufauga e lē sao, o le isi laasaga o le taumafai lea ma suia i ni mafaufauga e sili atu ona sao ma moni. E mafai ona e valaaulia le faatosinaga a le Faaola e ala i le luitauina o ou mafaufauga ma fesili atu pe moni (tagai Ioane 8:32). O nisi nei o fesili e mafai ona e faaaogaina e luiina ai ou mafaufauga e lē sao:

• I le mafaufau ai i faamaoniga uma, pe o le manatu o loo ou maua e 100 pasene le sao?

• Pe o se mea ea lenei e finagalo le Faaola ou te mafaufau i ai pe lagonaina?

• Pe o atoa ea mea uma pe leai foi i lenei mafaufauga—lelei uma pe leaga uma, malo pe faia’ina, tonu pe sese?

• Pe o le mafaufau i lenei auala e fesoasoani ia te au pe faatiga ai ia te au?

• O a ni ou lagona pe a ou maua lenei manatu?

• O le a se mea ua ou iloa e uiga ia te au lava ia ma isi e ta’u mai ai e lē moni lenei mea?

• O le a se mea ou te ta’u atu i la’u uo sili po o se tasi ou te faaaloalogia pe afai latou te mafaufauina nei mea?

Talanoa:

Aisea e tāua ai le luiina o le manatu sese ma fatu ni mafaufauga e sili atu ona sao?

GAOIOIGA: (15 minute)

Laasaga 1: O loo i lalo se faataitaiga o le auala e luiina ai mamanu lē sao o mafaufauga. Faitau faatasi o se vaega le ata.

Talanoa:

O a ni manatu faafoisia faaopoopo e mafai ona e faaopoopo i le koluma “Fatu Nisi Mafaufauga Sao” i le laasaga 1?

Laasaga 2: Faatasi ai ma se paga, faatumu le Siata o le Puleaina o Mafaufauga o loo i lalo e faaaoga ai le mea sese o loo mafaufau i ai i le pusa muamua. Talanoaina pe mafai faapefea e le Faaola ona taitai atu i tatou i ni mafaufauga e sili atu ona sao.

Laasaga 3: Na o oe lava, mafaufau i se tulaga na i ai sou manatu sese. Tusi lena manatu sese i le pusa muamua. Faatumu le itu agavale o le siata i mafaufauga e faatumauina ai le uluai manatu sese. Ona faatumu lea o le itu taumatau i ni mafaufauga e sili ona sao, e aofia ai manatu atonu o loo finagalo i ai le Faaola.

Talanoa:

O le a se mea e mafai ona tatou faia e faamanatu ai ia i tatou lava ia luiina ma suia a tatou mamanu o mafaufauga e lē sao i mafaufauga e sili atu ona sao?

5. O le Suia o o Tatou Mafaufauga e Manaomia ai le Faataitai

Faitau:

O le laasaga mulimuli i le suia o o tatou mafaufauga o le faataitai lea. O lenei mea e manaomia ai le taimi ma le onosai.

E ui o manatu sese e fusia ai i tatou ma faatapulaaina ai lo tatou fiafia ma le tomai e tuputupu ae ai, ae o le luitauina o nā manatu sese ma suia i manatu e sili atu ona sao o le a “faasaolotoina [i tatou]” (Ioane 8:32). O le fatuina o ni mafaufauga e sili atu ona sao o le a fesoasoani i lo tatou talitonuga mautinoa e tuputupu ae ai a o tatou vaai ia i tatou lava ma isi i se auala e sili atu ona maloloina.

O lenei vaiaso e mafai ona e faataitaia mamanu lelei o mafaufauga e ala i le faamaeaina o le “Siata o le Puleaina o Mafaufauga” o loo i le faaiuga o le mataupu lenei. Mafaufau e faasoa atu lau siata ua maea i se tagata o le aiga po o lau soa galue.